Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Siguróla er margt til lista lagt og klikkar ekki í eldhúsinu eins og hér sést



22. mars 2010 - Akureyri handboltafélag skrifar

Matarkrókurinn - Siguróli M. Sigurðsson

Við tökum nú aftur upp þráðinn með matarkrókinn en liðsmenn Akureyrar Handboltafélags skoruðu hver á annan að koma með gómsætar uppskriftir sem birtust í Vikudegi. Að þessu sinni er röðin komin að markverðinum Siguróla M. Sigurðssyni sem tók áskorun félaga síns í Akureyri Handboltafélagi, Odds Gretarssonar og er hér mættur með girnilegar uppskriftir. „Þetta er hrikalega góð uppskrift að lambafileti með beikonkartöflum og gráðostasveppasósu. Eitthvað sem við markmennirnir borðum mikið til þess að halda okkur breiðum svo að sé erfiðara að skjóta framhjá okkur,“ segir Siguróli.

Lambafilet með beikonkartöflum og sósu

Kjötið (fyrir fjóra)
  • 4 x 200 g lambafilet með fitu frá Norðlenska
  • Sjávarsalt og nýmalaður pipar
Beikonkartöflur
  • 8 stórar kartöflur (ekki bökunar)
  • 8 sneiðar beikon
  • 8 litlar greinar af rósmarín
  • 10 g smjör
  • Ólífuolía
  • Salt og pipar
Gráðostasveppasósa
  • 250 g sveppir, skornir
  • 400 ml rjómi
  • Kjötkraftur
  • 1 – 2 teskeiðar gráðaostur (fer eftir smekk)
  • Salt og pipar
Brúna á kjötið á pönnu, upp úr smjöri. Fyrst á fituhliðinni, krydda með salti og pipar og setja í eldfast mót. Baka í 180°C heitum ofni í ca. 15 mínútur (eftir smekk). Takið þá út og látið standa í 5 mínútur (mjög mikilvægt).

Ekki þrífa pönnuna eftir að hafa steikt kjötið, heldur setjið sveppina út á „skítuga“ pönnuna. Steikið þá upp úr sama smjöri og kjötið. Eftir að þeir eru orðnir brúnir og smjörið orðið brúnt hellið þá rjómanum út á, litlum skömmtum í einu og látið suðuna koma upp. Bætið þá alltaf við litlu í einu. Síðan má byrja að setja eina teskeið af gráðaosti og eina teskeið kjötkraft. Sósan söltuð, pipruð eða settur meiri gráðaostur eftir smekk. Mikilvægt er að steikja sveppina upp úr sama smjöri og kjötið til þess að fá soðið af kjötinu í sósuna.

Afhýðið kartöflurnar og skerið sneið af öðrum endanum svo kartaflan standi. Notið skeið eða kúlara til að skafa innan úr kartöflunni hálfa leið. Rúllið saman einni beikonsneið og smá rósmaríni og setjið í hverja kartöflu. Bræðið smjörið og hellið því ofan á kartöflurnar. Kryddið með salti og pipar og dreypið nokkrum dropum af olíu yfir. Bakið í ofni við 180°C í 40 – 50 mínútur.
Borið fram með fersku salati og gulum baunum.

Frönsk eplabaka

  • 200 g hveiti
  • 200 g smjör við stofuhita
  • 200 g sykur
  • 4 græn epli
  • 2 tsk. kanill
  • 8 tsk. sykur
Hnoðið vel saman hveiti, sykur og smjör. Þrýstið deiginu í botninn á bökunarformi en skiljið svolítið eftir til að setja ofan á. Afhýðið eplin og skerið í þunnar sneiðar, blandið saman sykri og kanil og stráið yfir. Leggið afganginn af deiginu ofan á. Setjið í 180 gráðu heitan ofn í 40 – 50 mínútur. Berið fram með rjóma eða ís.

„Í tilefni þess að eplabakan er frönsk ætla ég að skora á Frakklandsvininn og fyrirliðann, Jónatan Magnússon, að koma með næstu uppskriftir í matarkrókinn“ segir Siguróli og býður mönnum að gjöra svo vel.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson