Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Oddur var markahæstur í leiknum í dag



25. mars 2010 - Akureyri handboltafélag skrifar

Vonbrigðatap gegn Fram

Akureyringar fjölmenntu að vanda í Höllina til að sjá strákana reka af sér slyðruorðið gegn Frömmurum eftir tap í arfaslökum leik á móti Gróttu sl. sunnudag. Því miður varð fólki ekki að ósk sinni því þeirra beið frekar stemmningslaus og slakur handboltaleikur.
Jafnræði var með liðunum í fyrri hálfleik, Akureyri náði þá mest þriggja marka forystu 11-8 en Fram jafnaði í 11-11. Staðan í hálfleik var 13-13.


Árni Sigtryggsson ekki sáttur með meðhöndlunina

Flestir áttu von á að Akureyringar myndu koma betur stemmdir til seinni hálfleiks eftir slakan fyrri hálfleik en því miður varð það ekki reyndin. Sama stemmningsleysið hélt áfram og voru það gestirnir sem byrjuðu síðari hálfleikinn betur og komust í 17-14. Við það reyndar rönkuðu heimamenn við sér og jöfnuðu 17-17, jafnt var svo á öllum tölum upp í stöðuna 20-20 þegar um 15 mínútur voru eftir, en þá skildu leiðir. Framarar tóku völdin á vellinum og komust í fimm marka forystu 27-22 og ekki nema um 5 mínútur voru eftir. Strákunum tókst aðeins að hleypa spennu í leikinn með því að minnka muninn í tvö mörk þegar um ein og hálf mínúta var eftir. Framarar náðu hins vegar að setja mark úr næstu sókn sinni og þar með var allur vindur úr heimamönnum enda ekki nema um ein mínúta til leiksloka og munurinn þrjú mörk, nánast vonlaus staða. Fram skoraði aukinheldur tvö síðustu mörk leiksins og fögnuðu þeir mikið enda var baráttuandinn og viljinn búinn að landa fyrir þá sanngjörnum sigri, lokatölur 31-26.


Geir Guðmundsson fékk heldur betur að kenna á því

Strákarnir náðu sér einfaldlega aldrei á strik í kvöld og má segja að allrar sanngirni sé gætt þegar sagt er að enginn þeirra átti góðan leik. Sóknin var mjög slök og þegar hún virtist ætla að ganga upp fóru menn að klúðra jafnvel algjörum dauðafærum. Vörnin var litlu skárri, markmennirnir reyndu sitt besta en voru í erfiðri stöðu. Stemmninguna í liðið vantaði algjörlega, sem er mjög undarlegt í ljósi stöðu liðsins í deildinni og þess hve mikið er í húfi í hverjum einasta leik deildarinnar.

Mörk Akureyrar: Oddur Gretarsson 6, Árni Þór Sigtryggsson 4, Jónatan Magnússon 4, Andri Snær Stefánsson 3 (3 úr vítum), Heimir Örn Árnason 3, Geir Guðmundsson 2, Guðmundur Hólmar Helgason 2 og Hörður Fannar Sigþórsson 2.
Varin skot: Hafþór Einarsson 10 og Hörður Flóki Ólafsson 4

Engin ástæða er þó til þess að leggjast í volæði yfir því að hafa glatað þessum fjórum stigum í síðustu tveimur leikjum sem klárlega hefðu átt að vinnast. Framundan eru þrír hörku leikir gegn liðum í efri hluta deildarinnar og hafa strákarnir sýnt það í vetur að þeir geta unnið þá alla. Næsti leikur er gegn Val í Vodafonehöllinni í næstu viku og hvetjum við að sjálfsögðu alla Akureyringa á höfuðborgarsvæðinu til að fjölmenna og styðja strákana til sigurs.

Jón Stefán Jónsson
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson