Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Boltinn er hjá dómstóli HSÍ

11. apríl 2010 - Akureyri handboltafélag skrifar

2. flokkur: Engir úrslitaleikir í dag!

Fárið í kringum úrslitakeppni 2. flokks tekur stöðugt á sig nýjar myndir. Eins og við greindum frá í gær unnu Haukar leikinn gegn FH með einu marki. Fljótlega fór af stað orðrómur um að FH myndi kæra niðurstöðu leiksins vegna mistaka við framkvæmdina. Rétt fyrir miðnætti hafði hins vegar engin kæra borist til HSÍ og því var gefið út að úrslitaleikur Akureyrar og Hauka yrði leikinn í dag klukkan 14:00 eins og áætlað hafði verið.

Rétt fyrir klukkan 4:00 í nótt barst hins vegar kæran frá FH til HSÍ og viðeigandi kæruferli farið af stað. Fyrir vikið er útséð að ekki verður leikið til úrslita í dag og eru Akureyrarstrákarnir því á leiðinni norður í rútu.

Okkur skilst að kæruatriðið sé að leikmaður Hauka hafi komið sex sekúndum of snemma inná völlinn eftir brottvísun. Ástæðan sé þó sú að vegna galla í ljósaborði leikklukkunnar sé erfitt að greina hvort hún sýnir núll, sex eða átta og í hita leiksins var leikmanninum því hleypt inná á of fljótt. Haukar unnu leikinn með einu marki en FH vilja að hann verði leikinn á ný.

Það verður forvitnilegt að fylgjast með hvernig dómstóll HSÍ dæmir í þessu máli. Þarna eru gerð mistök hjá starfsmönnum leiksins sem hafa verið viðurkennd. En hversu oft ætli það hafi ekki gerst að dómarar leikja geri mistök í dómgæslu? Má þá eiga von á að úrslit leikja í framtíðinni verði ekki ljós fyrr en að kærufrestur liðanna er útrunninn?
Ekki er gott að segja hverjar lyktir málsins verða. Haukar hafa væntanlega nokkurra daga frest til að andmæla og síðan þarf dómstóll HSÍ að kveða upp sinn dóm.

Hvort sem niðurstaðan verður að úrslitin standi eða leikurinn verði leikinn á ný er ljóst að ekki er hlaupið að því að finna leikdaga fyrir þann leik og sjálfa úrslitaleikina. Stór hópur þessara leikmanna er í U-20 ára landsliði Íslands sem er í æfingaprógrammi frá mánudegi til fimmtudags vegna Evrópumeistaramótsins sem fer síðan fram næstkomandi föstudag til sunnudags.

Úrslitakeppni meistaraflokks hefst síðan fimmtudaginn 22. apríl en þar leika einmitt margir þessara stráka stórt hlutverk með liðum sínum.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson