Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Við viljum þjóna stuðningsmönnum okkar sem best

9. nóvember 2010 - Akureyri handboltafélag skrifar

Beina textalýsingin vinsæl á heimasíðunni

Allt frá því að heimasíða Akureyrar fór í loftið höfum við haldið úti beinum textalýsingum frá leikjum liðsins. Undantekningar hafa verið gerðar þegar leikir liðsins hafa verið sýndir beint í sjónvarpinu eða á SportTV.is.

Stuðningsmenn Akureyrar voru svo heppnir á síðasta tímabili að SportTV.is sýndi frá allflestum útileikjum liðsins en nú virðast vera blikur á lofti þar og virðist stöðin vera hætt starfsemi. Heimasíðan mun því gera sitt besta til að lýsa útileikjum liðsins í ár.

Allt frá upphafi hefur verið teljari á lýsingarsíðunni þannig að við höfum tölur um fjölda heimsókna á síðuna á hverjum degi. Það er greinilegt að lesendur heimasíðunnar kunna vel að meta þessa þjónustu. Súluritið hér á eftir sýnir fjölda þeirra sem fylgdust með síðustu sex lýsingum okkar. Leikur Hauka og Akureyrar í síðustu umferð N1 deildarinnar síðastliðið vor toppar heimsóknafjöldann, en sá leikur skar úr um það hvort Akureyri kæmist í úrslitakeppnina eða ekki. Alls fylgdust 5.737 með lýsingunni sem er reyndar met frá því að þessar lýsingar hófust.


Fjöldi sem fylgdist með síðustu sex lýsingum

Eins og sést á súluritunu þá hafa u.þ.b. 2.100 fylgst með hverjum leik það sem af er þessu tímabili.

Lýsingarnar núna fara þannig fram að lýsandinn er með fartölvu á leiknum og skrifar beint inn á vefinn það sem gerist á vellinum. Fyrstu árin var hins vegar ekki hægt að ganga að því sem vísu að það væri tölvusamband í íþróttahúsunum þar sem leikirnir fóru fram og var þá fenginn áhugasamur áhorfandi til að lýsa leiknum í gegnum síma og hvert orð slegið inn á tölvuna jafnóðum.

Eins og áður segir hafa beinu lýsingarnar fylgt síðunni allt frá upphafi og hér má sjá vinsælustu leikina frá upphafi.


Vinsælustu leikirnir frá upphafi

Eins og sjá má þá er mikið fylgst með heimaleikjunum sem bendir til að stuðningsmenn gestaliðanna séu duglegir að fylgjast með framvindu leikjanna, enda viljum við að sjálfsögðu þjónusta þá og lítum á beinu lýsinguna sem sjálfsagðan part af umgjörð leikja Akureyrar Handboltafélags.

Þess má geta að 1. mars 2009 léku HK og Akureyri bikarúrslitaleik í 2. flokki og var þeim leik lýst á síðunni (gegnum síma) og alls fylgdust 1.729 með þeirri útsendingu.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson