Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Geir var með sannkallaðan stórleik í dag





11. nóvember 2010 - Akureyri handboltafélag skrifar

Öruggur sigur á Selfyssingum og Akureyri áfram á toppnum

Fín stemmning var á áhorfendapöllunum frá byrjun leiks þegar að Akureyri Handboltafélag tók á móti Selfyssingum í N1 deildinni í kvöld. Okkar menn voru fyrir leikinn ósigraðir í efsta sæti deildarinnar með 10 stig en Selfyssingar sátu í næst neðsta sæti með tvö stig.

Leikurinn var jafn til að byrja með og var jafnt á flestum tölum upp í stöðuna 6-6 á 11 mín. Geir Guðmundsson hafði þá skorað fimm af sex mörkum leiksins en þegar loksins hinir hrukku í gang fóru hlutirnir að gerast og næstu 5 mörkin voru Akureyringa.


Geir skorar eitt af fyrstu fimm mörkum liðsins í kvöld

Norðanmenn voru því komnir með nokkuð þægilega forystu 10 mínútum fyrir lok fyrri hálfleiks.

Sú forysta hélst lengst af en menn fóru full snemma að huga að því að hvíla sig í stað þess að bíða með það fram að hálfleik því Selfyssingar skoruðu síðustu þrjú mörk fyrri hálfleiks og var staðan í leikhléi 15-13.

Sveinbjörn Pétursson markvörður Akureyrar varði sem fyrr virkilega vel og þegar flautað var til leikhlés var hann þegar kominn með 14 varin skot, mörg hver þeirra úr dauðafærum. Geir Guðmundsson hafði einnig átt mjög góðan leik og skoraði 6 mörk.

Í síðari hálfleik var leikurinn nokkuð jafn framan ef en rétt eins og í þeim fyrri tók Akureyri að síga fram úr eftir um 10 mínútna leik í síðari hálfleiknum og tóku Selfyssingir leikhlé um 9 mínútum fyrir leikslok í stöðunni 29-24 fyrir Akureyri. Það leikhlé hafði þó ekki mikið að segja því Akureyringar áttu ekki í teljandi vandræðum með að klára leikinn á sannfærandi hátt, lokatölur urðu 34-29.

Vörn Akureyrar var nokkuð kaflaskipt í fyrri hálfleiknum og það sama átti við í þeim síðari, lengst af var hún þó sæmileg en ekki mikið betri en það. Sóknarleikurinn var hins vegar með betra móti sem sýnir sig í 34 mörkum skoruðum hjá liðinu.


Guðlaugur Arnarsson var öflugur á línunni og skoraði fjögur mörk í kvöld

Ekki verður skilið við leikinn án þess að minnast á hið unga lið Selfoss sem bauð upp á virkilega skemmtilegt varnarafbrigði þegar þeir voru einum fleiri á vellinum og spiluðu þá maður á mann vörn (oft nefnd indíánavörn). Það gekk svona upp og ofan en var skemmtileg tilraun engu að síður. Varnarleikur Selfyssinga þess í milli var hins vegar ekki burðugur og varð liðinu að falli í leiknum. Liðið er hins vegar augljóslega með marga efnilega leikmenn innan sinna raða og á greinilega framtíðina fyrir sér, rétt eins og Akureyrarliði sem er nú síður en svo skipað eingöngu gamlingjum, en þrír af fjórum markahæstumönnum liðsins eru tvítugir eða yngri.

Ef við hellum okkur í tölfræðina þá átti Sveinbjörn átti góðan leik í markinu og varði 24 skot.


Stefán Guðnason í þann mund að verja vítakast

Af útileikmönnum voru hornamennirnir Bjarni Fritzon og Oddur Grétarsson atkvæðamiklir að venju. Bjarni skoraði 9 mörk og Oddur 5. Geir Guðmundsson átti einnig mjög góðan leik og setti 8 mörk. Guðmundur Hólmar Helgason skoraði 4, Guðlaugur Arnarson 4, Heimir Örn Árnason 2 og Hörður Fannar Sigþórsson 2.

Næsti leikur Akureyrar er á mánudaginn gegn Aftureldingu í Höllinni í bikarkeppninni og er engin ástæða til annars en að fjölmenna á þann leik því það er löngu kominn tími á alvöru bikarævintýri hjá Akureyringum!

Jón Stefán Jónsson

Sjá fleiri myndir Þóris Tryggvasonar frá leiknum.
Fleiri myndir frá leikjum kvöldsins á sport.is

Eftir leiki kvöldsins þar sem HK sigraði Hauka og Fram vann Aftureldingu er staðan í deildinni þannig:
Staðan í deildarkeppni karla
Nr. FélagLeikir U J TMörkHlutfallStig-
1. Akureyri6600183 : 1483512:0
2. HK6501203 : 198510:2
3. Fram6402205 : 176298:4
4. FH5302159 : 142176:4
5. Haukar6303156 : 162-66:6
6. Afturelding6105157 : 179-222:10
7. Selfoss6105161 : 185-242:10
8. Valur5005124 : 158-340:10
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson