Fréttir af okkar mönnum í útlöndum


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Andri Snær, Einar Logi, Jónatan og Árni standa í stórræðum þessa dagana		15. nóvember 2010 - Akureyri handboltafélag skrifar Fréttir af okkar mönnum í útlöndum Það er orðið nokkuð síðan við birtum fréttir af okkar mönnum í útlöndum og skal nú bætt lítillega úr því. Danmörk Í dönsku 1. deildinni heldur sigurganga Odder liðsins áfram. Eftir níu umferðir eru Andri Snær og félagar á toppi deildarinnar með 15 stig, þrem stigum á undan næstu liðum. Í gær (sunnudag) valtaði Odder yfir botnliðið, Frederikshavn FI, með 41 mörkum gegn 20 þar sem Andri Snær skoraði þrjú mörk og fiskaði vítakast. Andri Snær (númer 14) og félagar í Odder fagna marki í leik gærdagsins Um síðustu helgi vann Odder góðan útisigur gegn Kaupmannahafnarliðinu Holte 25-32. Einar Logi Friðjónsson hefur verið meiddur og misst af tveim síðustu leikjum Ribe-Esbjerg sem er nú í 8. sæti með 10 stig. Þeir félagarnir Andri Snær og Einar Logi mætast einmitt í næstu umferð, á föstudaginn þegar Odder mætir í heimsókn til Ribe-Esbjerg. Noregur Í Noregi vinnur Jónatan Magnússon og lið hans Kristiansund hvern stórsigurinn á fætur öðrum í norsku 2. deildinni. í gær tók Kristiansund lið Vikhammer í bakaríið 41-16. Á heimasíðu liðsins er ekki greint frá markaskorun en ljóst að yfirburðir Kristiansund liðsins voru algjörir og ljóst að Jónatan hefur stýrt leik liðsins af öryggi: Alle spilte mye idag, med godt hell. Jonatan er sjefen og spiller som vanlig godt. Næsta leik þar á undan sem var útileikur gegn Holte HK unnu Jonni og félagar að sama skapi stórt, 20-45. Í þeim leik skoraði Jónatan 6 mörk og svo við vitnum aftur í heimasíðu liðsins þá stjórnar Jonni algjörlega leik liðsins: Ellers så er som vanlig Jonatan sjefen ute på banen. Han styrer kampen som han vil og som Gunnar vil. Hér er að sjálfsögðu átt við Gunnar Magnússon þjálfara liðsins Gunnar Magnússon þjálfari, Eivind Berg og Jónatan Þór Magnússon Kristiansund er með fullt hús stiga eftir sex leiki en næsta sunnudag, 21. nóvember spila þeir við Kolstad á heimavelli sem eru efstir, sömuleiðis með fullt hús en hafa spilað átta leiki. Þýskaland Í þýsku Bundesligunni gengur brösuglega hjá Árna Sigtryggssyni og liði hans DHC Rheinland en liðið hefur aðeins fjögur stig eftir ellefu umferðir. Þann 4. nóvember unnu þeir mikilvægan útisigur á Friesenheim 28-29 þar sem Árni skoraði tvö mörk. Í næsta leik töpuðu þeir síðan illa fyrir Lübbecke 33-22 og nú síðast tapaði liðið á heimavelli fyrir Lemgo 19-26. Árni var ekki á meðal markaskorara í þessum leikjum. Rheinland situr í sextánda sæti deildarinnar en mæta í næsta leik liði HBW Balingen sem er í 12. sæti, sá leikur er næstkomandi laugardag. Árni í leik með DHC-Rheinland og einnig má greina félaga hans Sigurberg Sveinsson
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson