Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Guðmundur Hólmar var öflugur og Sveinbjörn traustur að vanda



16. nóvember 2010 - Akureyri handboltafélag skrifar

Sigurgangan heldur áfram – góður sigur á Aftureldingu

Það fylgir alltaf viss spenna bikarleikjum enda mega menn ekkert misstíga sig í þeim því þar með er úti um þátttöku í keppninni. Það virtist vera dálítill taugatitringur í báðum liðum í upphafi leiks, jafnt á öllum tölum upp í stöðuna 7-7 en þá loks náði Akureyri að hrista gestina úr Mosfellsbænum af sér og fór með fjögurra marka forystu í hálfleik 13-9. Vörnin fór að beita sér af krafti og Sveinbjörn varði vel. Guðmundur Hólmar Helgason sýndi stórbrotinn leik og skoraði sex síðustu mörk Akureyrarliðsins. Mosfellingar réðu ekkert við hann og fuku tveir útaf þegar þeir reyndu án árangurs að hanga á Guðmundi.


Guðmundur var óstöðvandi í lok fyrri hálfleiks, sex mörk í röð

Aftureldingarmenn voru þó ekkert hættir og komu sterkir inn í seinni hálfleikinn. Þeir skoruðu fyrstu tvö mörkin í hálfleiknum og náðu að minnka muninn niður í eitt mark 17-16. Þá tók Oddur Gretarsson sig til eftir að hafa haft hægt um sig og skoraði þrjú mörk í röð, staðan orðin 20-16 og eftir það var ekki litið um öxl. Mosfellingar virtust algjörlega búnir á því og Akureyri tók leikinn gjörsamlega í sínar hendur.
Vörnin og Sveinbjörn skelltu í lás og hvert hraðaupphlaupsmarkið rak annað. Daníel Einarsson fór þar fremstur í flokki og ungu strákarnir Bergvin og Hlynur Matthíassynir sýndu að þeir kunna ýmislegt fyrir sér.
Þá kom Stefán meistari Guðnason í markið á lokakaflanum og hann brást ekki frekar en fyrri daginn og varði m.a. tvö dauðafæri Mosfellinga með tilþrifum.


Daníel Einarsson og Stefán Guðnason létu heldur betur að sér kveða undir lok leiksins

Leiknum lauk því með yfirburðasigri, 30-20 og Akureyri komið í 8-liða úrslit bikarkeppninnar eftir tveggja ára fjarveru á þeim vígstöðvum.

Mörk Akureyrar: Guðmundur Hólmar Helgason 8, Heimir Örn Árnason 4, Oddur Gretarsson 4, Daníel Einarsson 4, Geir Guðmundsson 3, Hörður Fannar Sigþórsson 2, Guðlaugur Arnarsson 2, Bergvin Gíslason, Bjarni Fritzson og Hlynur Elmar Matthíasson 1 mark hver.
Varin skot: Sveinbjörn Pétursson 19 og Stefán Guðnason 3.

Mörk Aftureldingar: Eyþór Vestmann 4, Bjarni Aron Þórðarson 4, Arnar Theódórsson 3, Aron Gylfason 3, Jón Andri Helgason 2, Daníel Jónsson 2, Haukur Sigurvinsson og Pétur Júníusson 1 mark hvor.

Hafþór Einarsson reyndist Akureyringum erfiður og varði 17 skot, þar af eina vítakastið sem var dæmt í leiknum. Kristófer Guðmundsson varði 2 skot.


Atli Hilmarsson er að gera frábæra hluti með Akureyrarliðið

Nú er bara að bíða og sjá til hvaða mótherja Akureyri fær í næstu umferð Eimskipsbikarsins. Næsti leikur liðsins er hins vegar útileikur gegn FH í Kaplakrikanum og verður hann sýndur í beinni útsendingu á RÚV laugardaginn 20. nóvember.

Sjá fleiri myndir Þóris Tryggvasonar frá leiknum.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson