Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Ungu strákarnir stóðu fyrir sínu undir lok leiksins









21. febrúar 2011 - Akureyri handboltafélag skrifar

Akureyri með sex stiga forskot þrátt fyrir tap gegn FH

Sagan endalausa hélt áfram í kvöld þegar FH og Akureyri mættust í þriðja leiknum á átta dögum. Oddur Gretarsson hvíldi í þessum leik eftir að hafa snúið ökkla í síðasta leik. Bergvin Gíslason leysti hann af hólmi með ágætum og einnig kom Hreinn Hauksson inn í hópinn á ný og sýndi góð tilþrif í vörninni.


Bergvin leysti Odd af hólmi í kvöld

Að þessu sinni byrjuðu FH ingar með látum og skoruðu fyrstu þrjú mörkin en Akureyri kom sér fljótt inn í leikinn og jafnaði 4-4. Akureyri náði forystunni 5-6 og hélt henni lengst af. Í stöðunni 11-12 fékk liðið nokkur tækifæri til að auka muninn en það hafðist ekki en þess í stað skoraði Ásbjörn Friðriksson síðustu tvö mörk fyrri hálfleiks og tryggði FH eins marks forystu í hálfleik 13-12.

Sveinbjörn Pétursson var yfirburðamaður á vellinum í fyrri hálfleik með tólf skot varin en í sóknarleiknum var Guðmundur Hólmar atkvæðamestur með fjögur mörk.

FH hóf seinni hálfleikinn af miklum krafti á meðan lítið gekk sóknarlega hjá Akureyri. Munurinn jókst jafnt og þétt, þrátt fyrir að Sveinbjörn héldi áfram stórbrotinni markvörslu þá gekk bara lítið í sókninni, menn fóru illa með dauðafæri og aldrei þessu vant klikkaði Bjarni Fritzson á tveim vítaköstum af þrem sem liðið fékk.

Munurinn varð mestur tíu mörk, 28-18 þar sem Ásbjörn Friðriksson, Baldvin Þorsteinsson og Ólafur Gústafsson röðuðu inn mörkum. Þar að auki virtist Daníel markvörður FH hafa skyttur okkar gjörsamlega í vasanum.

Síðustu mínútur leiksins fengu reynsluboltarnir allir frí en ungu strákarnir, Ásgeir Jóhann Kristinsson, Jón Heiðar Sigurðsson, Halldór Logi Árnason og Hlynur Matthíasson léku síðasta hlutann og ásamt Bergvin Gíslasyni og Daníel Einarssyni sáu þeir um að minnka muninn niður í sjö mörk, 30-23 áður en leikurinn var flautaður af.


Höddi og Gulli klettar í vörninni

Eftir fínan fyrri hálfleik var helst að sjá að liðið væri að spara sig fyrir næsta verkefni, sóknin var kraftlítil og vantaði alla grimmd til að klára færin almennilega. Sveinbjörn slakaði þó ekkert af og hélt áfram frábærri markvörslu, fjórtán skot í seinni hálfleik eða 26 skot alls og var tvímælalaust maður hússins.

Mörk Akureyrar: Guðmundur Hólmar Helgason 6, Daníel Einarsson 5, Bjarni Fritzson 3 (1 víti), Bergvin Gíslason 2, Guðlaugur Arnarsson 2, Hörður Fannar Sigþórsson 2, Ásgeir Jóhann Kristinsson, Heimir Árnason og Jón Heiðar Sigurðsson eitt mark hver.


Daníel skoraði fimm mörk í kvöld

Hjá FH voru Akureyringarnir Ásbjörn Friðriksson með 8 mörk og Baldvin Þorsteinsson 7. Ólafur Gústafsson skoraði 6, Örn Ingi Bjarkason 2, Ólafur Guðmundsson 2, Aron Magnús Þorgeirsson 2, Þorkell Magnússon 1, Halldór Guðjónsson 1 og Atli Rúnar Steinþórsson 1
Daníel Andrésson varði 17 skot en Pálmar Pétursson 2 skot.

Myndir Snorra Sturlusonar frá leiknum eru komnar á sport.is auk umfjöllunar.

Þrátt fyrir tapið heldur Akureyri sex stiga forskoti á toppi deildarinnar þar sem Fram tapaði fyrir Aftureldingu, HK tapaði fyrir Val og Haukar náðu einungis jafntefli gegn Selfoss.

Staðan í deildarkeppni karla
Nr. FélagLeikir U J TMörkHlutfallStig-
1. Akureyri151212438 : 3934525:5
2. Fram15915480 : 4364419:11
3. FH15915431 : 3953619:11
4. HK15906453 : 459-618:12
5. Haukar15735393 : 385817:13
6. Valur15609392 : 422-3012:18
7. Afturelding153012381 : 418-376:24
8. Selfoss151212420 : 480-604:26
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson