Valsmenn bikarmeistarar 2011


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Það kemur úrslitaleikur eftir þennan leik		27. febrúar 2011 - Akureyri handboltafélag skrifar Valsmenn bikarmeistarar 2011 Valsmenn eru Eimskipsbikarmeistarar karla í handknattleik eftir sigur á Akureyri í hádramatískum og frábærum úrslitaleik í Laugardalshöll 26-24. Valsmenn höfðu eins marks forystu í hálfleik og geta þakkað sigurinn gríðarlega sterkri liðsheild þar sem allir leikmennirnir lögðu lóð sín á vogarskálarnar. Hér á eftir fer umfjöllun Snorra Sturlusonar, fréttritara sport.is um leikinn: Akureyringar virtust örlítið betur innstilltir á leikinn í Höllinni framan af fyrri hálfleik, voru skrefinu á undan fram undir miðjan hálfleikinn og fátt í leik Valsmanna virtist valda þeim átakanlegum erfiðleikum. Leikurinn var reyndar í járnum, ekki svo að skilja að Valsmenn hafi verið á hælunum, en norðanmenn voru frísklegri með Bjarna Fritzson og Heimi Örn Árnason í aðalhlutverkum og Sveinbjörn í ágætum ham í markinu. Heimir búinn að hrista Erni Hrafn af sér. Mynd: Hilmar Þór sport.is Valsmenn hleyptu þeim hins vegar aldrei of langt frá sér og rétt í þann mund sem fyrri hálfleikurinn var hálfnaður tókst þeim að stilla sig betur af og jafna metin. Spámenn og spekingar hafa haft áhyggjur af varnarleik Valsmanna og þá einkum og sér í lagi miðri Valsvörninni, en þar var Einar Örn Guðmundsson í ágætum ham við hlið Orra Freys Gíslasonar og ekki skemmdi það fyrir að Sturla og Finnur Ingi spiluðu fína vörn á hornamenn Akureyringa. Valsmenn komust yfir í fyrsta sinn í leiknum eftir 22 mínútna leik, 11-10, og héldu frumkvæðinu til loka fyrri hálfleiks. Staðan í hálfleik var 14-13 fyrir Val. Oddur kominn í gegn og skorar. Mynd: Hilmar Þór sport.is Akureyringar voru tiltölulega fljótir að jafna metin í síðari hálfleik og liðin héldust í hendur næstu mínúturnar. Valsmenn náðu undirtökunum aftur og komust í tvígang tveimur mörkum yfir, en þeim gekk bölvanlega að hrista Akureyringa af sér og þegar síðari hálfleikurinn var hálfnaður var staðan jöfn, 21-21. Óskar Bjarni Valsþjálfari var, rétt eins og í fyrri hálfleik, mun duglegri að skipta mönnum inn og út heldur en starfsbróðir hans á hinum bekknum, en Atli Akureyrarþjálfari hefur reyndar verið þekktur fyrir það í gegnum tíðina að hrókera tiltölulega lítið með sín lið. Valsmenn dreifðu markaskorun betur en norðanmenn; Orri Freyr, Valdimar Fannar, Anton og Finnur Ingi létu allir talsvert að sér kveða og Ernir var öflugur í síðari hálfleik. Hörður Fannar skoraði tvö og fiskaði tvö víti. Mynd: Hilmar Þór sport.is Þegar rétt tæpar tíu mínútur voru til leiksloka náðu Valsmenn þriggja marka forystu, 24-21, og Akureyringar virtust vera að rata í vandræði. Þeir réðu illa við vel stillta Valsvörnina, urðu ragir og tóku nokkrar illa ígrundaðar ákvarðanir, en Sveinbjörn markvörður, stórbættur norðlenskur varnarleikur og klaufagangur Valsmanna urðu til þess að fimm mínútum fyrir leikslok var munurinn kominn niður í eitt mark, 23-24. Lokamínúturnar voru æsispennandi, svo ekki sé meira sagt, markverðirnir létu báðir til sín taka. Staðan var 25-24 fyrir Val þegar mínúta var eftir, Akureyringar lögðu af stað í sókn og Hlynur varði með stórkostlegum hætti frá Herði Fannari á línunni hálfri mínútu fyrir leikslok. Sturla Ásgeirsson innsiglaði svo sætan sigur Valsmanna með marki í þann mund sem leiktíminn rann út, 26-24 fyrir Val. Bjarni Fritzson í baráttu við Heiðar Þór Aðalsteinsson. Mynd: Hilmar Þór sport.is Valsmenn áttu sigurinn fyllilega skilinn, þeir voru betri en Akureyringar í dag, svo einfalt er það. Varnarleikurinn var lengstum fantagóður með Einar og Orra í miklum ham á miðjunni og framlag Hlyns í markinu verður seint metið að fullu. Valsmenn dreifðu álaginu í sókninni ljómandi vel; Anton skoraði mörk úr sínum ómögulegu færum, Finnur er gríðarlega öflugur og dýrmætt fyrir Valsmenn að hann skuli vera kominn á ferðina á ný eftir meiðsli, Sturla nýtir færin sín af stakri snilld, Orri var öflugur á línunni og Valdimar Fannar er hrikalega öflugur sóknarmaður, sem verður reyndar til þess að framlag hans í vörninni er á löngum stundum vanmetið. Stuðningsmenn Akureyrar stóðu sig frábærlega í Laugardalshöllinni. Mynd: Hilmar Þór sport.is Akureyringar voru hins vegar fjarri sínu besta, náðu ekki að keyra upp hraðann sem hefur skilað þeim ófáum mörkum og lentu í þeirri óvenjulegu stöðu að vera í eltingaleik meginhluta leiksins. Þeir voru hins vegar aldrei langt á eftir Valsmönnum og voru í bullandi séns fram á lokamínúturnar, en engu að síður var Akureyrarliðið að mörgu leyti ólíkt sjálfu sér. Sveinbjörn lagði sitt af mörkum, varði vel í markinu og Bjarni og Oddur stóðu fyrir sínu sóknarmegin. Heimir Örn virtist í fyrri hálfleik ætla að vera nokkurn veginn á pari, hann býr yfir þeim ágætu kostum að geta losað um sóknarstíflur og er frábær leikmaður, en taktleysi liðsins hafði sín áhrif þegar á leið. Mörk Vals: Orri Freyr Gíslason 5, Anton Rúnarsson 5, Sturla Ásgeirsson 5, Finnur Ingi Stefánsson 4, Valdimar Fannar Þórsson 4, Ernir Hrafn Arnarson 3. Varin skot: Hlynur Morthens 12. Mörk Akureyrar: Oddur Gretarsson 7 (3 víti), Bjarni Fritzson 6, Heimir Örn Árnason 4, Guðmundur Hólmar Helgason 4, Hörður Fannar Sigþórsson 2, Daníel Örn Einarsson 1. Varin skot: Sveinbjörn Pétursson 16 Akureyringar þurfa þó ekki að bíða lengi eftir að svara fyrir tapið en liðin mætast einmitt í næstu umferð N1-deildarinnar næstkomandi fimmtudag, þann 3. mars, á heimavelli norðanmanna.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson