Akureyri deildarmeistarar eftir sigur á HK


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Oddur í viðtali á SportTV.is eftir að titillinn var í höfn		28. mars 2011 - Akureyri handboltafélag skrifar Akureyri deildarmeistarar eftir sigur á HK Akureyri Handboltafélag landaði sínum fyrsta stóra titli í kvöld þegar liðið lagði HK á útivelli með þriggja marka mun 29-32 og tryggði sér þar með Deildarmeistaratitilinn þó að tvær umferðir séu eftir. Akureyri hefur reyndar gengið býsna vel með HK í Digranesinu í vetur og raunar á síðasta tímabil einnig. Það fór þó um mannskapinn þegar Oddur Gretarsson varð fyrir ökklameiðslum í kvöld áður en eiginleg upphitun hófst. En Oddi var tjaslað saman og fyrir vikið missti hann af upphituninni en kom ískaldur inná þegar flautað var til leiks. En það var ekki að sjá á drengnum að hann væri eitthvað laskaður því að hann fór hreinlega á kostum í fyrri hálfleiknum, skoraði átta mörk úr átta skotum. Það var ekki nóg með að hann raðaði inn mörkunum heldur stal hann boltanum trekk í trekk af leikmönnum HK sem vissu ekki sitt rjúkandi ráð. Fyrri hálfleikurinn var einn sá almagnaðasti sem Akureyrarliðið hefur sýnt í vetur, HK liðið átti einfaldlega engan séns, sóknin frábær, varnarleikurinn magnaður og þar á bak við stóð Sveinbjörn Pétursson og varði eins og berserkur, 11 skot varin í fyrri hálfleik. Staðan í hálfleik var 11-21 og úrslitin virtust ráðin. Seinni hálfleikur hófst á svipuðuðm nótum en í stöðunni 14-25 fyrir Akureyri virtist sem menn væru orðnir fullsaddir og HK skoraði fimm mörk í röð og staðan orðin 19-25. Næstu tvö mörk voru Akureyringa en þá hrökk allt í baklás á ný og HK menn röðuðu inn mörkum. Sóknarleikur Akureyrar datt gjörsamlega niður, HK ingar fengu ódýr hraðaupphlaupsmörk og skyndilega var forysta Akureyrar aðeins eitt mark, 27-28 og enn sex mínútur eftir af leiknum. En liðið sýndi flottan karakter á lokakaflanum og innbyrti sætan þriggja marka sigur 29-32 og deildarmeistaratitillinn í höfn, sama hvernig aðrir leikir enduðu. Fyrri hálfleikurinn var algjörlega ótrúlegur en að sama skapi var útlitið ekki vænlegt undir lok seinni hálfleiks en það er ekki spurt um það í kvöld, meistaratitillinn er kominn í hús og það er algjörlega frábært. Mörk Akureyrar: Oddur Gretarsson 9, Guðmundur Hólmar Helgason 7, Bjarni Fritzson 5, Daníel Einarsson 5, Heimir Örn Árnason 4, Halldór Logi Árnason 1 og Hörður Fannar Sigþórsson 1. Í markinu varði Sveinbjörn Pétursson 23 skot. Fyrsti titillinn í höfn og fagnað í leikslok Oddur Gretarsson sækir að Bjarka Má Gunnarssyni í leiknum í Digranesi í kvöld. Mynd: mbl.is/Kristinn Sveinbjörn, Stefán Guðnason og Halldór Logi fagna í leikslok. Mynd: visir.is
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson