
Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!

Hörður Fannar átti fínan leik í kvöld og var valinn maður leiksins

8. apríl 2011 - Akureyri handboltafélag skrifar

Öruggur sigur Akureyrar á Fram

Það var ljóst frá fyrstu mínútu leiksins að Akureyrarliðið kom afar vel stemmt í þennan leik og að menn voru staðráðnir í að enda deildarkeppnina með stæl. Heimir Örn fór fyrir sínum mönnum í upphafi og skoraði fyrstu þrjú mörk liðsins og eftir að staðan varð 3-2 fyrir Akureyri náðu Framarar aldrei að jafna.

Munurinn var 2 til 3 mörk en í stöðunni 11-9 komu þrjú Akureyrarmörk í röð og ljóst hvort liðið hafði meiri löngun til að sigra. Það fór vel á því að varnarjaxlinn Hreinn Þór Hauksson skyldi auka muninn í sex mörk í stöðunni 16-10 en Hreinn var að spila sinn fyrsta leik eftir erfið meiðsli í bikarúrslitaleiknum.
Í hálfleik var staðan 17-12 og Akureyrarliðið að spila fína vörn og hraðan sóknarleik. Oddur Gretarsson fór mikinn í fyrri hálfleik og skoraði sex mörk, þar af tvö úr vítum.

Akureyrarliðið gerði út um leikinn í upphafi seinni hálfleiks og náði fljótt átta marka forystu 22-14. Á þessum kafla fór Sveinbjörn Pétursson á kostum í markinu og liðið í fínum málum.
Fram náði einu sinni að minnka muninn niður í fimm mörk, í stöðunni 24-19 en Akureyrarliðið gaf aðeins í á ný og jók muninn jafnt og þétt sem endaði með níu marka sigri 35-26.

Hörður Fannar Sigþórsson lék mjög vel í kvöld, skoraði tvö mörk, fiskaði þrjú vítaköst og stóð vaktina vel í vörninni og var útnefndur maður leiksins.

Mörk Akureyrar: Bjarni Fritzson 10 (5 úr víti), Oddur Gretarsson 6 (2 úr víti), Guðmundur Hólmar Helgason 6, Daníel Einarsson 6, Heimir Örn Árnason 4, Hörður Fannar Sigþórsson 2 og Hreinn Þór Hauksson 1.
Varin skot: Sveinbjörn Pétursson 14 þar af 1 vítakast , Stefán Guðnason 2 skot varin.

Mörk Fram: Jóhann Karl Reynisson 5, Andri Berg Haraldsson 5, Halldór Jóhann Sigfússon 4 (3 úr vítum), Arnar Birkir Hálfdánsson 4, Róbert Aron Hostert 2, Magnús Stefánsson 1, Jóhann Gunnar Einarsson 1, Hákon Stefánsson 1.
Varin skot: Björn Viðar Björnsson 10 þar af 1 vítakast

Með þessum sigri náði Akureyri yfihöndinni í innbyrðisleikjum gegn Fram. Þar með státar Akureyraliðið af því að hafa betur gegn öllum liðunum sem léku í N1 deildinni í ár.

Eina spennan fyrir þessa lokaumferð var hver yrði í 3. sæti N1 deildarinnar og þar sem HK tapaði fyrir FH í kvöld er ljóst að HK verður í fjórða sætinu og mun því leika gegn Akureyri í úrslitakeppninni en í hinni viðureigninni eru það FH og Fram sem mætast.

Lokastaðan í deildarkeppni karla

Nr.	Félag	Leikir	U	J	T	Mörk	Hlutfall	Stig		-
1.	Akureyri	21	15	3	3	609 : 552	57	33	:	9
2.	FH	21	14	2	5	611 : 551	60	30	:	12
3.	Fram	21	11	1	9	654 : 627	27	23	:	19
4.	HK	21	11	0	10	633 : 629	4	22	:	20
5.	Haukar	21	8	4	9	541 : 548	-7	20	:	22
6.	Valur	21	10	0	11	548 : 566	-18	20	:	22
7.	Afturelding	21	5	0	16	530 : 588	-58	10	:	32
8.	Selfoss	21	3	4	14	584 : 649	-65	10	:	32

Fletta milli frétta

Til baka

Senda á Facebook

Umsjón og hönnun: Stefán Jóhannsson og Ágúst Stefánsson