Stóra Guðmundarmálið – betra að þekkja reglurnar!


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Við hvetjum alla til að lesa leikreglur HSÍ		28. apríl 2011 - Akureyri handboltafélag skrifar Stóra Guðmundarmálið – betra að þekkja reglurnar! Það hefur verið fróðlegt að fylgjast með umfjöllun fjölmiðla í dag, ein af aðalfréttum sjónvarps- og útvarpsstöðvanna er að Guðmundur Hólmar Helgason er ekki dæmdur í leikbann. Eins og bent var á í umfjöllum hér á heimasíðunni strax eftir leikinn í gærkvöldi voru hverfandi líkur á því að Guðmundur yrði dæmdur í leikbann. Það byggði á þeirri einföldu staðreynd að dómarar leiksins, reyndasta og besta dómarapar landsins undirrituðu leikskýrsluna strax að leik loknum og merktu þar skýrt við að agaskýrsla fylgdi ekki með! Í leikreglum HSÍ sem öðluðust gildi 1. júlí og eru aðgengilegar á vef HSÍ er alveg skýrt að dómarar leiksins hafa fjóra valkosti til að refsa leikmönnum eða starfsmönnum liðs. Áminning (gult spjald). Hver leikmaður skal ekki fá fleiri en eina áminningu og lið ætti ekki fá fleiri en þrjár áminningar; eftir það skal beita að minnsta kosti 2ja mínútna brottvísun. Leikmaður sem hefur þegar sætt tveggja mínútna brottvísun skal ekki fá áminningu eftir það. Ekki skal veita starfsmönnum liðs fleiri en eina áminningu. Brottvísun (2 mínútur), raunar getur tíminn lengst í 4 mínútur ef leikmaður sýnir óíþróttamannslega hegðun áður en leikurinn hefst á ný. Útilokun (rautt spjald) sem getur bæði verið beint rautt spjald vegna brots eða óíþróttamannslegrar hegðunar, eða eftir þrjár brottvísanir. Þetta þýðir að viðkomandi leikmaður tekur ekki meiri þátt í viðkomandi leik. Útilokun og skrifleg skýrsla með. Viðkomandi leikmaður tekur ekki meira þátt í viðkomandi leik og málið tekið fyrir af til þess bærum aðilum, aganefnd eða dómstól HSÍ sem úrskurðar hugsanlegt bann í næstu leikjum. Ýmsum þeirra sem dæmdu fyrirfram að Guðmundur Hómar færi í bann hefur orðið afar tíðrætt um greinar 8:6 og 8:10 í leikreglum HSÍ. Þær hefjast þannig: Útilokun vegna sérstaklega gáleysislegrar, sérstaklega hættulegrar, yfirvegaðrar eða illkvittnislegrar aðgerðar (skrifleg skýrsla fylgir). 8:6 Ef dómararnir meta aðgerð sem sérstaklega gáleysislega, sérstaklega hættulega, yfirvegaða eða illkvittnislega, verða þeir að skila skriflegri skýrslu eftir leik þannig að viðeigandi yfirvöld geti tekið ákvörðun um frekari aðgerðir. Og grein 8:10 hefst þannig... Útilokun vegna mjög grófrar óíþróttamannlegrar hegðunar (skrifleg skýrsla fylgir). 8:10 Ef dómarar flokka hegðun sem mjög grófa óíþróttamannlega hegðun, þá verða þeir að senda skriflega skýrslu eftir leik þannig að viðeigandi yfirvöld geti tekið ákvörðun um frekari aðgerðir. og síðar í sömu grein... d) Ef boltinn er í leik á síðustu mínútu leiksins og andstæðingarnir með broti sem fellur undir reglu 8:5 eða 8:6, hindrar liðið sem er með boltann í því að taka skot á mark eða að þeir fái upplagt markfæri; skal ekki aðeins refsa með útilokun samkvæmt 8:5 eða 8:6; skrifleg skýrsla skal einnig fylgja. Í greinum 16:8 og 17:10 er ítrekað að brot sem dómarar telja falla undir þessar greinar leikreglanna krefjist skriflegrar skýrslu og ef til þess kemur skuli það útskýrt í leikskýrslunni sem dómararnir bera einmitt ábyrgð á og staðfesta með undirritun að leik loknum: 16:8 ... Eins og fram kemur í reglum 8:6 og 8:10, skulu útilokanir í samræmi við þessar reglur settar á skriflega skýrslu og sendar viðeigandi yfirvöldum til frekari meðhöndlunar. Slík tilvik skal tilkynna „ábyrgum liðsfulltrúa“ og eftirlitsmanni (sjá skýringu 7) strax eftir að ákvörðun hefur verið tekin. 17:10 Dómarar bera ábyrgð á því að leik loknum að leikskýrsla sé fyllt rétt út. Útilokanir eins og lýst er í reglu 8:6 og 8:10 skal útskýra í leikskýrslu. Allt fjölmiðlafárið um sjálfkrafa leikbann Guðmundar Hólmars er því byggt á misskilningi og hefðu menn betur kynnt sér staðreyndir málsins og leikreglur áður en sleggjudómar voru felldir. Það er sem sé munur á útilokun og útilokun með skýrslu og dómarar leiksins dæmdu Guðmund Hólmar einfaldlega aldrei í útilokun með skýrslu. Dómarar leiksins, Anton Gylfi Pálsson og Hlynur Leifsson, mátu það svo eftir leikinn að brotið félli ekki undir þá skilgreiningu að Guðmundur hefði hindrað að andstæðingurinn fengi upplagt marktækifæri og hefði beitt grófri óíþróttamannslegri hegðun. Guðmundur fær að líta rauða spjaldið en ekki rautt spjald með skýrslu! Allt þetta mál ætti að verða öllum íþróttafréttamönnum og áhugamönnum um handbolta hvatning til að lesa og kynna sér leikreglur HSÍ. Auðvitað eru alltaf einhver túlkunaratriði í störfum dómara sem menn geta rifist um en áður en menn gagnrýna eða fella dóma yfir þeim eða ætla að taka fram fyrir hendurnar á þeim þá er að sjálfsögðu mikilvægt að menn kynni sér þær reglur sem þeir starfa eftir og leikurinn skal spilast eftir. Smelltu hér til að nálgast leikreglur HSÍ. Strax á forsíðu leikreglnanna stendur: „Þýðing úr ensku: Guðjón L. Sigurðsson“ Þýðandi leikreglnanna, Guðjón L. Sigurðsson, er jafnframt formaður dómaranefndar HSÍ og í ljósi tilvitnana hér að framan um möguleika dómara til refsingar, þar sem kemur skýrt fram að útilokun (rautt spjald) er alls ekki sama og útilokun með skýrslu þá er athyglisvert að skoða það sem er haft eftir honum á visir.is í dag: Guðjón segist hafa viljað sjá málið fara í þann farveg að dómararnir hefðu skilað inn skýrslu. Aganefnd hefði í kjölfarið tekið málið fyrir og síðan dæmt hvort rétt væri að senda Guðmund í bann eður ei. „Mér finnst það vera réttur farvegur. Ég virði samt skoðun dómaranna. Ég skipa þeim ekki fyrir. Þeir eru dómararnir og taka ákvarðanir. Eina sem ég get gert er að leiðbeina þeim,“ sagði Guðjón en hann vill fá það skýrt frá EHF hvort beri alltaf að skila agaskýrslu eftir rautt spjald eður ei. „Ég taldi skýrt að það þyrfti að skila inn skýrslu en ber virðingu fyrir þeirra túlkun að þeir þurfi ekki að skila skýrslu. Úr þessu þurfum við samt að fá skorið svo hægt verði að vinna þessi mál í ákveðnum farvegi í framtíðinni.“ Sjá greinina á visir.is. Maður spyr sig þess vegna hvað er maðurinn eiginlega að fara? Í reglunum sem hann þýddi sjálfur og leikmenn og dómarar skulu starfa eftir þar er alveg skýrt að í sumum tilfellum fá menn rautt spjald en í öðrum tilfellum rautt spjald með skýrslu! En hann vill fá það skýrt frá handknattleikssambandi Evrópu hvort beri alltaf að skila agaskýrslu eftir rautt spjald eður ei. Guðjón var sjálfur eftirlitsdómari í leik Akureyrar og Fram þann 12. desember síðastliðinn eins og ýmsum er í fersku minni. Guðjón eftirlitsdómari í leiknum gegn Fram, myndin er greinilega tekin í fyrri hálfleik Í þessum leik gerðist það að Magnús Erlendsson markvörður Fram fékk útilokun, eða beint rautt spjald fyrir brot á Bjarna Fritzsyni en dómarar leiksins skiluðu ekki inn skýrslu þá frekar en nú varðandi útilokun Guðmundar Hólmars. Skyldi Guðjón eftirlitsdómari hafa krafið dómarana um agaskýrslu fyrir þetta rauða spjald?
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson