Hörður Fannar með sigurmarkið á lokasekúndunni


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Hörður Fannar skorar sigurmarkið		8. desember 2011 - Akureyri handboltafélag skrifar Hörður Fannar með sigurmarkið á lokasekúndunni Við vorum búin að lofa mögnuðum leik í kvöld og það gekk svo sannarlega eftir, háspenna og dramatík fram á allra síðustu sekúndu leiksins. Akureyrarliðið hóf leikinn af gríðarlegum krafti og skoraði fyrstu fjögur mörk leiksins á tæpum fjórum mínútum. Þá leist Aroni Kristsjánssyni ekki á blikuna, tók leikhlé og las yfir sínum mönnum. Í kjölfarið komust Haukar inn í leikinn en Akureyri hafði þó alltaf örugg tök á leiknum. Haukar fengu tækifæri til að jafna úr vítakasti í 7-7 en Sveinbjörn Pétursson gerði sér lítið fyrir og varði vítið. Haukarnir fengu annað tækifæri til að jafna í 9-9 þegar þeir fengu aftur vítakast. Sveinbjörn var ósáttur við þann dóm enda kom það upp úr hornkasti sem Haukar áttu aldrei að fá enda blakaði Sveinbjörn þeim bolta afturfyrir. Líkt og áður þá varði Sveinbjörn vítakastið með tilþrifum og má segja að þar með hafi réttlætinu verið fullnægt. Sveinbjörn varði tvö víti með stuttu millibili Oddur Gretarsson kórónaði frábæran fyrri hálfleik með tveim mörkum og Akureyri leiddi með tveim mörkum í hálfleik 11-9. Oddur var frábær í fyrri hálfleiknum Sveinbjörn var magnaður í markinu, ellefu skot varin í fyrri hálfleik og þar af tvö vítaköst. Hjá Haukum var Birkir Ívar sömuleiðs góður með tíu skot varin. Seinni hálfleikur hófst svipað og sá fyrri, Hörður Fannar jók muninn í þrjú mörk með fyrsta marki hálfleiksins og skömmu síðar varð munurinn mestur þegar Akureyri náði fjögurra marka forskoti 15-11 og 16-12. Þá kom slakur kafli hvað sóknarleikinn varðar, Haukarnir unnu boltann hvað eftir annað og skoruðu nokkur hraðaupphlaupsmörk og jöfnuðu í 16-16. Jafnt var á næstu tölum og Haukarnir komust yfir í fyrsta sinn í leiknum 17-18 og aftur í 18-19 og farið að fara um stuðningsmenn Akureyrar. Í næstu sókn fór Bjarni Fritzson inn úr hægra horninu alveg út við endalínu og sneri boltann með ótrúlegum hætti í netið. Staðan jöfn 19-19 og rétt rúm mínúta eftir af leiknum. Sú mínúta var heldur betur dramatísk. Haukarnir komust ekkert áleiðis gegn frábærri vörn Akureyrar. Þeir fengu reyndar aukaköst á færibandi, sum fyrir litlar sakir og fékk Atli Hilmarsson að líta gula spjaldið fyrir að tjá sig um dómgæsluna. Að lokum neyddust Haukarnir til að taka skot sem fór langt framhjá og Akureyri geystist í sókn þegar 15 sekúndur voru eftir af leiknum. Hún virtist ætla að verða árangurslaus en Bjarni Fritzson átti snilldarlínusendingu á Hörð Fannar sem reif sig lausan á línunni og skoraði sigurmarkið á lokasekúndu leiksins. Hörður Fannar skorar sigurmarkið og ... ... fagnar að vonum gríðarlega Frábærum sigri fagnað að hætti hússins Það má svo sannarlega segja að áhorfendur hafi fengið frábæra skemmtun fyrir sinn snúð í kvöld enda stóðu þeir sig frábærlega eins og liðið allt. Stemmingin var rafmögnuð í stúkunni Í leikslok var tilkynnt um menn leiksins og að þessu sinni voru það markverðirnir, Birkir Ívar Guðmundsson hjá Haukum og Sveinbjörn Pétursson hjá Akureyri. Að vanda fengu þeir veglegar matarkörfur frá Norðlenska að launum. Hannes Karlsson afhendir Sveinbirni körfuna góðu, greinilega sáttir með tilveruna Frábær sigur staðreynd og ljóst að Akureyrarliðið er komið á fulla ferð og ætlar að blanda sér í toppbaráttuna í deildinni. Mörk Akureyrar: Oddur Gretarsson 6 (1 úr víti), Bjarni Fritzson 6 (1 úr víti), Hörður Fannar Sigþórsson 4, Geir Guðmundsson 2 og Guðmundur Hólmar Helgson 2. Markvarsla: Sveinbjörn Pétursson stóð í markinu allan tímann og varði 21 skot, þar af 2 vítaköst. Mörk Hauka: Freyr Brynjarsson 4, Stefán Rafn Sigmannsson 4, Gylfi Gylfason 3 (2 úr vítum), Tjörvi Þorgeirsson 3, Heimir Óli Heimisson 2, Árni Steinn Steinþórsson 1, Matthías Árni Ingimarsson 1 og Nemanja Malovic 1. Markvarsla: Birkir Ívar Guðmundsson varði 18 skot, þar af 1 vítakast og Aron Rafn Eðvarðsson kom inná til að reyna við 1 víti og varði það. Þetta var síðasti heimaleikur Akureyrar á árinu, eftir er útileikur gegn Val sunnudaginn 18. desember og verður hann sýndur beint á RÚV.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson