Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Bjarni Fritzson átti frábæran leik í dag

18. desember 2011 - Akureyri handboltafélag skrifar

Frábær sjö marka sigur á Val

Akureyrarliðið sýndi heldur betur hvað í það er spunnið í dag með góðum sigri á Valsmönnum í Vodafonehöllinni. Í fyrri hálfleik var jafnræði með liðunum þó að Akureyri væri skrefinu á undan lengst af. Valsmenn komust einu sinni yfir í hálfleiknum í stöðunni 6-5.

Sveinbjörn Pétursson var frábær í markinu í fyrri hálfleik með níu skot varin og nokkrar frábærar stoðsendingar sem gáfu hraðaupphlaupsmörk. Markaskorunin dreifðist býsna vel á fimm menn öfugt við Valsliðið þar sem Sturla Ásgeirsson var nánast sá eini sem eitthvað kvað að en hann skoraði sjö af mörkum Valsmanna, þar á meðal tvö síðustu mörk hálfleiksins og sá þar með til þess að jafnt var í hálfleik 11-11.

Vörn og markvarsla var góð í fyrri hálfleiknum en sóknarleikurinn frekar hægur og nokkuð um sendingarfeila þannig að ljóst var að eitthvað þurfti að ræða í hálfleiknum.

Og það hafði greinilega verið góð stemming í búningsklefanum því að þrátt fyrir að Valsmenn skoruðu fyrsta mark seinni hálfleiks þá fylgdu fimm Akureyrarmörk í kjölfarið og staðan orðin vænleg 12-16 fyrir Akureyri.
Menn voru ekkert hættir og með frábærum leikkafla jókst forystan jafnt og þétt þannig að þegar seinni hálfleikur var rúmlega hálfnaður var orðinn sjö marka munur á liðunum, 16-23 fyrir Akureyri.

Eitthvað misstu menn einbeitinguna við þessa velgengni og Valsmenn unnu boltann nokkrum sinnum í vörninni og skoruðu fjögur næstu mörk, flest úr hraðaupphlaupum þannig að munurinn var einungis þrjú mörk, 20-23 þegar níu og hálf mínúta var til leiksloka.

En menn tóku sig saman í andlitinu og í stöðunni 22-25 komu fjögur norðlensk mörk í röð og Hörður Fannar innsiglaði frábæran sjö marka sigur með síðasta marki leiksins, 23-30 sigur staðreynd og góð tvö stig komin í hús.

Seinni hálfleikurinn var hreinlega frábærlega leikinn. Nítján mörk skoruð og ekki eitt einasta af vítalínunni. Bjarni Fritzson átti stórleik með sex mörk og var gríðarlega mikilvægur. Einnig fór Oddur Gretarsson heldur betur í gang en hann hafði hægt um sig í fyrri hálfleiknum. Í heildina var sóknarleikurinn fjölbreyttur og að sama skapi árangursríkur. Guðmundur Hólmar var sömuleiðis sterkur og Heimir Örn Árnason stýrði sínum mönnum frábærlega þó að hann hefði hægt um sig í markaskorun að þessu sinni.

Hlynur Morthens í Valsmarkinu hefur oft reynst Akureyringum erfiður en að þessu sinni varð hann að játa sig sigraðan og var skipt útaf.

Vörnin var gríðarlega traust og baráttan til fyrirmyndar. Síðustu tíu mínúturnar stóð Stefán Guðnason í Akureyrar markinu og stóð vel fyrir sínu.

Mörk Akureyrar: Bjarni Fritzson 10 (2 úr vítum), Guðmundur Hómar Helgason 6, Geir Guðmundsson 4, Oddur Gretarsson 4, Hörður Fannar Sigþórsson 3, Heiðar Þór Aðalsteinsson 2 og Guðlaugur Arnarsson 1.

Markvarsla: Sveinbjörn Pétursson 11 skot og Stefán Guðnason 4 varin.

Hjá Val var Sturla Ásgeirsson markahæstur með 9 mörk, Anton Rúnarsson 6, Finnur Ingi Stefánsson 4, Magnús Einarsson 2, Atli Már Báruson 1, Arnar Daði Arnarsson 1.
Markverðir Vals vörðu samtals átta skot, Hlynur Morthens 6 og Ingvar K. Guðmundsson 2.

Staða Akureyrarliðisins hefur heldur betur vænkast upp á síðkastið, liðið hefur náð í 11 stig af 12 mögulegum í síðustu sex deildarleikjum og er klárlega með í toppbaráttu deildarinnar.

Nú tekur við langt hlé á deildarkeppninni en næsti leikur Akureyrar er ekki fyrr en fimmtudaginn 2. febrúar þegar HK kemur í heimsókn í Íþróttahöllina.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson