Akureyri sigraði Aftureldingu 23 - 28 (12-14)


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Hörður Fannar var drjúgur í kvöld		1. mars 2012 - Akureyri handboltafélag skrifar Akureyri sigraði Aftureldingu 23 - 28 (12-14) Akureyri vann mikilvægan fimm marka sigur á Aftureldingu í kvöld, 23-28. Akureyri skoraði fyrstu þrjú mörk leiksins og hélt forystunni allan tímann. Í hálfleik var staðan 12-14. Hér á eftir fer umfjöllun Siguróla Sigurðssonar sem birtist á sport.is Akureyringar náðu fljótt þriggja marka forystu í leiknum, 1-4, og héldu henni nánast út allan fyrri hálfleikinn. Leikmenn Aftureldingar áttu þó ágætis áhlaup inn á milli en komust aldrei nær en 1 mark. Akureyringar lentu í töluverðu brottrekstrarveseni undir lok fyrri hálfleiks en á tímabili léku Mosfellingar tveimur leikmönnum fleiri. Þeir náðu þó ekki að gera sér mat úr því og var staðan þegar flautið gall í hálfleik, 12-14, gestunum í vil. Bergvin Gíslason og Bjarni Fritzson gef ekkert eftir. Mynd: mbl.is/Golli Bæði lið höfðu spilað þokkalega vörn en muninn á liðunum er hægt að finna í markvörslunni. Sveinbjörn Pétursson varði 9 skot í marki gestanna í fyrri hálfleik á meðan þeir Davíð Svansson og Hafþór Einarsson vörðu aðeins 5 skot í marki heimamanna. Akureyringar urðu þó fyrir áfalli í fyrri hálfleik þegar að Heimir Örn varð fyrir hnjaski og þurfti frá að hverfa og kom ekki meira við sögu í leiknum. Guðmundur Hólmar sækir að markinu í Aftureldingar. Mynd: mbl.is/Golli Akureyringar hófu síðari hálfleikinn af miklum krafti, þó sérstaklega varnarlega. Sveinbjörn skellti gjörsamlega í lás og klettarnir tveir í hjarta Akureyrarvarnarinnar, Guðlaugur og Hörður, stigu vart feilspor. Það tók heimamenn tæplega 8 mínútur að skora fyrsta mark sitt í síðari hálfleik og náðu Akureyringar mest 6 marka forystu, 13-19. Leikmenn Aftureldingar virtust ætla að koma til baka og með góðri innkomu Davíðs Svanssonar í markið á nýjan leik náðu þeir að minnka muninn í 3 mörk. Lengra komust þeir ekki og juku Akureyringar forskotið hægt og rólega. Lokatölur urðu 23-28, gestunum í vil. Sveinbjörn Pétursson átti stórleik í marki Akureyringa og varði 19 skot. Þá voru þeir Oddur Gretarsson og Hörður Fannar Sigþórsson drjúgir í sókninni. Hjá Mosfellingum voru þeir Jóhann Jóhannsson og Böðvar Páll Ásgeirsson atkvæðamestir, báðir með 5 mörk. Davíð Svansson varði 11 bolta og Hafþór Einarsson 4. Mörk Aftureldingar: Böðvar Páll Ásgeirsson 5, Jóhann Jóhannsson 5, Hilmar Stefánsson 3, Jón Andri Helgason 3, Sverrir Hermannsson 2, Þorlákur Sigurjónsson 2, Einar Héðinsson 2 og Helgi Héðinsson 1. Mörk Akureyrar: Oddur Gretarsson 7, Hörður Fannar Sigþórsson 6, Bjarni Fritzson 5, Geir Guðmundsson 5, Heimir Örn Árnason 2, Guðmundur Hólmar Helgason 2 og Bergvin Gíslason 1. Dómarar: Gísli Hlynur Jóhannsson og Hafsteinn Ingibergsson.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson