
Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!

Heimir, Bjarni og Geir áttu frábærarn leik í kvöld

8. mars 2012 - Akureyri handboltafélag skrifar

Mikilvægur sigur á HK í kvöld

Það var heldur betur stuð í Íþróttahöllinni í kvöld þegar Akureyri tók á móti HK. Fyrir leikinn var HK í 3. sæti deildarinnar einu stigi á undan Akureyri sem var í 4. sætinu. Heimir Örn Árnason fór fyrir sínum mönnum í byrjun og skoraði tvö af fyrstu þremur mörkum liðsins en jafnt var á öllum tölum upp í 3-3. Í kjölfarið kom góður kafli HK eða öllu heldur slakur kafli hjá Akureyri og HK náði fjögurra marka forystu 4-8.

Akureyri með Bjarna Fritzson fremstan í flokki gaf þó ekkert eftir og jafnaði í stöðunni 9-9. HK náði í kjölfarið tveggja marka forystu og hélt henni til leikhlés, staðan þá 12-14.

Fyrri hálfleikurinn var ekki nægilega vel leikinn af hálfu Akureyrar, það vantaði festu í sóknina sem varð til þess að HK fékk fjölmörg hraðaupphlaupsmörk. Vörnin var heldur ekki nógu grimm og í kjölfarið átti Sveinbjörn ekki sinn besta leik, aðeins fimm varin skot í fyrri hálfleik

En það hefur greinilega verið farið vel yfir málin í hálfleik því það virtist vera allt annað lið sem hóf seinni hálfleikinn. Það tók ekki nema tvær og hálfa mínútu að jafna leikinn í 15-15 og í kjölfarið að ná tveggja marka forystu 17-15. HK jafnaði og þannig gekk leikurinn næstu mínúturog liðin skiptust á að hafa forystuna en þó jafnt á flestum tölum upp í 21-21.

En þá skildu líka leiðir, Heimir, Bjarni og Geir sáu um næstu þrjú mörk leiksins og staðan orðin vænleg 24-21. Munurinn varð fjögur mörk 26-22 þegar fimm mínútur voru til leiksloka. Þetta varð of mikill munur fyrir HK sem náðu reynar að klóra í bakkann og minnka muninn í tvö mörk 27-25 en Geir Guðmundsson var atkvæðamikill á lokasprettinum og fóru leikar svo að Akureyri vann sannfærandi að lokum 31-28 og liðin höfðu þar með sætaskipti, Akureyri fór í 3. sætið með 22 stig en HK í það fjórða einu stigi á eftir.

Seinni hálfleikur var frábær hjá Akureyrarliðinu hvar sem á var litið. Heimir Örn Árnason var valinn besti maður liðsins en Tandri Már Konráðsson hjá HK og fengu báðir matarkörfu frá Norðlenska að launum.

Mörk Akureyrar: Bjarni Fritzson 9 (3 úr vítum), Geir Guðmundsson 8, Heimir Örn Árason 5, Guðmundur Hólmar Helgason 3 en Bergvin Gíslason, Hörður Fannar Sigþórsson og Oddur Gretarsson 2 mörk hver.
Sveinbjörn stóð í markinu allan tímann og varði 17 skot, þar af 12 í seinni hálfleik.

Mörk HK: Bjarki Már Elísson 8 (2 úr vítum), Leó Snær Pétursson 5, Tandri Már Konráðsson 5, Atli Ævar Ingólfsson 4, Ólafur Bjarki Ragnarsson 3, Atli Karl Backman, Bjarki Már Gunnarsson og Vilhelm Gauti Bergsveinsson 1 mark hver.
Í markinu stóð Arnór Freyr Stefánsson lengst af og varði 14 skot en Björn Ingi Friðjónsson varði 4 skot, þar af 1 vítakast.

Þau óvæntu úrslit urðu einnig í kvöld að botnlið Gróttu lagði topplið Hauka og sömuleiðis tapaði FH fyrir Val og því er staðan í deildinni þannig þegar fjórar umferðir eru eftir að Akureyri er í 3. sæti aðeins einu stigi á eftir hafnfirsku toppliðunum Haukum og FH.

Staðan í deildarkeppni karla

Nr.	Félag	Leikir	U	J	T	Mörk	Hlutfall	Stig		-
1.	FH	17	10	3	4	454 : 424	30	23	:	11
2.	Haukar	17	11	1	5	412 : 375	37	23	:	11
3.	Akureyri	17	10	2	5	469 : 419	50	22	:	12
4.	HK	17	10	1	6	469 : 442	27	21	:	13
5.	Fram	17	9	1	7	429 : 429	0	19	:	15
6.	Valur	17	7	4	6	450 : 432	18	18	:	16
7.	Afturelding	17	3	1	13	395 : 461	-66	7	:	27
8.	Grótta	17	1	1	15	388 : 484	-96	3	:	31

Fletta milli frétta

Til baka

Senda á Facebook

Umsjón og hönnun: Stefán Jóhannsson og Ágúst Stefánsson