Magnaður útisigur á Íslandsmeisturum HK


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Oddur skorar hér sigurmarkið í dag		13. október 2012 - Akureyri handboltafélag skrifar Magnaður útisigur á Íslandsmeisturum HK Akureyri sótti afar dýrmæt stig í Kópavoginn í dag þegar liðið vann eins marks sigur á Íslandsmeisturum HK. Oddur Gretarsson átti stórleik og skoraði 9 mörk í dag, þar á meðal úrslitamarkið á lokasekúndum leiksins. Útlitið var þó vissulega dökkt í byrjun leiks þegar ljóst var að Bjarni Fritzson væri ekki leikhæfur en hann glímir við eymsli í kálfa. Heimir Örn Árnason var í hóp en hann lék ekki síðasta leik vegna ökklameiðsla og greinilega ekki alveg búinn að ná sér. Þar að auki er línumaðurinn Ásgeir Jónsson í meiðslum. En maður kemur í manns stað og ungu strákarnir sem hófu leikinn sýndu að þeir kunna ýmislegt fyrir sér í handboltanum. Bergvin skorar úr hraðaupphlaupi í fyrri hálfleik. Mynd: mbl.is/Kristinn HK hafði frumkvæðið í upphafi en þó var jafnt á öllum tölum en Akureyri komst fyrst yfir í stöðunni 5-6 og skömmu síðar náði Akureyri tveggja marka forskoti 7-9 og aftur 8-10 en HK skoraði þá þrjú mörk í röð og náði forystu sem hélst út fyrri hálfleikinn en staðan var 13-12 þegar gengið var til leikhlés. Oddur Gretarsson lék í stöðu leikstjórnanda og leysti það hlutverk með miklum ágætum. Oddur lék sömuleiðis fremstur í vörninni og náði vel að trufla sóknarleik HK-manna. Bergvin Gíslason, sem tók stöðu Bjarna í hægra horninu jafnaði leikinn með fyrsta marki seinni hálfleiks. Til marks um fjölhæfni strákanna þá var Bergvin í stöðu vinstri skyttu þegar hann bombaði á markið. Akureyri hafði lengst af þokkaleg tök á leiknum í seinni hálfleik en náði aldrei að hrista heimamenn af sér. Munurinn varð aldrei meira en tvö mörk, 16-18, 17-19 og 18-20 þegar sex mínútur voru eftir. Þá kom góður kafli hjá HK sem skoraði þrjú mörk í röð og náðu þar með forystunni í fyrsta sinn um langt skeið 21-20 og einungis tvær mínútur eftir af leiknum. Það var ekki laust við að nokkurs taugatitrings gætti á þessum tímapunkti en þá sýndi reynsluboltinn Heimir Örn Árnason úr hverju hann er gerður og jafnaði leikinn með sínu eina marki í leiknum þegar innan við mínúta var eftir. Heimir brýst í gegnum HK vörnina. Mynd: Eyjólfur Garðarsson Lokamínútan var svo sannarlega dramatísk, HK tók leikhlé þegar 40 sekúndur voru til leiksloka og freistuðu þess að innbyrða sigurinn, Akureyrarvörnin vann boltann og Heimir sendi boltann fram. HK menn náðu að brjóta á Guðmundi Hólmari þegar 7 sekúndur voru til leiksloka og Akureyri tók leikhlé. Það skilaði sér fullkomnlega því að vörn HK opnaðist og Oddur Gretarsson stakk sér í gegn og skoraði sigurmarkið á lokaandartaki leiksins. Oddur finnur hér leið í gegnum HK vörnina á lokasekúndunum. Mynd: Eyjólfur Garðarsson Eins og gefur að skilja var fögnuður Akueyringa gríðarlegur enda fátt sætara en að vinna eins marks sigur með síðasta skoti leiksins en að sama skapi var svekkelsi HK manna skiljanlegt. Oddur Gretarsson kórónaði með þessu frábæra frammistöðu í leiknum en hann skoraði 9 mörk í leiknum og þau í öllum regnbogans litum. Varnir liðanna voru lengst af öflugar og á bak við þær áttu markverðir beggja liða góðan leik, sérstaklega má segja að HK menn geti þakkað Arnóri Frey að hafa verið inni í leiknum allt til enda. Akureyri missti Hrein Hauksson í meiðsli í fyrri hálfleik og kom hann lítið sem ekkert við sögu eftir það í leiknum. En það er óhætt að segja að liðið hafi sýnt frábæran karakter í leiknum og þá sérstaklega á lokamínútunni þegar staðan var vissulega orðin erfið. Mörk Akureyrar: Oddur Gretarsson 9 (2 úr vítum), Geir Guðmundsson 4, Andri Snær Stefánsson 3, Bergvin Gíslason 3, Guðmundur Hólmar Helgason 2 og Heimir Örn Árnason 1. Í markinu varði Jovan Kukobat 16 skot og Stefán Guðnason sem lék lokamínútur fyrri hálfleiks varði 1 skot. Markahæstir hjá HK: Bjarki Már Elísson 5 (3 úr vítum), Eyþór Magnússon 5, Daníel Örn Einarsson 4 mörk. Markvörður HK, Arnór Freyr Stefánsson varði 19 skot í leiknum. Eftir umferðina eru Akureyri og HK efst og jöfn í deildinni með 7 stig en næsti leikur Akureyrar er heimaleikur gegn Aftureldingu næstkomandi fimmtudag.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson