Tap gegn ÍR í Breiðholtinu


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Guðmundur Hólmar steig heldur betur upp í seinni hálfleiknum		28. nóvember 2012 - Akureyri handboltafélag skrifar Tap gegn ÍR í Breiðholtinu Leikur ÍR og Akureyrar bauð upp á spennu og töluverða dramatík. Jovan byrjaði á því að verja vítakast frá Sturlu en lítið var skorað í upphafi. Bjarni Fritzon fór mikinn í byrjun en hann skoraði fjögur af fyrstu mörkum Akureyrar sem komst yfir í 4 – 5. ÍR-ingar svöruðu fyrir sig með næstu fjórum mörkum og höfðu yfirhöndina það sem eftir lifði fyrri hálfleiks en í hálfleik var staðan 13 – 11 fyrir ÍR. Bjarni Fritzson var mjög aðsópsmikill með 6 mörk í hálfleiknum en hin fimm mörkin skiptust á fimm leikmenn. Sóknarleikurinn gekk ekki sem skyldi, töluvert um slök skot. Vörnin var þokkaleg og Jovan með fínan leik í markinu, 11 varin skot. Bjarni Fritzson skartaði glóðarauga í kvöld. Mynd: Hilmar Þór/sport.is Akureyri byrjaði seinni hálfleikinn af krafti og jafnaði í 14 – 14. Bergvin Þór Gíslason var gríðarlega sterkur á þessum tíma og sýndi sínar bestu hliðar. Guðmundur Hólmar Helgason kom Akureyri yfir í stöðunni 15 – 16 og leikurinn í járnum og jafnt á öllum tölum frá 14 – 14 og upp í 22 – 22. Guðmundur Hólmar Helgason tók heldur betur af skarið í sóknarleiknum og skoraði sex mörk Akureyrar í röð, öll með bylmingsskotum utan af velli. Guðmundur Hólmar Helgason brýst í gegnum vörn ÍR í leiknum í kvöld. mbl.is/Ómar Markvörðurinn Tomas Olason kom inná í sínum fyrsta meistaraflokksleik, til að spreyta sig á vítakasti og varði það með tilþrifum, flott innkoma það. Í stöðunni 22 – 22 misstu menn einbeitinguna smástund og það nýttu ÍR-ingar til að ná þriggja marka forskoti, 26-23. Það forskot tókst aldrei að vinna upp en ÍR-skoruðu síðasta mark leiksins og fögnuðu tveggja marka sigri 28 – 26. Í seinni hálfleiknum gekk sóknin býsna vel en aðeins virtist vanta upp á einbeitingu í varnarleiknum. Markvarslan var þokkaleg en báðir markverðirnir vörðu t.d. sitt hvort vítakastið í hálfleiknum. Tomas Olason handsamar boltann eftir að hafa varið vítakast. Mynd: Hilmar Þór/sport.is Mörk Akureyrar: Bjarni Fritzson 9 (2 úr vítum), Guðmundur Hólmar Helgason 8, Bergvin Þór Gíslason 5, Geir Guðmundsson 2, Heimir Örn Árnason og Hreinn Hauksson 1 mark hvor. Jovan Kukobat var með 19 skot varin, þar af 2 vítaköst og Tomas Olason varði 1 víti eins og áður segir. Hjá ÍR var Sturla Ásgeirsson markahæstur með 7 mörk (3 úr vítum), Ingimundur Ingimundarson og Sigurjón Friðbjörn Björnsson með 5 mörk. Fleiri myndir Hilmars Þórs frá leiknum eru komnar inn á sport.is. Eftir sem áður er Akureyri í 2. sæti deildarinnar og nú þýðir ekkert annað en að gíra sig upp fyrir laugardaginn en þá fara strákarnir í Mosfellsbæinn og mæta þar Aftureldingu í bikarkeppninni.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson