Sigurvegari spáleiksins fundinn

Nú liggur fyrir niðurstaða í spámannaleik okkar fyrir 11. umferð N1 deildarinnar. Þátttakan var fín en alls tók 61 þátt í leiknum. Að þessu sinni voru í boði verðlaun handa spámanni vikunnar og nú er sem sé komin niðurstaða í málið.

Sex þátttakendur höfðu engan leik réttan, 11 manns voru með einn leik réttan, 30 manns voru með tvo rétta og 14 manns voru með þrjá rétta. Helga S Steingrímsdóttir var hins vegar ein með alla fjóra leikina rétta og hlýtur því vinninginn, kennsludiskinn Frá byrjanda til landsliðsmanns.

Því miður þá er einhver smáseinkun á afgreiðslu disksins úr tolli en það ætti að hafast á allra næstu dögum. Heimasíðan mun hafa samband við Helgu um leið og við fáum diskinn í hendur og koma vinningnum til hennar.