Bikarævintýrið fékk sviplegan endi


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Bjarni Fritzson var frábær í leiknum		10. mars 2013 - Akureyri handboltafélag skrifar Bikarævintýrið fékk sviplegan endi Það virðast vera einhver álög á Akureyrarliðinu þegar það mætir til leiks í Laugardalshöllinni. Fyrir tveim árum þótti liðið sigurstranglegt í bikarúrslitaleiknum gegn Val en tapaði með tveim mörkum. Í ár reiknuðu flestir með sigri gegn 1. deildarliði Stjörnunnar í undanúrslitunum en allt fór á sömu leið, tveggja marka tap og draumurinn úti þetta árið. Leikmenn Stjörnunnar komu stresslausir til leiks enda höfðu þeir allt að vinna, þeir byrjuðu af krafti á meðan leikmenn Akureyrar virkuðu taugaveiklaðir og engan vegin tilbúnir í leikinn. Stjarnan komst í 0-2, 1-4 og 4-7. Þá fyrst náði Akureyrarliðið áttum og jafnaði í 7 – 7 og í náði í kjölfarið tveggja marka forystu og leiddi í hálfleik með tveim mörkum 12 – 10. Bjarni Fritzson skorar í fyrri hálfleik. Mynd: sport.is Stuðningsmenn Akureyrar tóku gleði sína í hálfleik og töldu sína menn komna á beinu brautina en því miður fór all á sömu leið og í upphafi leiksins. Stjarnan jafnaði í 13-13 og komst yfir í 14-15. Akureyrarliðið virtist algjörlega missa trúna á sjálft sig á meðan Stjörnumenn tvíefldust og hreinlega völtuðu fullir sjálfstrausts yfir Akureyrarliðið. Mest varð forysta Stjörnunnar fimm mörk, 18-23 þegar níu mínútur voru til leiksloka. Þá loks rifu menn sig upp og með góðum kafla náði Akureyri að minnka muninn niður í eitt mark, 23-24 og aftur í 24-25. En lengra komust menn ekki og Stjarnan skoraði síðasta mark leiksins sem lauk með tveggja marka sigri þeirra, 24-26. Bjarni Fritzson var yfirburðamaður hjá Akureyri í leiknum og skoraði 12 mörk úr 12 skotum. Guðmundur Hólmar tók nokkrar góðar rispur, Valþór Guðrúnarson var öflugur í fyrri hálfleiknum sem og Jovan í markinu. Aðrir voru langt frá sinni eðlilegu getu í leiknum. Guðmundur Hólmar kemur boltanum í netið þrátt fyrir að Bjarni Jónasson reyni að verjast. Mynd: sport.is Valþór Guðrúnarson með gott mark í fyrri hálfleik. Mynd: sport.is Liðið saknaði greinilega Bergvins í leiknum en hann glímir við axlarmeiðsli og kom ekkert við sögu í leiknum. Það er þó ekki mikil afsökun fyrir því hvernig fór eða arfaslakir dómarar sem greinilega fóru illilega í pirrurnar á leikmönnum og stuðningsmönnum. Jovan varði vítið frá Bjarna Jónassyni sem fékk að endurtakað það og skoraði þá. Mynd: sport.is Mörk Akureyrar: Bjarni Fritzson 12 (4 úr vítum), Guðmundur Hólmar Helgason 6, Valþór Guðrúnarson 2, Andri Snær Stefánsson 1, Geir Guðmundsson 1, Halldór Örn Tryggvason 1, Heimir Örn Árnason 1. Í markinu varði Jovan Kukobat 12 skot og Stefán Guðnason 2. Líkt og eftir bikartapið 2011 er næsti leikur heimalekur gegn Val á fimmtudaginn og eina í stöðunni fyrir liðið að sanna hvað í því býr með því að leggja Valsmenn eins og þeir gerðu eftir bikarvonbrigðin 2011.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson