Heimir Örn í viðtali við Morgunblaðið


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Heimir Örn Árnason		23. mars 2013 - Akureyri handboltafélag skrifar Heimir Örn í viðtali við Morgunblaðið Eftir stórkostlega frammistöðu í síðasta leik valdi Morgunblaðið Heimi Örn Árnason besta leikmann 20. umferðar N1-deildarinnar. Af því tilefni tók Ívar Benendiktsson blaðamaður mbl Heimi í viðtal. Við birtum viðtalið hér: Eftir stórleik gegn Aftureldingu gat Heimir Örn varla lyft öxlum í gær Sigurinn skipti handbolta nyrðra miklu máli Framhaldið óvíst „Það var bara allt undir hjá okkur og þar af leiðandi kom ekkert annað til greina en leggja undir það sem maður átti og jafnvel meira til í þennan leik. Ég get varla lyft öxlunum í dag,“ sagði Heimir Örn Árnason, annar þjálfara Akureyrar handboltafélags, í gær. Hann átti stórleik í fyrrakvöld með félögum sínum þegar þeir unnu Aftureldingu, 29:25, og skoraði m.a. 11 mörk. „Ég verð örugglega ekki beysinn í leiknum við HK á mánudaginn í lokaumferðinni. Þá þarf ekki að reikna með þrumuskotum frá mér,“ segir Heimir glettinn þar sem hann sat og borðaði hamborgara sem hann taldi sig hafa unnið fyrir með vasklegri framgöngu gegn Aftureldingu á fimmtudagskvöldið. Heimir var sömuleiðis maður leiksins gegn Aftureldingu „Þetta var enn einn stressleikurinn hjá okkur í vetur í fyrrakvöld. Þegar Afturelding jafnaði metin í seinni hálfleik leist mér ekki á blikuna og var farinn að óttast hið versta. Á endasprettinum kom í ljós að við áttum aðeins meira eftir á tanknum en Mosfellingar,“ sagði Heimir Örn. Með sigrinum á Aftureldingu í fyrrakvöld komst Akureyrarliðið endanlega úr fallhættu í deildinni. „Leikurinn við HK á mánudaginn skiptir ekki miklu máli fyrir okkur. Á næsta keppnistímabili veltir enginn fyrir sér hvort við höfnuðum í fimmta eða sjötta sæti.“ Mikilvægt fyrir Akureyri „Hinsvegar var sigurinn á Aftureldingu afar mikilvægur fyrir handboltann hér fyrir norðan. Það hefur sýnt sig fyrir þau félög sem farið hafa niður í fyrstu deild að þau hafa átt erfitt uppdráttar og ég held að örlög okkar hefðu getað orðið svipuð hefðum við fallið,“ sagði Heimir Örn. Akureyrarliðið hefur verið í miklum erfiðleikum í vetur. Margir leikmenn hafa verið fjarri góðu gamni um lengri eða skemmri tíma vegna meiðsla. Tveir hafa slitið krossband og aðrir, svo sem Heimir Örn og hinn spilandi þjálfari liðsins, Bjarni Fritzson, hafa heldur ekki getað beitt sér langtímum saman vegna meiðsla. Heimir segir að ef liðið hefði komist í úrslit Símabikarsins fyrir skömmu og staðið sig vel í úrslitaleiknum hefði það bætt mikið úr skák og létt mönnum lundina. Sú varð ekki raunin. Akureyri tapaði fyrir Stjörnunni í undanúrslitum eftir að hafa leikið hreint hörmulega. „Eftir þessa ömurlegu frammistöðu í undanúrslitum bikarsins eru menn grautfúlir með árangurinn hér fyrir norðan. Veturinn hefur verið afar erfiður og segja má að meiðslin og lítill árangur hafi orðið að ömurlegri blöndu. Óheppnin hefur elt okkur eins og til dæmis þegar Hörður Fannar Sigþórsson kom til okkar um áramótin og sleit krossband eftir aðeins átta mínútur í fyrsta leik. Hann var einmitt maðurinn sem okkur vantaði. En það er ekkert sem afsakar framgöngu okkar í undanúrslitaleiknum við Stjörnuna í bikarnum. Það var hreint hræðilegur leikur sem ég ætla að reyna að gleyma sem fyrst.“ Reiknar með að þjálfa áfram Heimir Örn reiknar með að halda áfram þjálfun Akureyrarliðsins ásamt Bjarna Fritzsyni þótt það hafi ekki formlega verið rætt ennþá. „Veturinn var erfiður vegna ýmissa utanaðkomandi þátta og því reyndi aldrei á samstarfið á þann hátt sem lagt var upp með. Heimir í hlutverki þjálfarans í leik í vetur Keppnistímabilið var mikil áskorun fyrir okkur, og hefur svo sannarlega reynt á okkur, en að sama skapi skemmtilegt og lærdómsríkt.“ Heimir Örn segist ekki vera búinn að gera upp við sig hvort hann haldi áfram að leika með Akureyrarliðinu á næsta keppnistímabili þótt hann haldi áfram þjálfun. „Það er ekkert gaman þegar skrokkurinn er ekki í lagi og maður getur ekki verið með á fullri ferð. Ég ætla samt að bíða með allar yfirlýsingar um framhaldið og láta sumarið líða og sjá til hvernig golfsveiflan verður í sumar,“ sagði Heimir Örn Árnason.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson