Akureyrarliðið byrjar vel í Þýskalandi


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Þýskalandsævintýrið er byrjað		14. ágúst 2013 - Akureyri handboltafélag skrifar Akureyrarliðið byrjar vel í Þýskalandi Í nótt flugu strákarnir í Akureyrarliðinu út til Þýskalands þar sem þeir munu verða fram á mánudag. Aðalerindið er þátttaka í fjölþjóðlegu æfingamóti í Dessau sem hefst á föstudaginn. Flogið var næturflug til Berlínar og þaðan ferðast til bæjarins Ziegelheim sem er ca 50 km sunnan við borgina Leipzig í austurhluta Þýskalands. Þar lék Akureyri æfingaleik í dag við heimamenn sem eru með lið í deild sem kallast Mitteldeutsche Oberliga. Þetta var greinilega mikill viðburður hjá heimamönnum sem auglýstu leikinn vel á heimasíðu sinni þar sem kemur fram að þetta sé án nokkurs vafa hápunktur undirbúningstímans hjá heimaliðinu. Enda ekki á hverjum degi sem þeir leika æfingaleiki gegn erlendu úrvalsdeildarliði. Hér má sjá auglýsingu um leikinn á heimasíðu LSV Ziegelheim. Um leið og leiknum lauk var meira að segja komin umfjöllun um leikinn á heimasíðu Ziegelheim. Þar kemur fram að jafnræði var með liðunum til að byrja með, t.d. var jafnt 7-7 eftir rúmlega 15 mínútna leik. Þá tók Heimir Örn Árnason leikhlé sem greinilega skilaði sér vel því Akureyrarliðið skoraði fjögur mörk í röð og leiddi síðan í hálfleik 10 – 14. Akureyri hóf seinni hálfleikinn með látum og eftir tíu mínúna leik var forystan orðin átta mörk 11 – 19. Síðustu tuttugu mínútur leiksins var jafnræði með liðunum og lauk leiknum með öruggum níu marka sigri Akureyrar 15 – 24. Heimamenn voru himinlifandi með leikinn og Akureyringar bara býsna sáttir með að fá tækifæri til að slípa til liðið, fyrir stórleikinn á móti slóvensku meisturunum í Gorenje Velenje á föstudaginn. Hér er hægt að lesa þýsku umfjöllunina um leikinn á heimasíðu Ziegelheim.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson