Góður útisigur á HK


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Vladi sýndi að hann getur bombað á markið		10. október 2013 - Akureyri handboltafélag skrifar Góður útisigur á HK Akureyrarliðið komst á sigurbraut á ný með góðri ferð í Kópavoginn. Akureyri skoraði fyrstu þrjú mörk leiksins og létu ekki þar við sitja og náðu fimm marka forskoti 2-7 eftir rúmlega tólf mínútna leik. Þrándur Gíslason fékk þá brottvísun og hana nýttu HK menn vel og skoruðu þrjú mörk manni fleiri. Þeir voru ekki af baki dottnir og bættu við tveim mörkum og jöfnuðu þar með leikinn í 7-7. Þá var Heimi nóg boðið og tók leikhlé. Það skilaði góðum árangri því Akureyri vann seinni hluta hálfleiksins með fimm mörkum gegn tveim og leiddu í hálfleik 9-12. Kristján Orri fór mikinn í fyrri hálfleik og skoraði fimm mörk og Jovan Kukobat með fína markvörslu, auk þess kom Tomas Olavsson inná og varði vítakast. Kristján Orri með eitt af níu mörkum sínum. Mynd: Ómar Örn Smith sport.is Ókleyfur varnarmúr Akureyrar. Mynd: Ómar Örn Smith sport.is HK hóf seinni hálfleikinn með tveim fyrstu mörkunum en þar með tók Akureyrarliðið öll völd á vellinum. Þegar tíu mínutur voru búnar af seinni hálfleik var Akureyri komið sex mörkum yfir, 13-19 og þann mun átti HK aldrei möguleika á að jafna. Þó náðu þeir að minka muninn niður í þrjú mörk áður en Akureyri gaf í aftur. Lokakaflinn var síðan eign Akureyrar sem jók forskotið upp í sjö mörk áður en HK skoraði lokamark leiksins sem lauk með sex marka sigri 21-27. Það var allt annað að sjá til Akureyrarliðsins í dag, vörnin var lengst af mjög góð og Jovan Kukobat í miklum ham þar fyrir aftan. Sóknarleikurinn var dálítið köflóttur en fínn í heildina samt var fullmikið af töpuðum boltum. Kristján Orri Jóhannsson hélt áfram markaskoruninni og bætti við fjórum mörkum í seinni hálfleik einnig var jákvætt að Vladimir Zejak fann leiðina í netið og sýndi nokkrar flottar sleggjur. Þá var Halldór Logi Árnason öflugur á línunni. Jovan var síðan frábær í markinu allan leikinn. Halldór Logi Árnason var sterkur á línunni með þrjú mörk. Mynd: Ómar Örn Smith sport.is Það var ástæða til að fagna í leikslok. Mynd: Ómar Örn Smith sport.is Mörk Akureyrar: Kristján Orri Jóhannsson 9, Bjarni Fritzson 5 (1 úr víti), Vladimir Zejak 5, Halldór Logi Árnason 3, Gunnar Malmquist Þórsson 2, Sigþór Heimisson 2 og Þrándur Gíslason 1. Jovan Kukobat varði 19 skot og Tomas Olason varði 1 víti. Mörk HK: Leó Snær Pétursson 6 (2 úr vítum), Jóhann Reynir Gunnlaugsson 5 (1 úr víti), Atli Karl Bachmann 4, Garðar Svansson 3, Andri Þór Helgason 1, Ólafur Víðir Ólafsson 1, Tryggvi Þór Tryggvason 1. Björn Ingi Friðþjófsson varði 10 skot og Helgi Hlynsson 3. Hægt er að skoða ljósmyndir frá leiknum á sport.is Næsti leikur Akureyrar er einnig útileikur gegn Val föstudaginn 18. október.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson