Öruggur sigur Akureyrar á HK


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Sigþór og Valþór voru allt í öllu í fyrri hálfleiknum í dag		5. desember 2013 - Akureyri handboltafélag skrifar Öruggur sigur Akureyrar á HK Það var mikið undir hjá báðum liðum í kvöld, HK þarf sárlega á stigum að halda á botninum og Akureyri freistar þess að komast í þéttan pakka liðanna um miðbik deildarinnar. Bjarni Fritzson er meiddur en hugðist reyna að taka þátt í leiknum en það varð ljóst strax í upphituninni að hann var ekki í standi til þess og tók sér því sæti á bekknum sem þjálfari. Þrándur Gíslason var líka tæpur fyrir leikinn og hélt sig á bekknum allan leikinn. Hreinn Þór Hauksson var hins vegar mættur og lék á alls oddi bæði í vörn og í hægra horninu í sóknarleiknum. Akureyrarliðið tók fljótlega öll völd á vellinum, vörnin hélt HK liðinu í skefjum og Jovan flottur þar fyrir aftan. Í sóknarleiknum blómstruðu sérstaklega þeir Valþór Guðrúnarson og Sigþór Árni Heimisson en þeir skoruðu tólf af fimmtán mörkum liðsins í fyrri hálfleiknum. Munurinn varð mestur níu mörk, 15-6 en HK skoraði lokamark hálfleiksins þannig að hálfleikstölurnar voru 15-7 Akureyri í vil. HK vörnin réði ekkert við Sigþór í leiknum Eins og tölurnar gefa til kynna þá voru yfirburðir Akureyrarliðsins algerir og úrslitin nánast ráðin. HK komu hins vegar sterkir inn í byrjun seinni hálfleiks og skoruðu fyrstu þrjú mörkin. Nokkurt kæruleysi virtist grípa um sig hjá heimamönnum, vörn og markvarsla dalaði og HK náði að minnka muninn niður í fjögur mörk í stöðunni 20-16 og 21-17. En þar með hrukku menn í gang og Jovan lét ekki sitt eftir liggja í markinu. Forskotið jókst á ný upp í átta mörk, 26-18 og leiknum lauk síðan með öruggum sex marka sigri 27-21. Valþór Guðrúnarson átti stórleik, sérstaklega í fyrri hálfleiknum þar sem hann skoraði átta mörk en hafði hægar um sig í þeim seinni. Sigþór Árni Heimisson lék einhvern sinn besta leik með liðinu, skoraði sex mörk og réðu HK ingar lítið við piltinn. Kristján Orri Jóhannsson lék að þessu sinni lengst af sem skytta hægra megin og skoraði nokkur glæsimörk utan af velli. Allir leikmenn fengu að spreyta sig að þessu sinni nema hvað Þrándur hafði hægt um sig á bekknum eins og áður segir. Valli sýndi allar sínar bestu hliðar í dag Mörk Akureyrar: Valþór Guðrúnarson 10 (3 úr vítum), Kristján Orri Jóhannsson 6, Sigþór Árni Heimisson 6, Gunnar Þórsson 2, Friðrik Svavarsson, Halldór Logi Árnason og Hreinn Þór Hauksson 1 mark hver. Í markinu varði Jovan Kukobat 14 bolta, Tomas Olason kom inn um tíma í seinni hálfleik en náði ekki að verja. Mörk HK: Jóhann Reynir Gunnlaugsson 5, Atli Karl Bachmann 5, Leó Snær Pétursson 4, Óðinn Þór Ríkharðsson 2, Ólafur Víðir Ólafsson 2, Tryggvi Þór Tryggvason 2 og Eyþór Már Magnússon 1 mark. Bestur HK inga var markvörðurinn Helgi Hlynsson en hann varði 13 skot, þar af eitt vítakast. Liðin mætast aftur í Höllinni á sunnudaginn klukkan 16:00 en sá leikur er liður í 16-liða úrslitum Coca-Cola bikarsins og ljóst að þar verður ekkert gefið eftir enda þýðir tap í bikarnum að þátttökunni er lokið og það er eitthvað sem enginn ætlar sér.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson