Magnaður sigur á FH í kvöld


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Bjarni átti stórleik í kvöld		13. febrúar 2014 - Akureyri handboltafélag skrifar Magnaður sigur á FH í kvöld Það er óhætt að segja að leikir Akureyrar og FH séu ávísun á spennu og dramatík. Leikurinn í kvöld var svo sannarlega skemmtilegur og spennandi fyrir áhorfendur. Í upphafi leiks kom í ljós að Heimir Örn Árnason myndi ekki vera í leikmannahópnum vegna eimsla og kom Friðrik Svavarsson inn í hópinn í hans stað. Að öðru leiti voru bæði lið eins skipuð og á mánudaginn. Jafnt var á öllum tölum upp í stöðuna 9-9 en liðin skiptust á með að hafa forystuna, í kjölfarið náði FH tveggja marka forystu en hálfleiksstaðan varð 13-14 FH liðinu í vil. Bjarni Fritzson átti hreint frábæran leik, var kominn með sjö mörk auk þess sem hann mataði félaga sína hvað eftir annað á línunni eða út í hornin. Markvarsla beggja liða var reyndar ekkert sérstök, Jovan byrjaði í Akureyrarmarkinu en Tomas Olason tók fljótlega við. Jovan hafði þá varið 1 skot en Tomas bætti við 3 vörslum, þar á meðal varði hann vítkast. Þannig að samtals vörðu markverðirnir 4 skot en nákvæmlega sama var á hinum enda vallarins, markverðir FH vörðu einnig 4 skot. Það var baráttuhugur í mönnum Seinni hálfleikur hófst með nokkrum misheppnuðum sóknum en Akureyri jafnaði síðan fljótlega en FH náði í kjölfarið tveggja marka forskoti, 14-16. Akureyri jafnaði enn og aftur í 16-16 og náði í kjölfarið frumkvæðinu í leiknum. Jovan Kukobat var komin aftur í markið og fann sig greinilega vel. Sama má reyndar segja um markverði FH sem áttu einnig fínan seinni hálfleik. Akureyri náði tveggja marka forskoti, 19-17 en FH jafnaði og í framhaldinu var jafnt á öllum tölum upp í 23-23. Baráttan var gríðarleg og þrátt fyrir nokkur mistök í sókninni þá sýndu menn glæsitilþrif í vörninni og komust t.d. þrívegis inn í sendingar FH-inga fram í hraðaupphlaup. Halldór Logi Árnason átti sennilega tilþrif kvöldsins þegar hann skutlaði sér eins og fótboltamarkvörður á boltann og vildu menn meina að hann hefði svifið eina fimm metra áðurn en hann náði að vinna ein slíka sendingu. FH fékk tækifæri til að stela sigrinum þegar hálf mínúta var til leiksloka en réttilega var dæmd lína á Einar Rafn Eiðsson. Akureyri tók leikhlé þegar 15 sekúndur voru til leiksloka og lögðu á ráðin um lokasóknina. Það bar árangur og Kristján Orri Jóhannsson fintaði sig í gegnum miðja FH vörnina og skoraði þegar um sjö sekúndur voru til leiksloka. FH tók hraða miðju en aftur var það Halldór Logi Árnason sem fórnaði sér og var rekinn af velli fyrir að stöðva sókn FH. Leiktíminn rann út en varnarveggur Akureyrar át síðan aukakastið og langþráður sigur í höfn. Bjarni Fritzson skorar sitt ellefta mark í leiknum Bjarni Fritzson var frábær í leiknum, var reyndar tekinn úr umferð megnið af seinni hálfleiknum. Varnarleikurinn var mjög öflugur þar sem menn fórnuðu sér gjörsamlega í verkefnið. Hreinn Hauksson gekk þar vasklega fram og gaf ekkert eftir þó svo að hann yrði fyrir því að nefbrotna eftir viðskipti við Valdimar Fannar Þórsson. Jovan Kukobat steig upp í seinni hálfleik með mögnuðum leik. Mörk Akureyrar:Bjarni Fritzson 11 (3 úr vítum), Kristján Orri Jóhannsson 5, Þrándur Gíslason 3, Sigþór Árni Heimisson 2, Valþór Guðrúnarson 2 og Gunnar Þórsson 1. Í markinu varði Jovan Kukobat 10 skot, þar af 1 vítakast og Tomas Olason 3 skot, þar af einnig eitt vítakast. Mörk FH: Ásbjörn Friðriksson 5 (3 úr vítum), Einar Rafn Eiðsson 5 (1 úr víti), Benedikt Reynir Kristinsson 3, Magnús Óli Magnússon 3, Valdimar Fannar Þórsson 3, Halldór Guðjónsson 2, Ísak Rafnsson og Ragnar Jóhannsson 1 mark hvor. Í markinu vörðu Sigurður Örn Arnarson 8 skot og Ágúst Elí Björgvinsson 4 skot. Menn liðanna voru valdir þeir Magnús Óli Magnússon úr FH og Bjarni Fritzson og fengu þeir glæsilegar matarkörfur frá Norðlenska að launum. Á sunnudaginn heldur Akureyrarliðið til Vestmannaeyja og leikur margfrestaðan leik úr 10. umferð. Eftir þann leik kemur í ljós hvernig síðustu sjö umferirnar raðast, þ.e.a.s. hvaða leikir verða á heimavelli og hverjir á útivelli. Það liggur þó ljóst fyrir að Akureyri fær 3 heimleiki og 4 útileiki.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson