Warning: Undefined variable $udleiks in /web/akhandadmin/public_html/index.php on line 16
2. flokkur: Fjögurra stiga helgi hjá strákunum - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan




    Fréttir                       Þú flettir milli frétta með örvalyklunum eða smellir á bláu örvarnar! 

Sigþór Heimisson innsiglaði sigurinn á Fram

10. mars 2014 - Akureyri handboltafélag skrifar

2. flokkur: Fjögurra stiga helgi hjá strákunum

Strákarnir í 2. flokki gerðu góða ferð suður yfir heiðar um helgina en þeir eru í harðri baráttu um sæti í úrslitakeppninni í vor. Á föstudagskvöldið léku þeir við sterkt lið Fram sem situr í 2. sæti deildarinnar. Framarar voru beittari í fyrri hálfleik og leiddu með þrem mörkum, 14-11.

Akureyrarliðið kom sterkt til baka í seinni hálfleiknum og jafnaði í 16-16 eftir tíu mínútna leik. Í kjölfarið náðu þeir frumkvæðinu í leiknum þó ekki væri mikið skorað. Forystan varð þó aldrei meiri en tvö mörk en þrátt fyrir mörg upplögð tækifæri tókst ekki að hrista Fram liðið af sér.

15 sekúndum fyrir leikslok jafnaði Fram leikinn í 20-20 en Akureyri tók leikhlé til að freista þess að gera út um leikinn. Það var Sigþór Árni Heimisson sem skoraði sigurmarkið þegar tvær sekúndur voru til leiksloka og eðlilega var fögnuður strákanna mikill enda hvert stig dýrmætt í baráttunni, lokastaðan 20-21.

Á laugardaginn var haldið á Selfoss og óhætt að segja að sá leikur hafi verið köflóttur. Akureyri byrjaði af miklum krafti og náði yfirburðastöðu. Í kjölfarið slakaði Akureyri á og hleypti heimamönnum inn í leikinn sem þeir þáðu með þökkum og minnkuðu muninn í tvö mörk fyrir hálfleik en hálfleiksstaðan var 8-10, Akureyri í vil.

Nokkur spenna hljóp í leikinn en strákarnir gerðu það sem þurfti og fóru að lokum með þriggja marka sigur, 20-23.

Strákarnir eru því með í slagnum um úrslitakeppnina en deildin er ótrúlega jöfn, Akureyri er sem stendur í 5. sæti deildarinnar með 16 stig aðeins 2 stigum frá öðru sætinu.

Staðan í deildinni er sem hér segir:
Nr.FélagLeikirUJTMörkNettStig
1.Valur 1410 0 4 414:365 49 20
2.Fram 16 7 4 5 420:402 18 18
3.Haukar 16 8 2 6 427:418 9 18
4.Stjarnan 16 8 1 7 452:462 -10 17
5.Akureyri 16 6 4 6 423:410 13 16
6.Grótta 15 6 4 5 386:387 -1 16
7.Afturelding 15 7 1 7 391:388 3 15
8.Selfoss 18 2 214 442:523 -81 6

Um næstu helgi eiga strákarnir tvo heimaleiki gegn Gróttu en síðan eru eftir þrír útileikir, gegn Aftureldingu, Haukum og loks toppliði Vals.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson