Lélegur fyrri hálfleikur varð Akureyri að falli


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Tomas kom sterkur inná í seinni hálfleik		13. mars 2014 - Akureyri handboltafélag skrifar Lélegur fyrri hálfleikur varð Akureyri að falli Það hefur gengið erfiðlega fyrir Akureyrarliðið að spila heilan leik af fullum krafti. Á því varð engin undantekning í kvöld því eftir ágætis byrjun fyrstu fimm mínúturnar var liðið yfir, 2-3 en þá hrökk allt í baklás og Fram skoraði næstu fimm mörk leiksins. Framarar léku við hvern sinn fingur og juku forskotið jafnt og þétt, mestur varð munurinn níu mörk en Bjarni Fritzson minnkaði muninn í átta mörk með síðasta marki hálfleiksins, hálfleikstölur 18-10 Fram í vil. Bjarni dró vagninn í fyrri hálfleiknum. Mynd: Vísir/Stefán Það verður að segjast að leikur Akureyrarliðsins var arfaslakur, jafnt í sókn sem vörn. Menn réðu t.d. ekkert við Elías Bóasson sem skoraði sjö mörk í fyrri hálfleik. Það var því ljóst að eitthvað þurfti að breytast í seinni hálfleik og það gerðist. Í vörninni voru tveir sóknarmenn Framara klipptir út og riðlaðist sóknarleikur Fram algjörlega við það. Smátt og smátt saxaðist á forskot Framara. Um miðjan hálfleikinn var munurinn kominn í fjögur mörk og seinna niður í þrjú mörk 23-20 en nær komust menn ekki. Vissulega lá mönnum á en í asanum voru gerð ótal mistök í sóknarleiknum sem komu í veg fyrir að tækist að jafna leikinn sem endaði með fjögurra marka sigri Fram, 25-21. Með þessum úrslitum eru möguleikarnir á að komast í úrslitakeppnina nánast vonlausir, þó ekki með öllu útilokað. Mörk Akureyrar: Bjarni Fritzson 8 (2 úr vítum), Þrándur Gíslason 6, Sigþór Árni Heimisson 3, Andri Snær Stefánsson 2 og Kristján Orri Jóhannsson 2 mörk. Jovan Kukobat stóð í markinu í fyrri hálfleik og varði 9 bolta. Tomas Olason lék seinni hálfleikinn og var góður, með 10 skot varin. Mörk Fram: Elías Bóasson 7, Garðar B. Sigurjónsson 6(3 úr vítum), Stefán Baldvin Stefánsson 4, Ólafur Jóhann Magnússon 3, Þorri Björn Gunnarsson 2(1 úr víti), Sigurður Örn Þorsteinsson, Sigfús Páll Sigfússon og Sveinn Þorgeirsson 1 mark hver. Í marki Fram varði Stephen Nielsen 12 skot og Svavar Már Ólafsson varði eitt vítakast.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson