Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Tomas og Heiðar áttu magnaðan leik gegn Stjörnunni



25. september 2014 - Akureyri handboltafélag skrifar

Rafmagnaður sigur á Stjörnunni í kvöld

Það var ekki laust við að það væri skjálfti í leikmönnum og stuðningsmönnum Akureyrar í fyrsta heimaleik tímabilsins. Það voru hins vegar Stjörnumenn sem komu baráttuglaðir til leiks og svo sannarlega voru þeir miklu betra liðið framan af, komust í 5-1 strax í byrjun og héldu fjögurra til fimm marka forskoti út allan fyrri hálfleikinn.
Staðan í hálfleik var 13-17 fyrir Stjörnuna og hafði Akureyrarliðið engan vegin náð sér á strik, það er óhætt að segja að Tomas Olason hafi með frábærri markvörslu haldið liðinu á floti.


Það var greinilega mikil spenna fyrir leiknum

Enn syrti í álinn í upphafi seinni hálfleiks því Stjarnan jók forskotið upp í sex mörk, 13-19 og 14-20. En þá loks vaknaði Akureyrarliðið, skoraði næstu fjögur mörk og spenna komin í leikinn á ný. Það var svo eftir rúmar 43 mínútur sem Akureyri náði loks að jafna og þegar tíu mínútur voru til leiksloka komst liðið loksins yfir í leiknum 26-25.
Stjörnumenn komust lítið áleiðis og Akureyri sigldi síðan ótrúlegum fjögurra marka sigri í höfn með síðustu þrem mörkum leiksins, lokatölur 31-27.

Það er óhætt að segja að fjölmargir áhorfendur hafi fengið sitthvað fyrir peninginn í kvöld, algjöran viðsnúning og taugatrekkjandi lokamínútur með farsælum endi og áttu stuðningsmenn svo sannarlega sinn þátt í því með frábærum stuðningi.

Eins og lesa má úr framansögðu þá var leikur liðsins frekar dapur fyrstu þrátíu og fjórar mínútur leiksins en að sama skapi hreint frábær það sem þá var til leiksloka. Þessar rúmar tuttugu mínútur vann liðið með tíu marka mun, skoraði 17 mörk gegn 7 mörkum Stjörnunnar. Friðrik Svavarsson átti flotta innkomu, var frábær í vörninni og skilaði jafnframt marki og víti á hinum endanum.

Sigþór Árni Heimisson var hreint út sagt frá bær í leiknum, Stjörnumenn réðu ekkert við hann og þegar yfir lauk hafði Sissi skorað 11 mörk. Heiðar Þór Aðalsteinsson átti sömuleiðis flottan leik í vinstra horninu og skoraði 9 mörk.

Mörk Akureyrar: Sigþór Árni Heimisson 11, Heiðar Þór Aðalsteinsson 9, Kristján Orri Jóhannsson 4 (2 úr vítum), Ingimundur Ingimundarson 3, Elías Már Halldórsson 2, Friðrik Svavarsson og Sverre Andreas Jakobsson 1 mark hvor.
Tomas Olason átti stórleik í markinu og varði 20 skot.


Sverre kveikti heldur betur í fólki með sínu fyrsta marki fyrir Akureyri

Mörk Stjörnunnar: Egill Magnússon 8, Hilmar Pálsson 4, Andri Hjartar Grétarsson, Starri Friðriksson, Víglundur Jarl Þórsson og Þórir Ólafsson 3 mörk hver, Ari Pétursson, Ari Magnús Þorgeirsson og Hrannar Bragi Eyjólfsson 1 mark hver.
Björn Ingi Friðbjörnsson varði skot í Stjörnumarkinu og Sigurður Ingiberg Ólafsson 1 skot.


Sigþór Árni var valinn besti maður Akureyrarliðsins

Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson