Hamrarnir í toppabaráttunni í 1. deild
| | 14. október 2014 - Akureyri handboltafélag skrifarHamrarnir lögðu KR í æsilegum leik - viðtölHamrarnir unnu nauman sigur á KR í 1. deild karla í kvöld, lokatölur 26-25 eftir æsispennandi lokamínútur. Heimir Örn Árnason tryggði sigurinn með afar lausu, en öruggu skoti.
Leikurinn var í járnum framan af en Hamrarnir voru skrefinu á undan. Norðanmenn komust þremur mörkum yfir og héldu þeirri forystu í hálfleik, þegar staðan var 15-12.
Hamrarnir spiluðu sterka 5+1 vörn í seinni hálfleik og náðu sex marka forystu, 25-14. Þá hrukku gestirnir loks í gang og röðuðu inn mörkum, og jöfnuði leikinn.
Lokamínúturnar voru æsispennandi. Vendipunktur leiksins var þegar KR gat komist yfir þegar lítið var eftir en Heimir Örn skutlaði sér þá á boltann og stal honum aftur, a la Alexander Petersson.
Heimir skoraði svo sigurmarkið þegar 8 sekúndur voru eftir með hnitmiðuðu skoti. Gestirnir gátu jafnað en skot þeirra fór yfir um leið og lokaflautan gall.
Heimir sýndi góð tilþrif í kvöld en hann var markahlæstur ásamt Arnóri Þorra Þorsteinssyni.
Frábær sigur og Hamrarnir þar með komnir með átta stig, og eru í toppbaráttu 1. deildar.
Mörk Hamranna: Heimir Örn Árnason 8, Arnór Þorri Þorsteinsson 8, Kristján Sigurbjörnsson 4, Birkir Guðlaugsson 4, Valdimar Þengilsson 1, Arnór Gylfi Finnsson 1.
Markmenn: Gunnar Bjarki Ólafsson go Bernharð Anton Jónsson.
Mörk KR: Jóhann Gunnarsson 8, Finnur Jónsson 5, Arnar Jón Agnarsson 4, Eyþór Vestmann 2, Óli Björn Vilhjálmsson 2, Fannar Kristmannsson 1, Steinar Sigurþórsson 1, Pétur Gunnarsson 1, Sigurbjörn Markússon 1.
Eftir leikinn tók Siguróli Magni Sigurðsson viðtöl við þjálfara liðanna sem fara hér á eftir:Elías Már: Ógeðslegt skítamark frá HeimiElías Már Halldórsson, þjálfari Hamranna frá Akureyri, viðurkennir að liðið hafi verið heppið að sigra KR í 1.deildinni í kvöld.
Kristján Svan: Ógeðslegt að tapa svonaKristján Svan Kristjánsson, þjálfari KR í handboltanum, var svekktur eftir tap liðsins gegn Hömrunum fyrir norðan í kvöld.
|
Úrvalsdeild karla
Senda skilaboð
Vefur KA
Vefur Þór
Fréttaleit
Þú flettir milli frétta með örvalyklunum eða smellir á bláu örvarnar!