Viðtöl við þjálfarana eftir leikinn í Eyjum


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Atli hafði ekki yfir miklu að gleðjast eftir leikinn		7. desember 2014 - Akureyri handboltafélag skrifar Viðtöl við þjálfarana eftir leikinn í Eyjum Fréttaritarar vísis og mbl ræddu við þjálfarana Atla Hilmarsson og Gunnar Magnússon eftir leikinn í gær og eins og við er að búast voru þeir missáttir með gang mála. Byrjum á viðtölum Guðmundar Tómasar Sigfússonar á visir.is: Atli: Tuttugu glataðir boltar segja ýmislegt „Það fór eiginlega allt úrskeiðis, þeir voru betri en við á öllum sviðum í dag. Ekki nóg með það að við værum að skipta vitlaust inn á heldur hvar sem var borið niður, þá voru þeir betri en við í öllu í dag,“ sagði Atli Hilmarsson, þjálfari Akureyringa, eftir vægast sagt ömurlegt tap í Vestmannaeyjum. „Við vorum með tuttugu glataða bolta í okkar sóknarleik sem segir ýmislegt. Þeir refsa okkur með hraðaupphlaupum og flestar sóknirnar okkar enda ekki með skotum, þar sem við erum að gefa þeim auðveld mörk.“ Akureyringar töpuðu einnig stórt gegn Valsmönnum um síðustu helgi. „Við erum að skora mjög fá mörk, það er eitthvað sem við verðum að bæta. Það er samt ýmislegt að og við þurfum að fara að vinna í því.“ „Á móti Val áttum við aldrei séns og í dag var það alveg eins, þetta er eitthvað sem við verðum að skoða,“ sagði Atli. Gunnar: Getum unnið öll lið á góðum degi „Þetta var frábær leikur og ég er ánægður með strákana í dag. Við byrjum þetta af krafti og héldum þeim frá okkur allan tímann,“ sagði Gunnar Magnússon, þjálfari Eyjamanna, eftir öruggan sigur á Akureyringum í dag. „Varnarlega var þetta mjög gott og markmennirnir voru góðir. Vörnin hefur verið fín síðustu leiki en tæknifeilarnir sóknarlega hafa verið að drepa okkur. Í dag vorum við hrikalega agaðir sóknarlega.“ Eyjamenn töpuðu þremur leikjum í röð en hafa nú unnið tvo síðustu gegn HK-ingum og nú Akureyringum. „Við getum unnið öll lið á góðum degi og getum líka tapað fyrir öllum. Við erum að reyna að vinna í því að fá stöðugleika sem er lykillinn að framhaldinu. „Það var gott að fá Sindra inn í þetta í dag og Aggi er að koma meira og meira inn í þetta. Auðvitað styrkir þetta hópinn,“ sagði Gunnar. Einnig var rætt við þá Atla og Gunnar á mbl.is, þar er það Arnar Gauti Grettisson sem tekur viðtölin: Atli: Það var allt sem fór úrskeiðis. Þeir voru betri en við á öllum sviðum í dag. Ekki nóg með það að við vorum að skipta vitlaust inn á heldur hvar sem borið er niður þá voru þeir mun betri en við í allan dag. Við vorum með tuttugu glataða bolta sem segir ýmislegt,“ sagði Atli Hilmarsson afar svekktur eftir átta marka tap, 28:20 gegn ÍBV í Olís-deild karla í handknattleik en nánar er rætt vð hann í meðfylgjandi myndskeiði. Gunnar: Hrikalega agaðir sóknarlega „Þetta var frábær leikur og ég er ánægður með strákana í dag. Við byrjuðum þetta af krafti og héldum þeim frá okkur allan tímann. Varnarlega var þetta mjög flott og markverðirnir voru góðir,“ sagði Gunnar Magnússon eftir átta marka sigur á Akureyri í Olís-deild karla í handknattleik 28:20. „Vörnin hefur verið fín í síðustu leikjum en það eru aðallega tæknifeilarnir sóknarlega sem hafa verið að drepa okkur og liðin hafa verið að ná mörgum auðveldum mörkum úr hröðum upphlaupum. Í dag vorum við hrikalega agaðir sóknarlega og gáfum fá færi á okkur. Þeir þurftu að stilla upp í hverri einustu sókn sem var svolítið lykillinn að þessu,“ sagði Gunnar Magnússon en nánar er rætt við hann í myndskeiðinu hér að neðan. .
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson

Viðtöl við þjálfarana eftir leikinn í Eyjum

Atli: Tuttugu glataðir boltar segja ýmislegt

Gunnar: Getum unnið öll lið á góðum degi

Atli: Það var allt sem fór úrskeiðis.

Gunnar: Hrikalega agaðir sóknarlega