Akureyri Handboltafélag lék fótbolta fyrir sumarfríið

Meistaraflokkur Akureyrar Handboltafélags tók sig til og lék fótbolta á gervigrasvellinum við KA-Heimilið í kvöld og grillaði síðan saman. Ástæðan fyrir þessu húllumhæi er nefnilega sú að liðið er komið í stutt sumarfrí frá hefðbundnum æfingum. Liðið hefur haldið áfram að æfa vel eftir að mótinu lauk en fær nú kærkomið frí áður en þráðurinn verður tekinn upp að nýju síðar í sumar.