2. flokkur: Jafntefli gegn HK í dramatískum leik


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Arnþór var markahæstur í dag		1. nóvember 2015 - Akureyri handboltafélag skrifar 2. flokkur: Jafntefli gegn HK í dramatískum leik Í dag áttust Akureyri 2 og HK við í 2. deild 2. flokks. Akureyrarstrákarnir fóru kröftuglega af stað, skoruðu fyrstu fjögur mörk leiksins og héldu góðri forystu allan fyrri hálfleikinn. HK skoraði síðustu tvö mörk hálfleiksins þannig að forskot Akureyrar var aðeins tvö mörk í hálfleik, 13-11. Forysta Akureyrar hefði hæglega getað verið stærri en einbeitingarleysi kom í veg fyrir það auk þess sem markvörður HK átti stórleik. HK skoraði fyrsta mark seinni hálfleiks og hafði þar með minnkað forskot Akureyrar í eitt mark. En góður kafli Akureyrar varð til að forystan jókst á ný og varð fimm mörk 18-13. Í stöðunni 19-15 fyrir Akureyri kom afdrifaríkur kafli þar sem HK skoraði fimm mörk í röð og náði forystunni í fyrsta sinn í leiknum, 19-20 og tólf mínútur til leiksloka. Þær voru æsispennandi, jafnt á öllum tölum en HK virtist tryggja sér sigurinn með marki beint úr aukakasti þegar 12 sekúndur voru til leiksloka. Ingimundur tók leikhlé og lagði upp skipulag fyrir lokasóknina. Það heppnaðist þannig að Arnþór Finnsson fékk vítakast um leið og tíminn rann út. Arnþór tók vítið sjálfur og kom boltanum í netið og tryggði þar með jafnteflið. HK menn áttu erfitt með að höndla þessi úrslit og fékk einn leikmanna þeirra beint rautt spjald eftir leik. Það var algjör klaufagangur hjá Akureyrarliðinu að kasta frá sér sigrinum í þessum leik en að sama skapi sætt að krækja í annað stigið úr því sem komið var. Mörk Akureyrar: Arnþór Finnsson 10 (7 úr vítum), Daði Jónsson 4, Jóhann Einarsson 4, Hafþór Vignisson 3, Einar Jónsson, Sigmar Pálsson og Vignir Jóhannsson 1 mark hver. Arnar Fylkisson stóð í markinu allan tímann og stóð sig bærilega.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson