Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Farsímaútgáfa - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Fínasta helgi hjá báðum liðum 2. flokks





22. nóvember 2015 - Akureyri handboltafélag skrifar

2. flokkur: 5 stig um helgina en fall úr bikarnum

2. flokkur Akureyrar hélt suður yfir heiðar um helgina og léku bæði liðin tvo leiki, en leikið var á föstudegi og laugardegi.

Á föstudeginum lék Akureyri-1 gegn Aftureldingu í Mosfellsbænum en leikurinn var liður í deildarkeppninni. Akureyri byrjaði leikinn vel og leiddi í hálfleik með fjórum mörkum. Strákarnir gerðu svo vel í síðari hálfleik og var í raun aldrei hætta á að missa leikinn frá sér og að lokum unnu þeir sanngjarnan 28-22 sigur.
Mörk Akureyrar: Patrekur 8, Benedikt Línberg 6, Birkir 4, Hafþór 3, Arnþór 3, Daði 2, Einar 1 og Kristinn 1.

Bernharð stóð í markinu allan leikinn og varði 19 skot.

Akureyri-2 spilaði gegn Víking seint á föstudagskvöldinu í 2. deildinni. Akureyri var með yfirhöndina lengst af í spennandi leik. Þegar 5 mínútur lifðu leiks leiddu strákarnir með þremur mörkum og höfðu leikinn í hendi sér en Víkingar bitu hressilega frá sér og komust yfir þegar 15 sekúndur voru eftir. Strákarnir voru hinsvegar fljótir að svara fyrir sig og Jóhann Einarsson knúði fram jafntefli, 27-27.
Mörk Akureyrar: Jóhann 8, Hafþór 6, Vignir 6, Einar 3, Daði 2, Elvar 1 og Kristján 1.

Í markinu varði Arnar 15 skot.

Á laugardeginum spilaði Akureyri-1 við ÍBV í bikarkeppninni og var ákveðið að leika leikinn á Selfossi. Óhætt er að segja að fátt hafi gengið upp hjá Akureyri í fyrri hálfleik en sóknarlega gekk illa gegn 5-1 vörn eyjamanna sem skoruðu svo nánast að vild allan hálfleikinn. Í hálfleik var staðan 17-11 eyjamönnum í vil en í seinni hálfleik var allt annað lið Akureyrar sem mætti til leiks og spiluðu mun betri handbolta. Þegar 3 mínútur voru eftir var munurinn orðinn tvö mörk á liðunum en þá fékk Birkir Guðlaugsson rautt spjald fyrir kjaftbrúk. Eftir það var við ramman reip að draga og eyjamenn kláruðu leikinn 30-26.
Mörk Akureyrar: Patrekur 11, Vignir 8, Kristinn 3, Arnþór 1, Birkir 1, Róbert 1 og Daði 1.

Í markinu varði Arnar 8 skot og Bernharð 2.


Slök byrjun þýddi fall úr bikarnum þetta árið, smelltu á myndina til að sjá fleiri myndir úr leiknum. Mynd: Jóhannes Ásgeir Eiríksson

Akureyri-2 lauk loks helginni með öruggum sigri á liði Selfoss strax á eftir leik Akureyrar-1. Strákarnir léku mjög vel og voru í raun mun betri en Selfyssingar á öllum sviðum handboltans. Lokatölur 21-32 og góður sigur staðreynd.
Mörk Akureyrar: Sigþór 9, Jóhann 8, Arnþór 4, Daði 3, Auðunn 2, Einar 2, Vignir 2, Elvar 1, Kristján 1, Finnur 1 og Aron 1.

Í markinu stóð Arnar sig vel og endaði með 19 skot varin.


Flottur sigur hjá Akureyri-2 gegn Selfoss, smelltu á myndina til að sjá fleiri myndir úr leiknum. Mynd: Jóhannes Ásgeir Eiríksson

Í raun fínasta helgi að baki hjá drengjunum sem skiluðu 5 stigum af 6 mögulegum í deildarleikjunum þremur. Að sama skapi er svekkjandi að detta út úr bikarkeppninni, sérstaklega þar sem lið Akureyrar átti að gera mun betur í þeim leik.

Jóhannes Ásgeir Eiríksson ljósmyndari sendi okkur myndir úr leikjum beggja liða á laugardeginum og er hægt að skoða myndirnar hér:
Akureyri-1 - ÍBV
Selfoss - Akureyri-2
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson