Fyrsti deildarleikurinn: Stjarnan - Akureyri


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Stjörnumenn fagna veru í efstu deild með Handboltadegi		9. september 2016 - Akureyri handboltafélag skrifar Fyrsti deildarleikurinn: Stjarnan - Akureyri Alvara lífsins hefst með útileik Akureyrar, laugardaginn 10. september þegar strákarnir halda í Garðabæinn og mæta þar heimamönnum í Stjörnunni. Stjarnan lék síðasta tímabil í 1. deild eftir að hafa fallið úr úrvalsdeildinni vorið 2015 en þeir unnu 1. Deildina síðasta vor. Þjálfari Stjörnunnar er líkt og síðasta tímabil Einar Jónsson, sem gerði t.d. Fram að Íslandsmeisturum vorið 2013. Einar Jónsson á meðan hann var í herbúðuðm Fram Stjarnan er með hörkulið og hefur farið mikið á leikmannamarkaðnum fyrir tímabilið. Þannig sóttu þeir góðkunningja okkar, markvörðinn Sveinbjörn Pétursson frá Aue í Þýskalandi og Ólaf Gústafsson frá Álaborg í Danmörku. Auk þess fengu þeir línumanninn Garðar Benedikt Sigurjónsson og skyttuna Stefán Darra Þórsson frá Fram. Sveinbjörn átti fjölmarga stórleiki í búningi Akureyrarliðsins Akureyrarliðið kynnir til leiks tvær nýjar skyttur, Litháana Karolis Stropus og Mindaugas Dumcius auk þess sem Arnór Þorri Þorsteinsson er kominn aftur eftir ársdvöl með Víkingum og ÍR. Þá eru í hópnum ungir heimamenn sem hafa leikið með 2. flokki Akureyrar, t.d. Arnþór Gylfi Finnsson, Birkir Guðlaugsson, Patrekur Stefánsson og markverðirnir Bernharð Anton Jónsson og Arnar Þór Fylkisson. Á móti hafa nokkrir leikmenn horfið af sjónarsviðinu: Hreiðar Levý markvörður er kominn til Noregs, Heiðar Þór Aðalsteinsson verður í herbúðum Vals, Hörður Másson lagði skóna á hilluna en verður trúlega með Hömrunum í vetur. Þetta verður sem sé forvitnilegur leikur og menn renna nokkuð blint í sjóinn með hvernig formið er á liðunum. Leikurinn hefst klukkan 16:00 í TM-Höllinni í Garðabænum og hvetjum við alla stuðningsmenn Akureyrar til að fjölmenna á leikinn. Samkvæmt kynningu Stjörnumanna býður Arionbanki frítt á leikinn auk þess sem boðið er upp á veitingar, vöfflur, kaffi, pylsur og djús. Það eru tilmæli frá HSÍ til allra liða í Olís-deildinni að sýna beint frá sínum heimaleikjum en við höfum engar upplýsingar um hvort Stjarnan sýni frá leiknum. Ef svo verður þá munum við benda á útsendinguna hér.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson