Grátlegt tap í hörkuleik í Eyjum


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Andri Snær, Karolis Stropus og Sigþór Árni létu til sín taka í Eyjum		19. september 2016 - Akureyri handboltafélag skrifar Grátlegt tap í hörkuleik í Eyjum Akureyrarliðið mætti fullt sjálfstrausts til Eyja í dag og náðu strax 0-3 forystu með frábærum leik. Það forskot hélst fram yfir miðjan fyrri hálfleikinn en eftir sautján mínútna leik náði ÍBV fyrst að jafna í 8-8. Í kjölfarið náði ÍBV þriggja marka forskoti 11-8 en staðan í hálfleik var 14-12 fyrir ÍBV. Fyrir utan sjö mínútna kafla þar sem ÍBV skoraði fimm mörk í röð lék Akureyrarliðið frábærlega. Andri Snær með fimm mörk, var öruggur á vítapunktinum og skilaði fjórum slíkum í netið. ÍBV hélt frumkvæðinu í seinni hálfleik þar sem munurinn var tvö til þrjú mörk. Karolis Stropus var allt í öllu í sóknarleik Akureyrar og skoraði fyrstu fimm mörk liðsins í seinni hálfleiknum, flest með miklum þrumuskotum. Andri Snær minnkaði muninn í eitt mark, 22-21 og skömmu síðar jafnaði Róbert Sigurðarson leikinn í 23-23 og allt á suðupunkti í húsinu. Eyjamenn komust yfir en Andri Snær jafnaði í 24-24. Agnar Smári Jónsson skoraði 25. mark Eyjamanna þegar níu sekúndur voru eftir af leiktímanum, Akureyri tók afar hraða miðju og Brynjar Hólm Grétarsson sendi boltann í autt mark Eyjamanna en því miður þá tók Sverre Andreas leikhlé í sömu andrá og því taldi markið ekki gilt. Lokasókn Akureyrar gekk ekki upp og því gátu Eyjamenn fagnað dramatískum sigri að lokum. Akureyrarliðið var svo sannarlega óheppið að fá ekki stig út úr leiknum, fyrir utan fyrrnefndan kafla í fyrri hálfleik var spilamennska liðsins afar góð. Karolis Stropus var magnaður, sérstaklega í seinni hálfleiknum þar sem hann sýndi svo sannarlega að hann getur skotið á markið. Sigþór Árni Heimisson gerði Eyjavörninni oft erfitt fyrir með hraða sínum og sótti alls fjögur vítaköst. Andri Snær fór alls átta sinnum á vítalínuna og skilaði sjö þeirra í netið. Varnarleikurinn var heilt yfir góður og markvarslan þokkaleg. Mörk Akureyrar: Andri Snær Stefánsson 9 (7 úr vítum), Karolis Stropus 8, Mindaugas Dumcius 2, Róbert Sigurðarson 2, Friðrik Svavarsson, Kristján Orri Jóhannsson og Sigþór Árni Heimisson 1 mark hver. Í markinu varði Tomas Olason 11 skot og Bernharð Anton Jónsson 2. Mörk ÍBV: Theódór Sigurbjörnsson 7 (1 úr víti), Sigurbergur Sveinsson 6, Daníel Örn Griffin 4, Kári Kristján Kristjánsson 3, Agnar Smári Jónsson 2, Grétar Þór Eyþórsson 2 og Dagur Arnarsson 1. Í marki Eyjamanna varði Stephen Nielsen 12 skot og Kolbeinn Arnarsson 8 (þar af 1 vítakast). Næsti leikur Akureyrar er heimaleikur gegn Aftureldingu og verður sá leikur klukkan 19:00 á fimmtudaginn í KA Heimilinu.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson