Heimaleikur gegn Aftureldingu á fimmtudaginn


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Mosfellingar eru engin lömb að leika við		21. september 2016 - Akureyri handboltafélag skrifar Heimaleikur gegn Aftureldingu á fimmtudaginn Það er stutt á milli leikja í Olís-deildinni þessa dagana og á morgun, fimmtudag er komið að heimaleik gegn Aftureldingu úr Mosfellsbænum. Enginn velkist í vafa um að þar verður hart tekist á, Akureyri búið að leika þrjá hörkuleiki án þess að ná stigi út úr þeim. Mosfellingar eru komnir með fjögur stig í hús, töpuðu illa fyrir Selfyssingum í fyrstu umferð en knúðu fram magnaðan eins marks sigur á Haukum í annarri umferð. Á mánudaginn lögðu þeir síðan Fram að velli. Liðin mættust tvisvar hér fyrir norðan á síðasta tímabili. Akureyri vann góðan fimm marka sigur í fyrri leiknum og klæjar örugglega í fingurna að endurtaka leikinn á morgun, við getum allavega lofað hörkuleik í KA heimilinu á fimmtudaginn. Þrándur Gíslason í leik liðanna í fyrra, hann hefur nú lagt keppnisskóna á hilluna Akureyri-TV HSÍ sendir öllum liðum Olís-deildarinnar tilmæli um að sýna heimaleiki sína á netinu. Við brugðumst við og sýndum síðasta leik í beinni og stefnum á að það verði regla hjá okkur á tímabilinu. Nánari upplýsingar um útsendinguna verða hér á heimasíðunni á leikdegi. Leikurinn hefst klukkan 19:00 í KA heimilinu en það er upplagt að mæta tímanlega á staðinn því fyrir leikinn verður hægt að ganga frá kaupum á ársmiðum (silfurkortum) og gullkortum fyrir tímabilið. Athugaðu að HSÍ breytti nýlega tímasetningu allra heimaleikja Akureyrar á fimmtudögum og munu þeir hér eftir hefjast klukkan 19:00 en ekki 19:30 eins og stendur á kortunum. Við vonumst til að sjá þig á leiknum á fimmtudaginn! Leikmenn og stjórn Akureyrar Handboltafélags.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson