Hörkuleikur á Hlíðarenda en engin stig í farteskinu


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Tomas sneri aftur í byrjunarliðið og stóð sig með prýði		22. október 2016 - Akureyri handboltafélag skrifar Hörkuleikur á Hlíðarenda en engin stig í farteskinu Akureyri sótti lið Vals heim í 8. umferð Olís deildarinnar í dag. Heimamenn höfðu unnið fjóra leiki í röð eftir að hafa tapað fyrstu þremur leikjum sínum, á sama tíma þurfti okkar lið á sigri að halda enda á botni deildarinnar. Tomas Olason markvörður okkar sneri aftur í byrjunarliðið eftir meiðsli og byrjaði af krafti. Því miður gekk sóknarleikurinn brösuglega í upphafi og Valsarar náðu fljótlega góðu taki á leiknum. Eftir um kortérs leik var staðan 9-4 fyrir Val og útlitið ekki gott. En Akureyrarliðið er þekkt fyrir að gefast aldrei upp og við tók 0-4 kafli sem breytti stöðunni í 9-8. Allt annað var að sjá til liðsins og voru strákarnir óheppnir að hafa ekki yfir þegar flautað var til hálfleiks en hálfleikstölur voru 11-11. Síðari hálfleikur hófst eins og hvernig sá fyrri lauk, okkar lið var betri aðilinn og þegar 20 mínútur lifðu leiks var staðan 16-18 og útlitið gott. En það hefur oft reynst erfitt fyrir Akureyri að klára leiki á Hlíðarenda og heimamenn svöruðu með næstu fjórum mörkum, 20-18. En áfram reyndu menn hvað þeir gátu og tók Tomas nokkra mikilvæga bolta og þegar 6 mínútur voru eftir jafnaði Sissi metin í 21-21 og á sama tíma fékk Orri Freyr Gíslason tveggja mínútna brottvísun. Það að vera einum fleiri hefur oft gert lítið fyrir Akureyri síðustu árin og því miður nýttist liðsmunurinn ekki og lokaspretturinn var Valsmanna sem fóru á endanum með sigur af hólmi, 24-22. Mjög svo svekkjandi tap staðreynd en spilamennska liðsins segir til um það að stutt er í næsta sigur. Byrjunin á tímabilinu er vissulega undir væntingum en það er ennþá nóg eftir af tímabilinu og við gleymum því ekki að byrjunin á síðasta tímabili var heldur alls ekki glæsileg.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson