FH hafði betur í dramatískum bikarslag


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Patrekur og Róbert með stórleik		6. desember 2016 - Akureyri handboltafélag skrifar FH hafði betur í dramatískum bikarslag Enn einu sinni buðu Akureyringar upp á háspennuleik á tímabilinu þó heilladísirnar væru ekki á þeirra bandi í blálokin þar sem FH ingar náðu að hanga á eins marks forskoti sínu. Akureyri byrjaði af miklum krafti þar sem Róbert Sigurðarson byrjaði í vinstri skyttunni og gerði sér lítið fyrir og skoraði fyrstu þrjú mörk Akureyrar með þrumuskotum. Akureyri komst í 5-3 en þá tók við kafli þar sem FH skoraði fimm mörk í röð, flest úr hraðaupphlaupum. Þessi þriggja marka munur hélst nokkurn vegin út hálfleikinn, en hálfleikstölur voru 14-17 fyrir FH. Akureyringar réðu lítið við Ágúst Birgisson línumann FH inga og varnarleikurinn í heild ekki eins og hann getur bests orðið. Ungu mennirnir Róbert og Patrekur báru uppi sóknarleikinn, Patti með fimm mörk og Róbert 4. Í upphafi seinni hálfleiks seig enn á ógæfuhliðina og náði FH sex marka forskoti, 15-21 eftir rúmlega fimm mínútna leik. Í kjölfarið hélst þægilegt forskot FH inga þar til staðan var 19-24 en þar með hófst endurkoma Akureyrarliðsins. Þrjú mörk í röð löguðu stöðuna og áfram var haldið. Igor minnkaði muninn í eitt mark, 25-26 úr hraðaupphlaupi og andrúmsloftið í húsinu orðið rafmagnað. Daði Jónsson og Róbert Sigurðarson ganga á móti Gísla Þorgeiri Kristjánssyni Bæði leið bættu við marki og Akureyri fékk tækifæri á að jafna leikinn í lokasókninni. Það gekk þó ekki eftir og FH slapp með skrekkinn, lokatölur 26-27. Það má eiginlega segja að ungu mennirnir í Akureyrarliðinu hafi átt gólfið að þessu sinni, Patrekur og Róbert fóru hamförum í sókninni. Arnar Þór Fylkisson kom í markið seinni hluta síðari hálfleiks og átti sinn þátt í viðsnúningnum. varði meðal annars vítakast á dramatísku augnabliki. Mörk Akureyrar: Patrekur Stefánsson 7, Róbert Sigurðarson 5, Igor Kopyshynskyi 3 (2 úr vítum), Kristján Orri Jóhannsson 3, Mindaugas Dumcius 3, Andri Snær Stefánsson 1, Arnór Þorri Þorsteinsson 1, Arnþór Gylfi Finnsson 1, Friðrik Svavarsson 1 og Sigþór Gunnar Jónsson 1 mark. Tomas Olason fór afar vel af stað í markinu en dró heldur úr honum þegar leið á leikinn. Tomas varði 8 skot en Arnar Þór Fylkisson kom sterkur inn í markið eins og áður segir, með 5 varin skot, þar af 1 vítakast. Mörk FH: Óðinn Þór Ríkharðsson 6, Ágúst Birgisson 5, Jóhann Karl Reynisson 5, Gísli Þorgeir Kristjánsson 4, Einar Rafn Eiðsson 3, Jóhann Birgir Ingvarsson 2, Ásbjörn Friðriksson 1 (úr víti) og Arnar Freyr Ársælsson 1 mark. Ágúst Elí Björgvinsson stóð í markinu í fyrri hálfleik og varði 7 skot (1 vítakast) en Birkir Fannar Bragason í þeim seinni og varði 5 skot. Leikurinn var í beinni útsendingu á Akureyri TV, smelltu hér til að horfa á leikinn. Bikardraumurinn er þar með úti hjá Akureyrarliðinu en fram undan eru tveir leikir í Olís deildinni fram að jólafríinu. Næstkomandi laugardag er komið á útileik gegn Íslandsmeisturum Hauka en lokaleikur ársins verður laugardaginn 17. desember þegar Fram kemur í KA heimilið.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson