Frábær leikur gegn FH en því miður ekkert stig


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Mindaugas Dumcius var markahæstur Akureyrar		6. mars 2017 - Akureyri handboltafélag skrifar Frábær leikur gegn FH en því miður ekkert stig Það er óhætt að segja að áhorfendur á leik FH og Akureyrar í gær fengu heldur betur eitthvað fyrir peninginn. Leikurinn var afar mikilvægur báðum liðum sem eru að berjast á sitthvorum enda töflunnar en það var þó ekki að sjá á hvorum endanum liðin voru. FH komst í 2-0 áður en Akureyri komst á blað en með frábærum kafla sneri Akureyri við blaðinu og komst í 3-6. FH tók leikhlé og náðu vopnum sínum á ný, jöfnuðu í 7-7 og í kjölfarið skiptust liðin á að hafa forystuna út hálfleikinn. Á síðustu andartökum hálfleiksins minnkaði Mindaugas muninn í 16-15 með sínu fjórða marki en annars var það Bergvin Þór Gíslason sem átti frábæran fyrri hálfleik þar sem hann skilaði sex mörkum. Gangur fyrri hálfleiksins Seinni hálfleikur var allan tímann í járnum, FH náði reyndar þriggja marka forskoti, 20-17 en Akureyri barðist áfram og minnkaði muninn í eitt mark 24-23. Spennan hélst allt fram til loka og er óhætt að segja að síðustu andartök leiksins hafi verið dramatísk. Þegar þrjár til fjórar sekúndur voru til leiksloka var dæmd leiktöf á FH og í stað þess að leggja boltann niður kastaði Ágúst Birgisson boltanum frá sér og eyðilagði þar með möguleika Akureyrar á að ná hraðri sókn. Í reglum handboltans er sérstakt ákvæði um síðustu 30 sekúndur leiksins þar sem segir að ef leikmaður tefur töku kasts skuli dæma tæknivíti og gefa viðkomandi leikmanni rautt spjald. Annars ágætir dómarar leiksins létu þetta óátalið og létu tímann ganga þannig að einungis ein sekúnda var eftir á klukkunni þegar náðist að taka leikhlé. Þar með var Akureyrarliðið rænt gullnu tækifæri til að jafna leikinn og krækja í dýrmætt stig. Gangur seinni hálfleiksins Brynjar Hólm Grétarsson kom sterkur inn í seinni hálfleikinn og skoraði fimm mörk og tók við kyndlinum af Bergvin sem náði ekki að skora í hálfleiknum. Varnarleikurinn var býsna góður með Róbert og Daða í miðjunni þannig að Sverre sem var á leikskýrslu sá ekki ástæðu til að skipta sér inná að þessu sinni. Markvarslan var afar lítil að þessu sinni og má segja að hvorki Tomas né Arnar Þór Fylkisson hafi náð sér á strik og munar um minna. Raunar áttu markverðir FH ekki heldur neitt sérstakan dag en náðu þó fleiri boltum en okkar menn. Mörk Akureyrar: Mindaugas Dumcius 7, Bergvin Þór Gíslason 6, Kristján Orri Jóhannsson 6 (3 úr vítum), Brynjar Hólm Grétarsson 5, Friðrik Svavarsson 3, Igor Kopyshynskyi 1 og Róbert Sigurðarson 1 mark. Tomas varði 5 skot og Arnar Þór Fylkisson 3. Mörk FH: Einar Rafn Eiðsson 8 (2 úr vítum), Jóhann Birgir Ingvarsson 6, Óðinn Þór Ríkharðsson 4, Ágúst Birgisson 3, Gísli Þorgeir Kristjánsson 3, Jóhann Karl Reynisson 3 og Þorgeir Björnsson 3. Í marki FH varði Birkir Fannar Bragason 7 skot og Ágúst Elí Björgvinsson 4. Næsti leikur Akureyrar er heimaleikur gegn nýkrýndum bikarmeisturum Vals en hann verður laugardaginn 11. mars.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson