Warning: Undefined array key "frettanr" in /web/akhandadmin/public_html/index.php on line 15
Frábær sigur Akureyrar á stórliði Vals - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan

Warning: Undefined array key -1 in /web/akhandadmin/public_html/leikjaefnishaus.php on line 26

Warning: Trying to access array offset on value of type null in /web/akhandadmin/public_html/leikjaefnishaus.php on line 26

Warning: Undefined array key -1 in /web/akhandadmin/public_html/leikjaefnishaus.php on line 40

Warning: Trying to access array offset on value of type null in /web/akhandadmin/public_html/leikjaefnishaus.php on line 40

Warning: Undefined array key -1 in /web/akhandadmin/public_html/leikjaefnishaus.php on line 40

Warning: Trying to access array offset on value of type null in /web/akhandadmin/public_html/leikjaefnishaus.php on line 40

Warning: Undefined array key -1 in /web/akhandadmin/public_html/leikjaefnishaus.php on line 42

Warning: Trying to access array offset on value of type null in /web/akhandadmin/public_html/leikjaefnishaus.php on line 42

Warning: Undefined array key -1 in /web/akhandadmin/public_html/leikjaefnishaus.php on line 42

Warning: Trying to access array offset on value of type null in /web/akhandadmin/public_html/leikjaefnishaus.php on line 42

Warning: Undefined array key -1 in /web/akhandadmin/public_html/leikjaefnishaus.php on line 42

Warning: Trying to access array offset on value of type null in /web/akhandadmin/public_html/leikjaefnishaus.php on line 42

Warning: Undefined array key -1 in /web/akhandadmin/public_html/leikjaefnishaus.php on line 42

Warning: Trying to access array offset on value of type null in /web/akhandadmin/public_html/leikjaefnishaus.php on line 42

Warning: Undefined array key -1 in /web/akhandadmin/public_html/leikjaefnishaus.php on line 43

Warning: Trying to access array offset on value of type null in /web/akhandadmin/public_html/leikjaefnishaus.php on line 43

Warning: Undefined array key -1 in /web/akhandadmin/public_html/leikjaefnishaus.php on line 44

Warning: Trying to access array offset on value of type null in /web/akhandadmin/public_html/leikjaefnishaus.php on line 44

Warning: Undefined array key -1 in /web/akhandadmin/public_html/leikjaefnishaus.php on line 45

Warning: Trying to access array offset on value of type null in /web/akhandadmin/public_html/leikjaefnishaus.php on line 45

Warning: Undefined array key -1 in /web/akhandadmin/public_html/leikjaefnishaus.php on line 45

Warning: Trying to access array offset on value of type null in /web/akhandadmin/public_html/leikjaefnishaus.php on line 45

Warning: Undefined array key -1 in /web/akhandadmin/public_html/leikjaefnishaus.php on line 46

Warning: Trying to access array offset on value of type null in /web/akhandadmin/public_html/leikjaefnishaus.php on line 46
     -    ()
klukkan:
Dómarar:
Umfjöllun

Oddur hefur heldur betur farið á kostum í undanförnum leikjum





23. október 2008 - Akureyri handboltafélag skrifar

Frábær sigur Akureyrar á stórliði Vals

Það er ekkert lát á sigurgöngu leikmanna Akureyrar Handboltafélags og raunar bæjarbúa allra. Í kvöld voru það ríkjandi bikarmeistarar Vals sem urðu að játa sig sigraða í fyrsta sinn á tímabilinu fyrir frábærri liðsheild Akureyrar og ógnvekjandi áhorfendaskaranum.

Það voru Helgi og hljóðfæraleikararnir sem blésu mönnum baráttuandann í brjóst þannig að eftir að hafa heiðrað minningu Haraldar M. Sigurðssonar íþróttakennara með þögn og síðan dúndrandi lófataki tóku áhorfendur fullan þátt í leiknum um leið og leikurinn var flautaður á.

Ekki var laust við að það væri nokkur skjálfti í leikmönnum í upphafi en það voru Valsmenn sem byrjuðu betur, komust í 0-2 og síðan í 2-5 eftir fimm mínútna leik. Á þessum tímapunkti small vörn Akureyrar í gírinn og þar með kom markvarslan. Akureyri jafnaði í 6-6 en Valsmenn tóku þá góðan kipp og náðu aftur þriggja marka forystu 6-9 og aftur 7-10 með marki afmælisbarnsins Arnórs Þór Gunnarssonar.

Hér fór heldur betur að fara um stuðningsmenn Akureyrar en þar með var heimamönnum líka nóg boðið, tóku leikinn gjörsamlega í sínar hendur og skoruðu næstu fimm mörk í röð og staðan orðin 12-10 Akureyri í vil. Valsmenn náðu þó að koma til baka og jöfnuðu í 12-12 en þannig var staðan í hálfleik.

Stemmingin í húsinu var ólýsanleg, áhorfendur fleiri en nokkru sinni, stúkan alveg kjaftfull og fjöldi manns sem sat eða stóð niðri á gólfinu við hliðarlínuna. Sömuleiðis fann maður að liðið var búið að yfirvinna taugatitringinn og því til alls líklegt í seinni hálfleik.

Og það gekk svo sannarlega eftir. Hafþór byrjaði seinni hálfleik með látum og Akureyri náði frumkvæðinu í leiknum sem var aldrei látið eftir. Valur jafnaði reyndar í 16-16 og aftur í 17-17 og spennan í algleymingi. Það voru hins vegar leikmenn Akureyrar sem höndluðu spennustigið betur og röðuðu inn næstu fjórum mörkum, staðan orðin 21-17 og einungis tólf mínútur eftir af leiknum. Á þessum kafla fór liðið hreinlega á kostum og yfirspilaði Valsmenn alveg gjörsamlega. Hafþór var ótrúlegur í markinu, Valur fékk þrjú vítaköst en Hafþór gerði sér lítið fyrir og varði þau öll.

Þegar eftir var mínúta og 20 sekúndur var staðan 24-20 og nánast formsatriði að klára leikinn. Valsmenn náðu þó að bæta stöðuna lítillega og minnkuðu muninn í 24-22 sem urðu lokatölur leiksins. Fagnaðarlátunum ætlaði seint að linna enda ljóst að með þessum sigri hafði Akureyri orðið fyrsta liðið til að sigra Val og jafnframt ljóst að Akureyri hafði velt Valsmönnum úr efsta sæti N1-deildarinnar en tekið sætið sjálfir.

Það er alveg ljóst að Akureyrarliðið eflist með hverjum leiknum og það er orðin staðreynd að við eigum bestu liðsheild landsins þar sem hver einasti leikmaður leggur sig 100% fram fyrir félagana og fyrir vikið er erfitt fyrir andstæðingana að brjóta liðið niður með því að taka einhvern úr umferð því að þá opnast bara tækifæri fyrir næstu menn.

Markaskorunin dreifðist vel, mörkin skiptust þannig: Oddur Gretarsson 7, Árni Sigtryggsson 6, Andri Snær Stefánsson 5 (1 víti), Hörður Fannar 2, Gústaf Línberg, Þorvaldur, Rúnar og Jónatan eitt mark hver.

Hafþór Einarsson stóð í markinu allan tímann og átti magnaðan leik, sérstaklega í síðari hálfleik en alls varði Hafþór 24 skot og þar af öll 3 vítaköstin sem Valur fékk í leiknum.

Hjá Val var markvörðurinn Ólafur Gíslason besti maður, hann varði 19 skot og var okkar mönnum virkilega erfiður á köflum.

Markaskorarar Vals voru: Arnór Þór Gunnarsson 5, Anton Rúnarsson 4, Hjalti Pálmason 3, Sigfús Páll Sigfússon 2, Ingvar Árnason 2, Sigurður Eggertsson 2, Baldvin Þorsteinsson 2, Elvar Friðriksson 1 og Sigfús Sigurðsson 1.

Sigur Akureyrar var fyllilega verðskuldaður, menn mættu tilbúnir í slaginn með baráttu og leikgleði og börðust af krafti á meðan Valsmenn virtust ekki ná að höndla mótlætið og því fór sem fór en tvö dýrmæt stig fengust í sarpinn hjá Akureyri og staða liðsins í deildinni ánægjuleg en liðið er á toppi deildarinnar sem stendur og hefur svo sannarlega sýnt öllum liðum að það er sýnd veiði en ekki gefin.

Tengdar fréttir

Við þökkum hljómsveitinni fyrir magnað framlag til leiksins

24. október 2008 - Akureyri handboltafélag skrifar

Helgi og hljóðfæraleikararnir í stuði - myndasyrpa

Sú skemmtilega hefð hefur skapast á heimaleikjum Akureyrar að bjóða upp á lifandi tónlistaratriði fyrir leiki og í gær var það stórsveitin úr Eyjafjarðarsveit, Helgi og hljóðfæraleikararnir sem tróð upp. Það var ekki að sökum að spyrja að sveitin stóð sig frábærlega og fór á kostum.

Þórir Tryggvason smellti nokkrum myndum af sveitinni og hér er hægt að berja sveitina augum.


Það var að vonum létt yfir mönnum eftir sigurinn á Val







24. október 2008 - Akureyri handboltafélag skrifar

Hvað sögðu menn eftir Valsleikinn?

Frábær frammistaða Akureyrarliðsins hefur svo sannarlega vakið athygli fjölmiðlamanna og eftir sigurinn á Val í gærkvöldi hafa birst viðtöl við strákana í þeim flestum. Við skulum sjá hvað menn hafa að segja um málin.

Það var létt yfir Rúnari í viðtali við Hjalta Þór Hreinsson hjá Fréttablaðinu: "Það hlýtur að vera létt að vera í markinu fyrir aftan svona vörn," gantaðist Rúnar Sigtryggsson þjálfari. "Við spiluðum ekki nógu vel í fyrri hálfleik þar sem sóknin var slök og ég var frekar fúll við strákana. Staðan var jöfn en við áttum nóg inni eins og við sýndum gegn besta liðinu á landinu. Það er gaman að vera kominn á toppinn og við njótum þess núna. Hingað til er þetta erfiðasti útivöllur landsins og það er rosalega gaman að sjá að stúkan er ekki nógu stór," sagði Rúnar glottandi.

Andri Snær var líka í viðtali við Fréttablaðið: "Það er gjörsamlega geðbilað að vera á toppnum. Það reiknaði enginn með neinu af okkur fyrir mót en við erum hvergi nærri hættir. Við erum komnir á bragðið og við ætlum að halda svona áfram," sagði Andri Snær Stefánsson sem átti stórleik fyrir Akureyri en engu líkara var en um aðvörun til hinna liðanna í deildinni væri að ræða segir Hjalti blaðamaður Fréttablaðsins.

Andri Yrkill Valsson blaðamaður Morgunblaðsins ræddi einnig við "Stálmúsina", Andra Snæ eftir leikinn: Það verður að segjast eins og er að við byrjuðum alls ekki nógu vel. Vorum nánast hræddir við þá og bárum fullmikla virðingu fyrir þeim í byrjun. Fyrri hálfleikur var einfaldlega mjög slakur af okkar hálfu og við vorum heppnir að halda jöfnu í hálfleik. En við komum sterkir til baka í seinni hálfleik og spiluðum alveg frábærlega og það var aldrei spurning um það hvort liðið mundi vinna þennan leik."
Áhorfendur hafa verið mjög duglegir að mæta á heimaleiki Akureyrar það sem af er tímabilinu og segir Andri það skipta miklu máli: Alveg klárlega. Það er alveg stórkostlegt að fá þennan stuðning í hverjum leik og með svona áhorfendur þá er alveg hægt að bóka sigur. Völlurinn hér fyrir norðan er orðinn mikil gryfja eins og var á árum áður og hér koma engin lið til þess að vinna öruggan sigur," sagði Andri Snær Stefánsson í leikslok.

Hafþór Einarsson var í viðtali við Jón Stefán Jónsson hjá Vikudegi: "Við spiluðum stórkostlega vörn og þegar maður hefur svona vörn þá fylgir markvarslan alltaf með" sagði Hafþór Einarsson, hógvær eftir leikinn. Hann sagðist ekki muna hvort þessi leikur sé hans besti á ferlinum ,,uss það er svo langt síðan fyrri hluti ferilsins var, þú mátt ekki spyrja svona!" sagði Hafþór og hló. Hann sagði svo að lokum; "leikgleðin hjá okkur og þessi frábæri stuðningur og meðbyr sem við fáum frá öllum Akureyringum er með ólíkindum og það skilar sér."

Línumaðurinn þrautreyndi Þorvaldur Þorvaldsson var sömuleiðis í viðtali við Vikudag og þakkar andanum í liðinu og áhorfendum velgengni liðsins í síðustu leikjum: "Stemmningin í liðinu er að skila okkur þessu, það eru allir að berjast fyrir alla og ef einhver klikkar er hann bara peppaður upp. Með svona áhorfendur og svona stemmningu er ekki hægt annað en að hrífast með og berjast," sagði Þorvaldur.

Þegar Jón blaðamaður Vikudags spyr Þorvald hvort þessi hópur og stemmningin í kringum hann sé með því betra sem hann hafi séð á 20 ára ferli svarar Valdi: "Þessi hópur er einstakur, stemmningin er frábær. En auðvitað eru árin með Alfreð Gíslasyni líka einstök í minningunni. Núna eru hins vegar allir í liðinu frá Akureyri nema Jesper (markvörður) og þarna eru strákar sem voru enn á leiksskóla eða ekki fæddir þegar ég byrjaði að spila en það er eins og við séum allir á sama reiki svo frábær er liðsandinn" sagði Þorvaldur kampakátur í leikslok.

Vefurinn www.handbolti.is ræddi við Rúnar Sigtryggsson eftir leikinn sem var að vonum stoltur af sínum mönnum: "Liðið hefði sýnt ótrúlegan karakter í vetur og verið virkilega gaman að vinna með þessum drengjum. Þá sagði hann að stemmingin á Akureyri væri frábær fyrir liðinu og mæting á heimaleikina væri frábær. Þá væri flottur hópur að fórnfúsu fólki að leggja á sig mikla vinnu að skapa þessa frábæru umgjörð og það góða starf sem unnið væri hjá félaginu nú. Þá sagði hann að það væri virkilega ánægjulegt að af 14 manna leikmannhóp væru 13 uppaldir Akureyringar og í næsta leik yrðu allir leikmenn félagsins uppaldir Akureyringar þar sem danski varamarkvörðurinn Jesper væri á heimleið þar sem laun hans sem trésmiður í dkr hefðu helmingast í þeirri efnahagslægð sem nú væri."

Það er ekki alveg eins létt yfir Valsmönnum í viðtölum eftir leikinn, Óskar Bjarni Óskarsson segir í viðtali við Fréttablaðið: "Þetta var hörmungar leikur hjá okkur, Haffi var frábær í markinu hjá þeim, ég hef aldrei séð annað eins. Það verður ekki tekið af þeim að þeir spiluðu góða vörn en sóknin okkar var léleg. Það átti nánast enginn góðan leik og við vorum heppnir að tapa bara með tveimur mörkum með svona sóknarleik," sagði Óskar.

Svipaða sögu hafði Akureyringurinn í liði Vals, Baldvin Þorsteinsson að segja í Morgunblaðinu: "Við komum ágætlega stemmdir til leiks en einhverra hluta vegna vantaði einhvern kraft í þetta hjá okkur. Við töpuðum reyndar bara með tveimur mörkum en við vorum algjörlega úti á túni. Hafþór í markinu hjá þeim varði mjög vel og mikil stemning í áhorfendum en við virtumst bregðast við því með hálfgerðum dofa í leik okkar."

Valsmenn voru efstir í deildinni fyrir leikinn, en Baldvin segir að þeir hafi vitað frá byrjun hvað Akureyringar geta: "Nei, það var alls ekkert vanmat í gangi. Við spiluðum einfaldlega bara ekki nógu vel og ég bara skil ekki af hverju við gerðum ekki betur. Stemningin í hópnum er rosalega skrítin og við fórum bara aldrei almennilega í gang í þessum leik," sagði Baldvin.


Það er ekki auðvelt að leika gegn slíkum áhorfendum

23. október 2008 - Akureyri handboltafélag skrifar

Langbestu stuðningsmenn á landinu - myndasyrpa

Það fer ekki á milli mála lengur hverjir eru bestu áhorfendur á Íslandi í dag. Enn og aftur sýndu stuðningsmenn Akureyrar Handboltafélags hvers þeir eru megnugir, allt frá því að dómarar flautuðu leik Vals og Akureyrar á byrjuðu lætin og eftir því sem á leikinn leið magnaðist galdurinn stöðugt.

Þórir Tryggvason var að sjálfsögðu mættur og hér getum við rifjað upp stemminguna. Skoða myndasyrpu af áhorfendum


Allir í Höllina í kvöld

23. október 2008 - Akureyri handboltafélag skrifar

Leikur dagsins: Akureyri - Valur í beinni textalýsingu

Það eru vonandi allir klárir í átök kvöldsins þegar við fáum topplið Vals í heimsókn í Íþróttahöllina og verður það örugglega hörkuleikur þar sem liðin munu örugglega berjast til þrautar.

Leikurinn sjálfur hefst klukkan 19:30 og að sjálfsögðu er skyldumæting mjög tímanlega á leikinn því að hálftíma fyrir leik eða um klukkan 19:00 mun eyfirska stórsveitin Helgi og hljóðfæraleikararnir leika af fingrum fram eins og þeim er einum lagið!

Eins og venjulega verður boðið upp á beina lýsingu frá leiknum hér á síðunni fyrir þá sem ekki komast á leikinn og hefst hún rétt fyrir leik.

Það er virkilega auðvelt að fylgjast með leiknum í gegnum Beinu Lýsinguna.

Smellið hér til að opna Beina Lýsingu

Beina Lýsingin opnast í nýjum glugga sem uppfærist af sjálfu sér á 15 sekúndna fresti. Það er því ekkert mál að fylgjast með. Leikurinn hefst eins og fyrr kom fram klukkan 19:30 og við hvetjum alla til að fylgjast vel með.


Útför Haraldar verður gerð frá Akureyrarkirkju föstudaginn 24. okt. kl. 13:30

23. október 2008 - Akureyri handboltafélag skrifar

Heiðruð minning handboltafrumkvöðuls á Akureyri

Haraldur M. Sigurðsson fyrrverandi formaður K.A. lést þriðjudaginn 14. október, 85 ára að aldri.

Haraldur var menntaður íþróttakennari, lauk prófi árið 1944 og fluttist sama ár til Akureyrar. Á þessum árum átti handboltinn á brattann að sækja en árið 1947 má segja að byrjað hafi að rætast úr því ófremdarástandi. Var það ekki síst Haraldi að þakka en hann tók þá að sér handknattleiksþjálfun bæði karla og kvenna hjá KA, auk þess að leika sjálfur. Segja má að Haraldur hafi verið einn helsti frumkvöðull nútíma handbolta hér á Akureyri.

Þó að heilsan hafi verið farin að bila síðustu árin var handboltaáhuginn ætíð til staðar og kom hann meðal annars á nokkra leiki Akureyrar Handboltafélags síðasta vetur.

Haraldur starfaði sem kennari við Gagnfræðaskóla Akureyrar í 40 ár. Hann var formaður KA árin 1952-55 og aftur 1974-75. Haraldur var gerður að heiðursfélaga K.A. árið 1985.

Akureyri Handboltafélag sendir fjölskyldu Haraldar hugheilar samúðarkveðjur við fráfall hans og til að heiðra minningu Haraldar verður mínútu þögn fyrir leik Akureyrar og Vals í kvöld.


Það eru Hlíðarendapiltarnir í Val sem mæta okkar strákum næst

19. október 2008 - Akureyri handboltafélag skrifar

Stærsti leikur tímabilsins á fimmtudaginn

Það verður mikið um dýrðir á fimmtudaginn þegar bikarmeistarar Vals mæta til leiks gegn baráttuglöðum Akureyringum. Valsmenn tróna sem stendur á toppi N1 deildarinnar með 8 stig af 10 mögulegum. Þeir hafa gert tvö jafntefli, gegn FH og Stjörnunni en sigrað Víking, Fram og nú síðast völtuðu þeir yfir Íslandsmeistara Hauka sem sáu aldrei til sólar gegn þeim Hlíðarendapiltum.

Segja má að í liði Vals sé valinn maður í hverju rúmi, og fara þar fremstir í flokki Akureyringarnir Baldvin Þorsteinsson, Arnór Þór Gunnarsson svo og góðkunningi okkar Heimir Örn Árnason. Heimir glímir reyndar við meiðsli og verður væntanlega ekki leikhæfur á fimmtudaginn.

Þá endurheimtu Valsmenn línu- og varnartröllið Sigfús Sigurðsson úr spænska boltanum og munar um minna. Miðjumenn Vals þeir Sigfús Páll Sigfússon (Siffi) og Sigurður Eggertsson eru baneitraðir og skytturnar Elvar Friðriksson (sem hefur sterka tengingu til Akureyrar) og Hjalti Þór Pálmason eru alltaf skeinuhættir. Þriðja skyttan, Ernir Hrafn Arnarsson meiddist á undirbúningstímanum og er ennþá fjarri góðu gamni. Þá hefur línujaxlinn Ingvar Árnason oft reynst okkur erfiður.

Markvarðapar Valsmanna er ekki árennilegt, Ólafur Haukur Gíslason hefur átt hvern stórleikinn á fætur öðrum og sömuleiðis hefur Húsvíkingurinn Pálmar Pétursson átt það til að loka markinu gjörsamlega.

Það er því ljóst að Akureyrarliðið þarf á öllu sínu að halda og þar vega frábærir stuðningsmenn, sem hafa svo sannarlega vakið landsathygli, hvað þyngst. Við ætlum að halda áfram að skemmta okkur í Íþróttahöllinni, fyrir leikinn mun stórhljómsveitin Helgi og hljóðfæraleikararnir halda uppi fjörinu í kaffiteríu Íþróttahallarinnar eins og þeim er einum lagið frá klukkan 19:00.

Eins og vanalega verður léttur matur í stuðningsmannaherberginu fyrir leik og nú er komið að því að draga í fyrsta sinn í happdrætti klúbbsins. Stuðningsmannaskírteinin eru númeruð og í hálfleik verður dreginn út einn vinningshafi og fær sá glæsilegan GSM-síma frá Símanum. Athugið að einungis þeir meðlimir stuðningsmannaklúbbsins sem verða á leiknum verða í pottinum.

Í gegnum tíðina hafa rimmur Akureyrarliðanna og Valsmanna oftast verið hápunktar leiktíðanna og svo segir manni hugur að við verðum vitni að einum slíkum á fimmtudaginn, góða skemmtun.


Til baka    Senda á Facebook

Umsjón og hönnun: Stefán Jóhannsson og Ágúst Stefánsson