Warning: Undefined array key "frettanr" in /web/akhandadmin/public_html/index.php on line 15
Ekkert lát á sigurgöngu Akureyrar – völtuðu yfir Fram - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan

Warning: Undefined array key -1 in /web/akhandadmin/public_html/leikjaefnishaus.php on line 26

Warning: Trying to access array offset on value of type null in /web/akhandadmin/public_html/leikjaefnishaus.php on line 26

Warning: Undefined array key -1 in /web/akhandadmin/public_html/leikjaefnishaus.php on line 40

Warning: Trying to access array offset on value of type null in /web/akhandadmin/public_html/leikjaefnishaus.php on line 40

Warning: Undefined array key -1 in /web/akhandadmin/public_html/leikjaefnishaus.php on line 40

Warning: Trying to access array offset on value of type null in /web/akhandadmin/public_html/leikjaefnishaus.php on line 40

Warning: Undefined array key -1 in /web/akhandadmin/public_html/leikjaefnishaus.php on line 42

Warning: Trying to access array offset on value of type null in /web/akhandadmin/public_html/leikjaefnishaus.php on line 42

Warning: Undefined array key -1 in /web/akhandadmin/public_html/leikjaefnishaus.php on line 42

Warning: Trying to access array offset on value of type null in /web/akhandadmin/public_html/leikjaefnishaus.php on line 42

Warning: Undefined array key -1 in /web/akhandadmin/public_html/leikjaefnishaus.php on line 42

Warning: Trying to access array offset on value of type null in /web/akhandadmin/public_html/leikjaefnishaus.php on line 42

Warning: Undefined array key -1 in /web/akhandadmin/public_html/leikjaefnishaus.php on line 42

Warning: Trying to access array offset on value of type null in /web/akhandadmin/public_html/leikjaefnishaus.php on line 42

Warning: Undefined array key -1 in /web/akhandadmin/public_html/leikjaefnishaus.php on line 43

Warning: Trying to access array offset on value of type null in /web/akhandadmin/public_html/leikjaefnishaus.php on line 43

Warning: Undefined array key -1 in /web/akhandadmin/public_html/leikjaefnishaus.php on line 44

Warning: Trying to access array offset on value of type null in /web/akhandadmin/public_html/leikjaefnishaus.php on line 44

Warning: Undefined array key -1 in /web/akhandadmin/public_html/leikjaefnishaus.php on line 45

Warning: Trying to access array offset on value of type null in /web/akhandadmin/public_html/leikjaefnishaus.php on line 45

Warning: Undefined array key -1 in /web/akhandadmin/public_html/leikjaefnishaus.php on line 45

Warning: Trying to access array offset on value of type null in /web/akhandadmin/public_html/leikjaefnishaus.php on line 45

Warning: Undefined array key -1 in /web/akhandadmin/public_html/leikjaefnishaus.php on line 46

Warning: Trying to access array offset on value of type null in /web/akhandadmin/public_html/leikjaefnishaus.php on line 46
     -    ()
klukkan:
Dómarar:
Umfjöllun

Jónatan, Andri Snær og Hreinn voru frábærir í dag eins og raunar allt liðið





6. nóvember 2008 - Akureyri handboltafélag skrifar

Ekkert lát á sigurgöngu Akureyrar – völtuðu yfir Fram

Akureyringar stigu stríðsdans á fjölum Framhússins í Safamýrinni eftir glæsilegan sigur á heimamönnum þar í kvöld, 28-33. Undanfarin ár hafa handknattleikslið Akureyrar ekki riðið feitum hesti frá leikjum á útivöllum en það sást strax í upphituninni að strákarnir voru gríðarlega einbeittir og yrðu ekki árennilegir á vellinum. Nýjasti leikmaður liðsins, Anton Rúnarsson sem gekk til liðs við Akureyri um helgina frá Val var í hópnum og sömuleiðis var gamall kunningi, Hörður Flóki Ólafsson mættur í markmannstreyjuna.

Fram hóf leikinn og skoruðu fyrsta mark leiksins en Akureyri svaraði að bragði með næstu þrem mörkum. Framarar tóku í kjölfarið mikla rispu og skoruðu fjögur mörk í röð og staðan orðin 5-3 þeim í vil og eftir rúmar tíu mínútur leiddu Framarar 7-5. Þar með var Akureyrarliðinu nóg boðið og með fantagóðri vörn og frábærri stemmingu tóku þeir frumkvæðið í leiknum, náðu forystu 7-8 og létu hana aldrei af hendi eftir það. Munurinn hélst eitt til tvö mörk en Árni Sigtryggsson skoraði úr vítakasti undir lok fyrri hálfleiks þannig að Akureyri leiddi með þrem mörkum í hálfleik, 13-16.

Leikur liðsins í upphafi seinni hálfleiks var hreint út sagt stórbrotinn, Hafþór sýndi allar sínar bestu hliðar og gjörsamlega lokaði markinu á meðan hver einasta sókn Akureyrar endaði með marki. Eftir rúmlega átta mínútna leik var munurinn orðinn átta mörk 14-22 og ljóst í hvað stefndi. Baráttan og vinnslan í vörninni er hreint aðdáunarverð og sem dæmi þá skoruðu Framarar einungis tvö mörk af línunni í öllum leiknum.

Fram tókst nokkrum sinnum að minnka muninn niður í fjögur mörk en þá var bara gefið í aftur og munurinn jafnharðan aukinn í sex mörk aftur. Viggó þjálfari Fram reyndi allt hvað hann gat til að snúa leiknum, fyrst var Árni Sigtryggsson tekinn úr umferð og síðan einnig Anton Rúnarsson en það skipti engu máli, Andri Snær, Jónatan, Oddur og Höddi léku sér að svifaseinum varnarmönnum Fram sem áttu ekki möguleika í hraða þeirra.


Jónatan fór á kostum í leiknum (mynd mbl)

Þegar upp var staðið blasti við öruggur fimm marka sigur 28-33 og greinilegt að liðið ætlar ekki að láta toppsætið af hendi baráttulaust. Liðið hafði algjöra yfirburði á öllum sviðum handboltans, hvort sem um var að ræða vörn, markvörslu eða sóknarleik, enn og aftur var það frábær liðsheild sem skóp sigurinn. Oddur var öryggið uppmálað í hraðaupphlaupum og hægra horninu, Valdi var sem unglamb á línunni og Anton Rúnarsson kom með mikinn kraft og ógnun í sóknarleikinn.

Mörkin dreifðust vel á mannskapinn: Oddur Gretarsson 7, Andri Snær Stefánsson 6, Anton Rúnarsson og Jónatan Magnússon 5 mörk hvor, Árni Sigtryggsson 4 (2 úr vítum), Hreinn Hauksson, Hörður Fannar Sigþórsson og Þorvaldur Þorvaldsson 2 hver. Hafþór Einarsson stóð í markinu allan tímann og átti magnaðan leik, varði a.m.k. 19 bolta.


Hörður Fannar kominn í gegnum Framvörnina og eftirleikurinn auðveldur (mynd mbl.is)

Það er vissulega erfitt að taka einhverja út úr slíkri liðsheild en þó verða tveir tilnefndir hér sem menn leiksins að þessu sinni, þeir Jónatan Magnússon og Andri Snær Stefánsson.


Andri Snær með örugg tök á Rúnari Kárasyni (mynd Hilmar Þór sport.is)

Þá var ekki síst áhrifamikið að sjá og finna fyrir stuðningsmönnum liðsins á áhorfendapöllunum. Þeir voru fjölmargir og studdu frábærlega við bakið á strákunum þannig að á tímabili mátti halda að Akureyri væri að spila á heimavelli, takk fyrir það og vonandi var þetta bara forsmekkurinn að því sem koma skal.

Hjá Fram voru það skytturnar Andri Berg Haraldsson og Rúnar Kárason sem drógu vagninn með 9 mörk hvor. Akureyringarnir í Fram liðinu, Magnús Stefánsson, Halldór Sigfússon og Guðmundur Hermannsson komust ekkert áfram gegn sínum gömlu félögum og skoruðu ekki mark í leiknum.


Magnús Stefánsson kemst ekkert áleiðis gegn Árna og Þorvaldi
(mynd Benni sportid.is)

Hér er hægt að sjá gang leiksins

Það var að sjálfsögðu létt yfir mönnum á heimleiðinni, "Við erum að fara langt á góðri liðsheild, andinn í liðinu er frábær og það standa allir saman sem einn maður," sagði Rúnar Sigtryggsson, þjálfari við mbl.is eftir leikinn. "Mér fannst allir mínir leikmenn standa sig vel. Vörnin var fantagóð hjá okkur og sóknarleikurinn var agaður. Ég átti alls ekki von á svona sannfærandi sigri. Við höfum átt erfitt uppdráttar í útileikjunum en þessi leikur sýndi að við stóðumst prófið og eins og staðan er núna þá erum við að stimpla okkur vel inn í toppbaráttuna," sagði Rúnar.

Næsta verkefni liðsins er bikarleikur gegn hinu toppliðinu, FH og fer sá leikur fram í Kaplakrika á sunnudaginn klukkan 17:00. Við hvetjum hina frábæru stuðningsmenn Akureyrar sem voru á leiknum í kvöld til að fjölmenna þangað og taka sem allra flesta með sér.

Eftir leiki kvöldsins er staðan í deildarkeppni karla þannig:
Nr. FélagLeikir U J TMörkHlutfallStig-
1. FH7421208 : 199910:4
2. Akureyri7502191 : 1811010:4
3. Valur6321171 : 148238:4
4. Fram6312167 : 16347:5
5. HK6303156 : 166-106:6
6. Haukar7304196 : 18886:8
7. Stjarnan6123149 : 160-114:8
8. Víkingur7016185 : 218-331:13

Tengdar fréttir

Það verð tveir leikir í deildinni í dag

6. nóvember 2008 - Akureyri handboltafélag skrifar

Leikur dagsins: Fram – Akureyri í beinni textalýsingu

Þá er komið að leikdegi hjá Akureyri Handboltafélagi eftir landsleikjahlé. Strákarnir halda suður á bóginn og leika við Fram í Safamýrinni og þarf ekki að efast um að það verður örugglega hörkuleikur þar sem bæði liðin munu selja sig dýrt.

Leikurinn sjálfur hefst klukkan 19:30 og að sjálfsögðu reiknum við með því að geta boðið stuðningsmönnum sem ekki eiga heimangegnt á leikinn upp á beina lýsingu frá leiknum hér á síðunni og hefst hún rétt fyrir leik.

Það er virkilega auðvelt að fylgjast með leiknum í gegnum Beinu Lýsinguna.

Smellið hér til að opna Beina Lýsingu

Beina Lýsingin opnast í nýjum glugga sem uppfærist sjálfvirkt á 15 sekúndna fresti. Það er því ekkert mál að fylgjast með. Leikurinn hefst eins og fyrr kom fram klukkan 19:30 og við hvetjum alla til að fylgjast vel með.


Halldór gekk í raðir Fram á síðasta tímabili



4. nóvember 2008 - Akureyri handboltafélag skrifar

N1-deildin: Útileikur gegn Fram á fimmtudagskvöldið

Á fimmtudaginn halda Akureyrarstrákarnir suður og leika við Fram á heimavelli þeirra síðarnefndu. Það er ljóst að bæði lið munu selja sig dýrt í þessum leik enda bæði í efsta hluta N1-deildarinnar. Fram á reyndar eftir einn leik, gegn Stjörnunni sem var frestað vegna þátttöku þeirra í Evrópukeppni en þeir sigruðu HK í fyrsta leik, einnig Víking en töpuðu illa fyrir Val í þriðju umferð. Síðan gerðu þeir jafntefli við FH og unnu loks sannfærandi sigur 20-27 á Haukum í síðustu umferð. Fram hefur þannig einungis tapað þrem stigum það sem af er og standa því best að vígi í deildinni hvað það varðar.

Þrír Akureyringar leika með Fram, þar skal fyrstan nefna skyttuna Magnús Stefánsson – frá Fagraskógi og leikstjórnandann Guðmund Frey Hermannsson sem báðir hafa leikið með Akureyrarliðinu.


Magnús, Andri Snær og Guðmundur kátir á Greifamótinu í haust

Þriðji maðurinn er einnig leikstjórnandi, enginn annar en Halldór Jóhann Sigfússon sem lengst af lék með KA.

Fram liðið er vel skipað, auk Magnúsar eru þeir með tvær afar öflugar skyttur, Rúnar Kárason hefur farið á kostum í haust og var valinn í landsliðshópinn nú á dögunum og jafnframt er Andri Berg Haraldsson öflugur. Í vinstra horninu eru þeir Stefán Baldvin Stefánsson og Guðjón Drengsson báðir mjög öflugir og Haraldur Þorvarðarson er flinkur línumaður. Markverðir eru Magnús Gunnar Erlendsson og Davíð Hlíðdal Svansson, sem gekk til liðs við Fram frá Aftureldingu í sumar. Þjálfari Fram er svo enginn annar en Viggó Valdemar Sigurðsson.

Eins og áður segir þá eru bæði liðin að berjast á toppi deildarinnar og ljóst að það verður ekkert gefið eftir. Við viljum hvetja alla stuðningsmenn Akureyrar á höfuðborgarsvæðinu til að koma í Framheimilið klukkan 19:30 á fimmtudaginn og halda uppi sömu Akureyrarstemmingu og hefur verið á heimaleikjum Akureyrar til þessa.

Til baka    Senda á Facebook

Umsjón og hönnun: Stefán Jóhannsson og Ágúst Stefánsson