Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
     -    ()
klukkan:
Dómarar:
Umfjöllun

Andri Snær var markahæstur í dag





30. janúar 2009 - Akureyri handboltafélag skrifar

Slæm útreið gegn Val í gærkvöldi

Akureyri fór enga frægðarför til Valsmanna í gærkvöldi. Fyrstu ellefu mínúturnar var leikurinn jafn og skemmtilegur, jafnt á öllum tölum og Akureyri í fínum málum. Í kjölfarið ná Valsmenn fjögurra marka forystu 9-5 og þar með virtist Akureyrarliðið missa hausinn. Valsmenn réðu lögum og lofum á vellinum og fóru með níu marka forskot 17-9 til leikhlés og svo virtist sem úrslitin væru ráðin.


Jónatan skorar

Valsmenn héldu áfram í upphafi seinni hálfleiks og munurinn jókst hröðum skrefum allt upp í 30-15 en á þessum tíma endaði hver sóknin á fætur annarri á lélegum skotum sem Ólafur Gíslason markvörður Vals varði auðveldlega og skilaði boltanum trekk í trekk fram í hraðaupphlaup sem gáfu mörk. Það sem eftir lifði leiksins náði Akureyri að krafla lítillega í bakkann og lokatölur urðu 32-21 fyrir Val eftir að Hafþór markvörður skoraði síðasta mark leiksins, þvert yfir allan völlinn.

Hörður Fannar þurfti að yfirgefa völlinn meiddur fljótlega í fyrri hálfleik og munaði mikið um fjarveru hans í vörninni og ekki síður í sókninni. Sigur Valsmanna var sanngjarn á meðan leikur Akureyrar var í heildina séð dapur. Vörnin sem hafði verið aðalsmerki liðsins var máttlaus og að sama skapi var engin grimmd í sóknarleiknum. Það var helst Andri Snær sem lét að sér kveða og hefði hann að ósekju mátt vera meira inná í seinni hálfleik. Aragrúi dauðafæra úr hraðaupphlaupum, línu og hornum fór í vaskinn þar sem Ólafur Gíslason fór á kostum í Valsmarkinu með alls 27 skot varin.

Hafþór byrjaði í markinu og tók nokkra bolta í byrjun en síðan lítið meir þannig að Hörður Flóki kom í markið og tók nokkra fína bolta í fyrri hálfleik. Flóki datt síðan niður í seinni hálfleik og átti Hafþór ágæta innkomu í seinni hálfleiknum.

Dómarar leiksins áttu mjög dapran dag og var mikið ósamræmi í dómum þeirra þar sem Valsmenn fengu vítaköst á færibandi á meðan sleppt var ítrekað að dæma víti á Valsara.
Mörk Akureyrar: Andri Snær 5, Árni 3, Jonni 3, Oddur 3, Goran 2 Hreinn 2, Hafþór 1, Atli 1, Gústaf 1.

Sjá gang leiksins

Nú verður Akureyri að gyrða sig í brók fyrir næsta leik sem er heimaleikur gegn Fram og verður sá leikur fimmtudaginn 5. febrúar klukkan 19:30.

Að loknum leikjum gærdagsins er staðan í deildinni sem hér segir:

Nr. FélagLeikir U J TMörkHlutfallStig-
1. Haukar13904374 : 3304418:8
2. Valur13733362 : 3095317:9
3. FH13724395 : 3791616:10
4. Fram13724362 : 361116:10
5. HK13535344 : 354-1013:13
6. Akureyri13607334 : 358-2412:14
7. Stjarnan13238324 : 357-337:19
8. Víkingur132110336 : 383-475:21


Hér er hægt að skoða nokkrar myndir frá leiknum sem ljósmyndari Handbolti.is tók.

Tengdar fréttir

Síðasti leikur liðanna í Höllinni var magnaður

29. janúar 2009 - Akureyri handboltafélag skrifar

Leikur dagsins: Valur - Akureyri í beinni textalýsingu

Þá er komið að leikdegi hjá Akureyri Handboltafélagi. Að þessu sinni halda strákarnir á Hlíðarenda og leika gegn bikarmeisturum Vals í Vodafonehöllinni.

Leikurinn hefst klukkan 19:30 og að sjálfsögðu ætlum við að bjóða stuðningsmönnum sem ekki eiga heimangegnt á leikinn upp á beina lýsingu frá leiknum hér á síðunni og hefst hún rétt fyrir leik.

Það er virkilega auðvelt að fylgjast með leiknum í gegnum Beinu Lýsinguna.

Smellið hér til að opna Beina Lýsingu

Beina Lýsingin opnast í nýjum glugga sem uppfærist sjálfvirkt á 15 sekúndna fresti. Það er því ekkert mál að fylgjast með. Leikurinn hefst eins og fyrr kom fram klukkan 19:30 og við hvetjum alla til að fylgjast vel með.

Til baka    Senda á Facebook

Umsjón og hönnun: Stefán Jóhannsson og Ágúst Stefánsson