Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
     -    ()
klukkan:
Dómarar:
Umfjöllun

Oddur var markahæstur í dag

 17. apríl 2011 - Akureyri handboltafélag skrifar

Oddaleikur gegn HK á mánudagskvöldið

Nú er ljóst að það verður barátta upp á líf og dauða milli Akureyrar og HK um sæti í úrslitarimmunni á mánudagskvöldið. Akureyri tapaði sem sé í dag fyrir HK í öðrum leik liðanna og því þarf að grípa til oddaleiksins.

Fyrir leik HK og Akureyrar í Digranesinu voru menn bjarstýnir á leikinn og hann fór svo sannarlega vel af stað, Akureyri byrjaði af krafti og skoruðu fyrstu tvö mörk leiksins. En Akureyri var ekki lengi í paradís því að næstu fjögur mörk voru frá HK. En menn lögðu ekki árar í bát og Heimir Örn jafnaði leikinn í 5-5 með tveim góðum mörkum.

HK tók kipp og komst þrem mörkum yfir 9-6 og hélt frumkvæðinu áfram. Akureyri var þó ekki langt undan og minnkaði muninn án þess þó að ná að jafna leikinn. HK náði mest fjögurra marka forskoti, 15-11 áður en Bjarni Fritzson og Oddur minnkuðu muninn fyrir hálfleik í 15-13.

Einhvernveginn hafði maður alltaf á tilfinningunni að Akureyrarliðið væri að snúa leiknum og þegar Guðmundur Hólmar minnkaði muninn í eitt mark með fyrsta marki seinni hálfleiks jókst sú trú á ný. En aftur seig á ógæfuhliðina og HK komst snarlega í 19-15 en í stöðunni 21-18 má segja að leikur liðsins hafi hrunið.

HK skoraði sex mörk í röð og staðan hreinlega orðin vonlaus 27-18. Vörnin var hriplek og markvarslan þar með engin auk þess sem menn komust ekkert áleiðis í sóknarleiknum.

Mestur varð munurinn tíu mörk, 29-19 og síðan 30-20 en á lokamínútunum klóruðu menn lítillega í bakkann og lokatölur 31-23.

Þetta var klárlega langlélegasti leikur liðsins í vetur, hugsanlega hefur blundað í mönnum að oddaleikurinn væri þó alltaf til staðar en ljóst að slíkt hugarfar gengur ekki þegar í þessa baráttu er komið.

Nú er ekkert annað í boði en girða sig almennilega í brók fyrir oddaleikinn því það yrði hörmulegt að frábær frammistaða vetrarins yrði að engu nú þegar að úrslitastundu er komið.
Nú þarf að safna liði og með sameiginlegu átaki að berjast til sigurs þannig að frábær árangur liðsins í vetur skili því í úrslitabardagann en til þess þurfa allir að gera betur en þeir gerðu í dag.

Það hefst ekkert án baráttu og því verður seint trúað að nú gefi menn ekki allt sem þeir eiga í leikinn á mánudaginn!

Tengdar fréttir

Leikurinn verður sýndur á RÚV

 16. apríl 2011 - Akureyri handboltafélag skrifar

Leikur dagsins: HK – Akureyri í Digranesi, í beinni á RÚV

Í dag klukkan 16:00 mætast HK og Akureyri í öðrum leik undanúrslitanna og þarf ekki að hafa mörg orð um mikilvægi leiksins. Á sama tíma mætast Fram og FH í Framheimilinu. Það er nú ljóst að RÚV sýnir leikinn beint og hefst útsending þeirra klukkan 15:50.

Við bendum þeim sem ekki komast á leikinn á að fylgast með í sjónvarpinu.

Til baka    Senda á Facebook

Umsjón og hönnun: Stefán Jóhannsson og Ágúst Stefánsson