Menn skemmtu sér vel þrátt fyrir rafmagnsleysi
| | 9. maí 2010 - Akureyri handboltafélag skrifarVel heppnað lokahóf Akureyrar Handboltafélags 2010Á föstudagskvöldið hélt Akureyri Handboltafélag lokahóf sitt fyrir nýlokið tímabil. Leikmenn meistaraflokks og 2. flokks gerðu sér glaðan dag ásamt mökum ásamt mörgum þeim sem komið hafa að starfinu í vetur með einum eða öðrum hætti.
Þegar menn höfðu gert grillmatnum góð skil var komið að afhendingu ýmiss konar viðurkenninga.
Efnilegasti leikmaður liðsins var valinn Guðmundur Hólmar Helgason.
Besti varnarmaðurinn: Hreinn Hauksson.
Besti sóknarmaðurinn: Oddur Gretarsson.
Besti leikmaðurinn: Oddur Gretarsson.  
Þá var fráfarandi þjálfara liðsins, Rúnari Sigtryggssyni afhentur viðurkenningarskjöldur þar sem honum voru þökkuð framúrskarandi störf við uppbyggingu liðsins og óskað velfarnaðar við komandi verkefni.
Ómar Guðmundsson fékk sömuleiðis viðurkenningu fyrir mikið og fórnfúst starf fyrir liðið á undanförnum árum. Ómar hefur haldið utan um sögu félagsins með glæsilegum úrklippumöppum allt frá stofnun, aðstoðað við sjúkraþjálfun og verið boðinn og búinn til að rétta hjálparhönd á öllum hugsanlegum sviðum.
Þá var klappað fyrir fjölda fólks sem hefur verið óþreytandi í störfum fyrir félagið.
Margir fluttu ávörp, fóru með ýmiss konar gamanmál auk þess sem sungið var af fullum krafti.
Við eigum von á myndum frá hófinu sem við setjum á vefinn þegar þar að kemur. |
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu