Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Andri skoraði 12 mörk í sínum síðasta 2. flokks leik

21. maí 2007 - ÁS skrifar 

2. flokkur tapaði gegn Val en lagði Hauka

2. flokkur Akureyrar Handboltafélags lék um helgina tvo leiki. Sá fyrri var gegn Val í úrslitaleik um Deildarmeistaratitilinn. Seinni leikurinn sem fór fram á sunnudag var gegn Haukum um 3ja sætið á Íslandsmótinu. Spilamennska liðsins um helgina var virkilega fín lengstum en mikill klaufaskapur gegn Val reyndist dýrkeyptur.

Leikurinn gegn Val var hörkuspennandi og skiptust liðin á að leiða framan af. Akureyri hinsvegar tók algjörlega við forystunni um miðjan fyrri hálfleik og með frábærum lokakafla komst liðið í 15-11, Valsmenn náðu hinsvegar að skora síðasta mark hálfleiksins og hálfleikstölur voru 15-12 fyrir Akureyri. Í síðari hálfleik var forysta Akureyrar í 2-4 mörkum fyrstu 10 mínúturnar en þegar kortér var eftir náðu Valsmenn forystunni. Eftir það brotnaði lið Akureyrar alveg niður og misstu leikinn úr greipum sínum. Valur vann að lokum 26-31 sigur og varð þar með Deildarmeistari. Mjög svo svekkjandi fyrir Akureyri enda hafði liðið verið að leika mjög vel en klaufaskapur kom Valsmönnum aftur inn í leikinn í síðari hálfleik og gaf þeim sigurinn.

Í gær lék liðið gegn Haukum, Akureyrarliðið var alveg sofandi fyrsta kortérið í leiknum en svo kviknaði líf í liðinu og liðið kaffærði Hauka. Eftir að hafa verið 2-3 mörkum undir í upphafi leiddi Akureyri 14-8 í hálfleik. Í síðari hálfleik var í raun aldrei hætta á að Haukar næðu að komast algjörlega inn í leikinn. Munurinn fór minnst niður í 4 mörk en þá var bara aftur gefið í. Lokatölur voru svo 30-23 fyrir Akureyri og drengirnir fengu því bronsið á Íslandsmótinu í ár.

Tímabilið er því loksins búið hjá 2. flokknum en aðrir flokkar eru búnir fyrir þó nokkru síðan. Það eru viss vonbrigði að liðið hafi ekki fengið bikar í vetur enda vel mannað og liðið var klárlega betri aðilinn gegn Val í baráttunni um Deildarmeistaratitilinn.

Leikirnir um helgina voru þeir síðustu fyrir Andra Snæ Stefánsson og Guðmund Hermannsson en þeir eru að klára 2. flokkinn. Þá er þjálfarinn, Bjarni Gunnar Bjarnason að kveðja og fyrr hefur Aigars Lazdins kvatt drengina en hann hefur þjálfað í vetur.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson