Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Bikarleikur í dag

7. október 2007 - Akureyri handboltafélag skrifar

Selfoss í dag – Ekkert vanmat í gangi

Akureyri mætir liði Selfoss í dag í 32-liða úrslitum Bikarkeppni HSÍ á útivelli. Leikurinn hefst kl. 18.00. Liðin mættust einnig í fyrra í sömu umferð keppninnar og þá sigruðu okkar menn með ellefu marka mun, en eftir mikla baráttu.

"Selfyssingar eru með hörkulið, marga unga og efnilega stráka, og við höfum ekki efni á neinu vanmati. Alls ekki. Þegar við spiluðum við þá í fyrra náðum við ekki að hrista þá af okkur fyrr en í lokin og þess vegna engin hætta á að við vanmetum þá," sagði Rúnar Sigtryggsson þjálfari og leikmaður Akureyrar í samtali við Heimasíðuna.

Úrslitin í fyrra urðu 41:30 en staðan í hálfleik var 19:16.

Eftir leikinn sl. vetur var honum lýst svona hér á Heimasíðunni:

"Akureyri komst strax yfir gegn ungu liði Selfoss en allir leikmenn liðsins að þremur undanskildum eru í Unglingaflokki og 2. flokki. Þessir ungu strákar þeirra léku mjög vel nær allan leikinn og lofuðu afar góðu fyrir framtíðina en Selfoss er með eitt öflugasta yngri flokka starf á landinu. Þeir eiga samkvæmt okkar heimildum mikið lof skilið fyrir framgöngu sína þennan daginn.

Akureyri leiddi ýmist með 3-4 mörkum lengst af í fyrri hálfleik en þegar ein og hálf mínúta var eftir af hálfleiknum minnkaði Selfoss í 16-18 og fá tækifæri á að minnka muninn enn frekar í næstu sókn. Akureyri skoraði svo seinasta mark hálfleiksins og staðan 16-19.

Framan af seinni hálfleik komst Akureyri ekki lengra frá ungum Selfyssingum en 3-4 mörk en staðan var 23-26 fyrir Akureyri þegar rúmar 13 mínútur voru liðnar af seinni hálfleik. Þá fer Akureyri að hlaða á mörkum og var eins og Selfyssingar væru hættir á köflum. Lokatölur voru svo 11 marka sigur Akureyrar, 41-30."

Svo mörg voru þau orð. Þess vegna má búast við hörkuleik í dag en krafan er auðvitað að liðið leiki af sama baráttukraftinum og gegn Haukum í síðasta heimaleik.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson