Handbolti í sjónvarpi um helgina

Á Eurosport 2 verður um helgina sýnt mót sem kallast Super Cup, fjögurra liða mót sem fram fer í Celje í Slóveníu og verða allir leikirnir sýndir beint. Einn á morgun og þrír á sunnudag. Þarna mætast sigurvegarar Evrópumótanna þriggja í karlaflokki frá því síðasta vetur; Meistaradeildarinnar, Evrópukeppni bikarhafa og Evrópukeppni félagsliða, auk gestgjafanna í Celje. Tímasetningar íslenskar.

Á Sýn verður á morgun, laugardag, sýnt beint frá leik Gummersbach og Lemgo í þýsku 1. deildinni í handbolta. Leikurinn hefst kl. 12.55. Hann verður svo endursýndur kl. 21.50 annað kvöld og aftur kl. 13.50 á sunnudag.