Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan




    Fréttir                       Þú flettir milli frétta með örvalyklunum eða smellir á bláu örvarnar! 

Strákarnir fóru á kostum í gær





11. nóvember 2007 - Akureyri handboltafélag skrifar

Fáheyrðir yfirburðir hjá 2. flokki gegn ÍR

Annar flokkur karla tók á móti ÍR í KA-heimilinu í gær. Um síðustu helgi léku þessi lið í Austurbergi og þá sigraði Akureyri með ellefu marka mun. Það var því búist við því að ÍR-ingar myndu tjalda öllu til að hefna ófaranna. En eftir jafnræði á fyrstu mínútum leiksins og í stöðunni 4-4 tóku Akureyrarstrákar leikinn gjörsamlega í sínar hendur og þegar tólf mínútur voru liðnar af leiknum var staðan orðin 8-4.

Strákarnir sýndu frábæran leik jafnt og vörn og sókn og er virkilega gaman að fylgjast með þeim, leikgleðin skín af liðinu og greinilegt að þeir eru virkilega vel stemmdir og liðsheildin sterk.

Í hálfleik var staðan 22-14, Arnar stóð í markinu fyrri hálfleikinn og varði níu skot. Í síðari hálfleik tók Siguróli við og er skemmst frá því að segja að strákarnir slökuðu ekkert á og eftir sex mínútna leik höfðu þeir aukið muninn í tíu mörk, 26-16.

Allir leikmennirnir í hópnum fengu að spreyta sig og virtist engu máli skipta hverjir kæmu inná forystan jókst jafnt og þétt og náði liðið tuttugu marka forystu, 41-21 þegar níu mínútur voru eftir af leiknum. Leiknum lauk síðan með öruggum nítján marka sigri 46-27.

Markaskorun liðsins var sem hér segir: Ásbjörn og Oddur 10 mörk hvor, Hákon 7 (þar af 2 úr vítum), Jón Þór 5, Ágúst 3, Eiríkur, Heiðar Þór, Valdimar og Baldur 2 mörk hver, Steini og Þórgnýr skoruðu síðan 1 mark hvor. (Reyndar missti ritari af einu marki og verður það lagað þegar málið upplýsist)
Markvarsla: Arnar 9 og Siguróli 8.

Liðin mætast aftur klukkan 13:30 í dag og ástæða til að hvetja alla til að koma, því vonandi halda strákarnir áfram að sýna okkur hvernig á að spila handbolta og hafa gaman af!
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson