Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Elmar átti enn einn stórleikinn í markinu í dag





10. janúar 2009 - Akureyri handboltafélag skrifar

2. flokkur: Vinnusigur á Haukum 28-25

Strákarnir í 2. flokki byrjuðu í dag keppni ársins 2009 með heimaleik gegn Haukum. Reyndar virtist sem strákarnir væru ennþá í jólafríi allan fyrri hálfleikinn slík var deyfðin og andleysið yfir liðinu. Reyndar var jafnt á flestum tölum í byrjun en Haukarnir náðu síðan góðri forystu meðan ekkert gekk hjá Akureyri. Haukar leiddu í hálfleik með þremur mörkum, 13-16.

Ekki er hægt að segja annað en fyrri hálfleikurinn hafi verið arfaslakur, ótal sóknarmistök sem gáfu Haukum hraðaupphlaup, varnarleikurinn ekki sannfærandi og þar af leiðinni lítil sem engin markvarsla.

Það er greinilegt að hálfleiksræða Geirs þjálfara hefur verið kjarnyrt því það var allt annað lið sem kom til leiks í seinni hálfleik. Sóknarleikurinn varð miklu beittari, komin barátta í vörnina og Elmar Kristjánsson kom í markið og fór á kostum. Akureyri greip til þess ráðs að taka tvo leikmenn Hauka úr umferð og við það má segja að sóknarleikur Haukanna hafi hrunið og Akureyri tók öll völd á vellinum.

Akureyri hélt fjögurra marka forystu seinni hluta hálfleiksins en einungis eitt mark var skorað á síðustu fimm mínútum leiksins og þar voru Haukar á ferðinni og endaði leikurinn því með þriggja marka sigri Akureyrar 28-25.

Elmar Kristjánsson átti stórleik í markinu en hann kom í markið undir lok fyrri hálfleiks, varði meðal annars þrjú vítaköst og fjölmörg dauðafæri.

Mörk Akureyrar skoruðu: Heiðar Þór 7, Anton og Ágúst 5 mörk hvor, Atli Ævar, Fannar og Hákon 3 hver og Jón Þór 2 mörk.

Eftir leikinn er Akureyri enn með fullt hús stiga á toppi Íslandsmótsins sem er náttúrlega frábær frammistaða en leikurinn í dag sýnir að strákarnir verða að koma í hvern leik af fullum krafti strax frá byrjun, það er ekki víst að dugi alltaf að berjast bara annan hálfleikinn.

Það verður nóg að gera hjá strákunum um næstu helgi en á laugardaginn leika þeir heimaleik gegn Stjörnunni en halda síðan suður og leika við Fram í 8-liða úrslitum bikarkeppninnar. Við sendum strákunum baráttukveðjur og vonum að þeir haldi áfram sínu striki.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson