Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Hér fáum við enn eina hliðina á Oddi Gretarssyni





11. janúar 2009 - Akureyri handboltafélag skrifar

Dagur í lífi leikmanns

Oddur Gretarsson hefur staðið í ströngu undanfarna daga en hann hefur verið að spila með landsliði Íslands sem ýmist er kallað B landsliðið eða 2012 liðið. Liðið tók þátt í sex liða móti í Frakklandi sem lauk í dag. Oddur og félagar léku í dag við Tékka um 3. sætið á mótinu og gerðu sér lítið fyrir og unnu fínan sex marka sigur 34-28 eftir að hafa verið undir 14-17 í hálfleik. Við höfum ekki fregnir af frammistöðu Odds í leiknum í dag en í fyrri leikjunum, gegn franska liðinu Ivry svo og Serbíu skoraði hann samtals 3 mörk.

Fyrir skömmu síðan barst heimasíðunni léttur pistill sem ber yfirskriftina Dagur í lífi leikmanns þar sem brugðið er upp skemmtilegri mynd af hinum bráðefnilega leikmanni Oddi Gretarssyni. Við bendum áhugasömum á að það er velkomið að senda okkur skemmtisögur af leikmönnum og aðstandendum Akureyrar Handboltafélags, en pistillinn fer hér á eftir.

Dagur í lífi leikmanns
Þeir sem þekkja Odd Grétarsson, leikmann meistara- og annars flokks AHF, vita að blóðið í æðum hans er ekki á neinni sérstakri hraðferð um kerfið. Drengurinn stendur sig vissulega frábærlega á handboltavellinum og fer hratt yfir fjalirnar á þeim vettvangi. Óhætt er að segja að allt önnur lögmál gildi um Odd þegar völlurinn hefur verið yfirgefinn og hversdagslífið tekur við. Margir myndu segja hann vera rólegan í tíðinni en sennilega er nær að tala um að Oddur sé á pásu í tíðinni.

Við sem iðkum handboltann með Oddi höfum ekki farið varhluta af því að drengurinn er við það að lognast í hinu daglega lífi og til að leyfa utanaðkomandi að grennslast fyrir um hvað við er átt þá er ekki úr vegi að lýsa týpískum degi í lífi Odds. Reyndar þurfum við ekki nema nokkra klukkutíma úr degi til að varpa ljósi á það hversu mikið einn maður getur verið utan við sig.

Annar flokkur lék tvo leiki fyrir sunnan helgina 5.-6. desember síðastliðinn. Á laugardeginum var ferðinni heitið á Selfoss og skildi lagt af stað tímanlega klukkan 12:30 frá fyrirfram ákveðnum stað. Kl. 12:30, sem sagt á brottfarartíma, koma sms skilaboð frá Oddi til annars leikmanns þar sem að Oddur spyr hvort að viðkomandi sé á bíl. Þarna átti Oddur að vera mættur í Kringluna en var enn á gististað sínum í Kópavogi. Þegar hringt er í Odd klukkan 12:35 er Oddur enn á sama stað og skilur ekkert í því að verið sé að hringja í sig svona tímanlega því að klukkan hreinlega geti ekki verið orðin 12:30, hún hljóti að vera eitthvað miklu minna.

Jæja, Oddur skilar sér á staðinn 25 mínútum of seint og lagt er í hann til Selfoss. Eftir að Selfyssingar voru lagðir af velli í dramatískum leik var svo komið að því að fá sér eitthvað í gogginn og bruna svo heim í heiðardalinn. Þegar menn eru svo að sækja veskin sín í sérstakan „verðmætapoka“ liðsins fattar Oddurinn að hann er alls ekkert með veskið sitt. Það hafði þá gleymst á gististaðnum í Kópavogi og það verður að játast að samherjarnir voru ekkert sérstaklega hissa að heyra þessar fréttir.

Eftir góða sturtu og nokkra sigursöngva er svo komið að því að drífa sig út í rútu og leggja af stað í borgina. Af fenginni reynslu ákvað þjálfarinn að fara síðastur út úr klefanum til að tryggja að allt væri meðferðis því að oft gleyma menn t.d. sokk, teipi, brók eða slíkum minniháttar eignum. Að þessu sinni var það hins vegar öllu veglegri flík sem hafði gleymst því að á einum snaganum héngu gallabuxur. Þjálfi röltir með gallabuxurnar út í rútu og hver haldið þið að hafi gleymt að fara í gallabuxurnar sínar? Jú mikið rétt, Oddur Grétarsson.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson